كریستیانۆ ڕۆناڵدۆ ئەستێرەی پورتوگالی و یاریزانی نەسری سعودی، باس لە تۆماركردنی یەكەم گۆڵی دەكات لەگەڵ یانەكەی لە دژی یانەی فەتح لە خولی سعودی.
ڕۆناڵدۆ لەڕێی تویتەرەوە بڵاویكردەوە:”خۆشحاڵم بە تۆماركردنی یەكەم گۆڵ لە خولی سعودی كە بە هەوڵی هەموو تیپەكە بوو بۆ هێنانەدی یەكسانبوونێكی گرنگ لە یارییەكی زۆر قورسدا”.
یەكەم گۆڵ لە یارییەكەدا لەلایەن كریستیان تیلۆوە تۆماركرا و پاشان ئەندرسۆن تالیسكا یارزانی بەڕازیلی یانەی نەسر گۆڵی یەكسانبوونی تۆماركرد و دواتر سوفیان بن بەرەكە گۆڵی دووەمی بۆ فەتح تۆماركرد، ڕۆناڵدۆش لەڕێی پەناڵتییەوە گۆڵی یەكسانبوونی بۆ یانەكەی تۆماركرد.
ئەژماری خولی “ڕوشن”ی سعودی لەسەر “تویتەر”، گۆڵەكەی دۆنی بڵاویكردەوە و بەوشێوەیە نەسر بە 34 خاڵەوە گەڕایەوە یەكەمی ڕیزبەندی بە یەكسانی لەگەڵ شەباب، بەڵام بە جیاوازیی گۆڵ نەسر لە پێشەوەیە.
