لەسەر “بێڕێزی كردن بە دادگای باڵای فیدڕاڵی عێراق” جێگری سەرۆكی پەرلەمانی عێراق لە پشكی كورد لە دادگای كەرخ سكاڵای لەسەر تۆماركرا و دادگایی دەكرێت.
ئەنجوومەنی باڵای دادوەری لە بەیاننامەیەكدا ئاماژەی بەوەكردووە، لەلایەن دادگای فیدڕاڵییەوە سكاڵا تۆماركراوە لەسەر جێگری دووەمی سەرۆكی پەرلەمانی عێراق (شاخەوان عەبدوڵڵا) بەهۆی ئەوەی دەستوەردانی كردووە لە سەربەخۆیی دەسەڵاتی دادوەری و لە كاری دادگای باڵای فیدڕاڵی و بێڕێزی كردووە بە بڕیارەكانی بەپێچەوانەی دەستوور و یاساوە، كە بڕیاری ژمارە (170/ فیدڕاڵی 2022)ە لە (25- 1- 2023).
ڕاشیگەیاندووە، دادگای كەرخ لە پایتەخت بڕیاری داوە بە بانگهێشت كردنی جێگری دووەمی سەرۆكی پەرلەمان بۆ بەردەم دادگا.
