![](https://xelk.org/wp-content/uploads/2024/03/awincity2.png)
شارەزایەكی كەشناسی هۆشداری دەربارەەی كەشوهەوای ئەمشەو دەداتە هاووڵاتیان و شۆفێران و دەڵێت: “تەم و مژی چڕ تەواوی ناوچەكان دەگرێتەوە و ئاستی بینین كەم دەبێتەوە”.
محەمەد كەمال، شارەزای كەشناسی بۆ (خەڵك) ئاماژەی بەوەكرد، لە كاتەكانی 9 ی ئەمشەوی پێنج شەممە بەدواوە تا پێشنیوەڕۆی سبەینێ هەینی تەم و مژی چڕ تەواوی ناوچەكانی هەرێمی كوردستان دەگرێتەوه و ئاستی بینین كەم دەبێتەوه.
ئەو شارەزایەی كەشناسی هۆشداری دەدات و دەڵێت: “شۆفێران بە هۆشیارییەوه شۆفێری بكەن بەتایبەت بارهەڵگرەكان و خراپترین ڕێگا لەو كاتەدا ڕێگای سەرشاخی بەرانانە، كە هاتووچۆی هاووڵاتیانی كەلار – سلێمانی لەسەرە”.
دەشڵێت: “داواكارم ئەمشەو تا سبەینێ ئەو ڕێگایە دابخرێ، چونكە ئەگەری تەم و مژی زۆر چڕ هەیە لەسەر چیاكە و ناوچە شاخاویەكانی تریش بەهەمان شێوه”.