سەردێر

كۆرۆنای وەرزی هەیە؟

 

 

خەڵك-
نەتەوە یەكگرتووەكان پێشبینی دەكات كە بڵاوبوونەوەی وەرزی ڤایرۆسی كۆرۆنا هەبێت، بەڵام زانیارییەكان تا ئێستا نەگەیشتوونەتە ئاستی پێویست بۆ پشت بەستن بە ئەوەی كە كەشوهەوا كاریگەری هەبێت لەسەر بڵاوبوونەوەی كۆرۆنا.

رێكخراوی جیهانی كەشوهەوای سەر بە نەتەوە یەكگرتووەكان تیمێكی شازدە كەسی لە پسپۆڕان پێكهێناوە بۆ توێژینەوە و لێكۆڵینەوە كاریگەرییەكانی كەشوهەوا لەسەر بڵاووبونەوەی كۆرۆنا.

پسپۆڕ و شارەزاكگان لە راپۆرتی یەكەمی خۆیاندا ئاشكرایانكرد كە نەخۆشییە ڤایرۆسییەكان لە وەرزەكانی سەرمادا چڕدەبنەوە، ئاماژەش هەیە كە ڤایرۆسی كۆرۆنا كۆڤید 19 لە حاڵی بەردەوامیدا رەنگە ببێتە نەخۆشییەكی وەرزی بۆ چەندین ساڵ.

توێژینەوەكە، ئاماژەی بەوەشكرد جارێ زووە پشت بە كەشوهەوا ببەسترێت بۆ كاریگەری دانان لەسەر بڵاوبوونەوەی نەخۆشی كۆرۆنا لە ساڵی رابردوودا ئەوەی بریتی بووە لە كاری حكومەتەكان نەك هۆكارەكانی كەشوهەوا.