یەكێتی تۆپی پێی بەڕازیل لە ڕاگەیاندنی ناوی ڕاهێنەری نوێی هەڵبژاردەی وڵاتەكە نزیكدەبێتەوە، تا لەدوای تیتی سەركردایەتی سیلیساو بكات.
تیتی لە پاش ماڵئاوایی كردنی بەڕازیل لە قۆناغی 8ی مۆندیال لەسەردەستی كرواتیا، وازی لە ڕاهێنانی هەڵبژاردەی بەڕازیل هێنا، بەپێی ڕۆژنامەی “سپۆرت”ی ئیسپانیش”لویس ئنریكی ئیسپانی لە ڕاهێنانی هەڵبژاردەی بەڕازیل نزیكبۆتەوە”.
ڕۆژنامە ئیسپانییەكە نوسیویەتی”ئینریكی پاڵێوراوی یەكەم نەبوو بۆ ڕاهێنانی هەڵبژاردەی بەڕازیل، بەڵكو خواستی یەكەم لەسەر پیپ گواردیۆلا و پاشان كارڵۆ ئەنشیلۆتی بوو”.
ئینریكی لە پاش ماڵئاوایی هەڵبژاردەی ئیسپانیا لە قۆناغی 8ی مۆندیال لەسەر دەستی هەڵبژاردەی مەغریب بە پەناڵتی، وازی لە ڕاهێنەرایەتی هەڵبژاردەی وڵاتەكەی هێنا.
