سەردێر

چۆن وادەکەیت بۆ ئەم زستانە گەرمی ناو ماڵەکەت بەهەدەر نەڕوات؟

له‌ وه‌رزی زستاندا و به‌هۆی سه‌رمای زۆره‌وه، گه‌رمكردنی ماڵ كارێكی پێویسته، به‌ڵام كۆمه‌ڵێك رێگا هه‌یه‌ كه‌ واده‌كات به‌ تێچویه‌كی زۆر كه‌متر ماڵه‌كه‌ت گه‌رم بكه‌یته‌وه‌:

– سه‌رچاوه‌ی جێگره‌وه‌: هه‌موو كات یه‌ك سه‌رچاوه‌ بۆ گه‌رمكردنه‌وه‌ به‌كار مه‌هێنه‌، سه‌رچاوه‌ قورس و گرانبه‌هاكان هه‌ڵگره‌ بۆ رۆژه‌ زۆر سارده‌كان و له‌ رۆژانی دیكه‌دا هه‌وڵبده‌ به‌ تیشكی خۆر (بۆنمونه‌ لادانی په‌نجه‌ره‌ بۆ هاتنه‌ ناوه‌وه‌ی تیشكی خۆر) به‌كار بهێنیت.

– گۆڕینی شوێنی كه‌ره‌سته‌كان: له‌ زستاناندا هه‌وڵبده‌ قه‌نه‌فه‌ و كورسی دانیشتن له‌ نزیك ئامێری گه‌رمكه‌ره‌وه‌ دابنییت، به‌وه‌ش وزه‌یه‌كی كه‌متری پێویسته‌ بۆ ئه‌وه‌ی هه‌ستی گه‌رمیت لا دروستبكات.

– ده‌رگای گه‌رماو بكه‌ره‌وه‌: پێویستناكات ده‌رگای ده‌ره‌وه‌ بكه‌یته‌وه‌، به‌ڵام ده‌توانیت ده‌رگای ناوماڵه‌كه‌ بكه‌یته‌وه‌ بۆ ئه‌وه‌ی گه‌رما له‌ ژورێكه‌وه‌ بچێت بۆ ژورێكی دیكه‌، به‌تایبه‌تیش ده‌رگای گه‌رماو له‌پاش خۆشۆردن.

– كۆمه‌ڵایه‌تی به‌: كه‌سێك كه‌ حه‌ز به‌ته‌نهای بكات  و ته‌نهابێت زیاتر هه‌ست به‌سه‌رما ده‌كات، به‌ڵام له‌ وه‌رزی زستاندا كۆبونه‌وه‌ی خێزانی یاخود له‌گه‌ڵ هاوڕێدا واتلێده‌كات سه‌رمات له‌بیرچێته‌وه‌و زیاتر هه‌ست به‌ گه‌رمی بكه‌ت.

– درزی ده‌رگا و په‌نجه‌ره‌: یه‌كێك له‌ كاریگه‌رترین ئه‌و هۆكارانه‌ی كه‌ واده‌كات ماڵه‌كه‌ت گه‌رم نه‌بێته‌وه‌ ئه‌و درزی نێوان ده‌رگا و په‌نجه‌رانه‌یه‌ كه‌ له‌سه‌ر ده‌ره‌وه‌ن و هه‌وای زۆر سادر ده‌هێننه‌ ژوره‌وه‌، هه‌ربۆیه‌ ده‌بێت چاودێری باشیان بكه‌یت و دڵنیابیت له‌وه‌ی كه‌لێنی تێدا نییه‌.

– په‌رده‌كان جوان دابده‌ره‌وه‌: یه‌كێك له‌ هۆكاره‌كانی پاراستنی وزه‌ دادانه‌وه‌ی په‌رده‌كانه‌ به‌ شیوه‌یه‌كی باش به‌و پێیه‌ی ڕێگریش ده‌كات له‌ هاتوچۆكردن و له‌ ده‌ستدانی گه‌رمی.