هاتووچۆی هەڵەبجە داوا لە شۆفێران و هاووڵاتییان دەكات ڕێگای سنوری هەورامان شارۆچكەی ( بیارە – تەوێڵە ) بە تایبەتی نزیك سۆسەكان بەكار نەهێنن، بەهۆكاری ئەوەی بەفریچكی زۆر باریوە و ئاستەنگی هاتووچۆ دروستبووە.
بەڕێوەبەرایەتی هاتووچۆی هەڵەبجە، لە ڕاگەیاندراوێكدا بڵاویكردەوە، ئاگاداری هاووڵاتیان و شوفێران دەكەینەوە كە لە سنوری هەورامان شارۆچكەی ( بیارە – تەوێڵە ) بەتایبەتی نزیك سۆسەكان بەهۆكاری بارینی بەفرێكی زۆر و وێرای بەردەوام رامالینی بەفر لە لایەن تیمەكانی شارەوانیەوە، ئاستەنگی هاتووچۆ دروست بووە، تەنها ئۆتۆمبێلی دەبڵ ئەكسل بەزنجیرەوە دەتوانێت ئەو ڕێگایە بەكاربهێنێت
بەڕێوەبەرایەتییەكە دەڵێت، داوا لە شوفێران دەكەین تا رێگاكە خاوێن دەكرێتەوە لە بەفرئەو ڕێگایە بەكارنەهێنن.
