سەرۆكی پەرلەمانی عێراق ڕایدەگەیەنێت، جاری یەكەم نییە كە بەهای دینار گۆڕانكاری بەخۆیەوە دەبینێت.
محەمەد حەلبوسی، سەرۆكی پەرلەمانی عێراق لە هەژماری تایبەتی خۆی لە تۆڕی كۆمەڵایەتی تویتەر رایگەیاندووە، هیچ نیگەرانیەك لەبارەی دۆخی ئابووری عێراق نییە و بەهای دینار بەرامبەر دۆلار وەك خۆی لێدێتەوە و دەگەڕێتەوە دۆخی ئاسایی خۆی.
ئاماژەی بەوەش كردووە، جاری یەكەم نییە، كە بەهای دینار بەرامبەر بە دۆلار گۆڕانكاری بەخۆیەوە دەبینێت، بەڵام لەگەڵ ئەو رێوشوێنانەی كە دەگیرێنەبەر دەگەڕێتەوە ئاستی ئاسایی رابردوو.
