كۆبوونەوەی شاندی باڵای مەكتەبی سیاسی یەكێتی و پارتی لە سلێمانی دەستی پێكرد.
نیوەڕۆی ئەمڕۆ شەممە، کۆبوونەوەی هەردوو مەکتەبی سیاسی یەکێتیی نیشتمانیی کوردستان و پارتی دیموکراتی کوردستان لە بارەگای مەکتەبی سیاسی یەکێتیی لە سلێمانی دەستی پێکرد.
شاندی پارتی پێكهاتوون لە جەعفەر ئیمینکی و مەحمود محەمەد و پشتیوان سادق و ئومێد سەباح و هێمن هەورامی، هاوكات شاندی یەكێتی پێكهاتوون لە قوباد تاڵەبانی و دەرباز كۆسرەت ڕەسوڵ و ئەمین بابەشێخ و میران محەمەد و دارا ڕەشید.
خاڵی ناکۆکیی نێوان پارتی و یەکێتیی بۆ گفتوگۆ لە کۆبوونەوەکەی ئەمڕۆدا بریتین لە هەڵبژاردنی پەرلەمانی کوردستان، پرسی داهات و خەرجییەکان، یەکخستنی هەڵوێستەکان بەرامبەر بە بەغدا و دەرەوە، پرسی حکومەت و گەڕانەوەی تیمی وزاری یەکێتی بۆ کۆبوونەوەکانی ئەنجوومەنی وەزیران.
