لەشاری دیاربەكری باكووری كوردستان، لە ئەنجامی وەرگەڕانی پاسێك 30 كەس برینداربوون و برینی چواریان سەختە.
ڕووداوەكە لەسەر رێگای سەرەكی دیاربەكر-ئورفا، ڕوویداوە بەهۆی بەفر و سەهۆڵبەندانەوە، پاسەكە لە كۆنترۆڵی شۆفێرەكەی دەرچووە، لە ڕێگاكە لایداوە و كەوتووەتە خوارەوە و وەرگەڕاوە.
لە ئەنجامی رووداوەكەدا 30 كەس برینداربوون كە برینی چواریان سەختە. هاوكات ژمارەیەك لە سەرنشینەكان كە گیریان خواردبوو، لەلایەن تیمەكانەوە لە پاسەكە دەرهێنران و بریندارەكان بە ئەمبوڵانس بۆ نەخۆشخانەكانی شارەكە گوازرانەوە، تیمەكانی پۆلیس، جەندرمە، تەندروستی، ئافاد و ئاگركوژێنەوە ڕەوانەی شوێنی ڕووداوەكە كران.
