بەڕێوەبەری بنکەی پۆلیسی ڕەحیم ئاوا ڕاگەیاند، بەهۆی دروستبوونی شەڕوئاڵۆزی لە نیوان دوو بنەماڵەدا لە گەڕەکی سەرچناری شاری کەرکوک ٧ کەس بریندار بوون.
عەقید عسام، بەڕێوەبەری بنکەی پۆلیسی ڕەحیم ئاوا بە کوردسات نیوزی ڕاگەیاند، دوو خێزانەکە کوردی ڕۆژئاوای کوردستانن و لەشەڕەکەدا چەقۆ بەکار ھاتوە و تەقەش کراوە بەھۆیەوە ٧ کەس بریندار بوون.
پۆلیس ئاماژەی بەوەشکرد، لەو ٧ بریندارە ٤ کەسیان فیشەک بەر قاچیان کەوتوە و ٣ کەسی تریشیان بە چەقۆ و دار برینداربوون.
بەڕێوەبەری بنکەی پۆلیسی رەحیم ئاوا وتیشی:٤ کەس دەستگیر بکەن کە دەستیان لە شەڕەکەدا ھەبووە و بریندارەکانیش رەوانەی نەخۆشخانە کراون بۆ وەرگرتنی چارەسەر.
ئاماژەی بەوەشکرد، دوو خێزانەکە ڕەتیانکردووەتەوە سکاڵای یاسایی تۆمار بکەن لەلای پۆلیس و وتویانە کێشەی خێزانی نێوان خۆیانەو سکاڵایان نییە.
