سەردێر

ئیدی مەڵێ ساوەر ناخۆم! سوودی زۆرە بۆ جەستە

ساوەر یەكیكە لەخواردنە زۆر بەسودەكان بەوپێیەی كە بڕێكی تەواو بەهای خۆراكی تێدایە لە پێكهاتەكەیدا و بەخواردنی ١٠٠ گرام لە ساوەر بڕێکی زۆر بەهای خۆراکیت پێدەگات کە لە خوارەوە شیکراوەتەوە:

ساوەر لەگەنم دروست دەكریت لەجۆری گەنمی زبر كە ناوی زانستیەكەی Triticum Durum كە ئەم جورە گەنمە جیاوازە لەگەنمی نان كە لە جۆری گەنمی نانە كە ناوی زانستی گەنمی نان Bread Weat یان Triticum Aestivium.

ئەگەر ١٠٠ غرام لە ساوەرمان هەبێت ئەوا ئەم بەها خوراكیانەت دەست دەكەویت:

ئاو یان شێ : ٪؜ ٦.٥
پڕۆوتین:  ٪؜١٤.٨
چەوریی:  ٪؜ ٢.٦
مادە ڕیشاڵیەکان ٪؜١.١
كاربوهیدرات ٪؜٧٦.٣
توخمە كانزاییەكان ١٠٠ غرام
ئاسن ٢٦،٤ملغم/١٠٠ غرام
مەنگەنیز ١٧،١ملغم/١٠٠ غرام
كالسیوم ٩٨.٣ملغم/١٠٠ غرام
مەگنسیوم ٢٠٠.٣ملغم/١٠٠ غرام
هەندیك لەو ڤیتامینانەی كە بەزۆری لەساوەردا هەن ملغم/١٠٠ غرام
ڤیتامین B1 ٠،٦٨ملغم/١٠٠ غرام
رایبوفلافین B2 ٠،٤٧ملغم/١٠٠ غرام
ڤیتامین B3 ٠،١٣ملغم/١٠٠ غرام

 

ئەمەش هەندێک لە سوودە گرنگەکانی:

– زۆر بەسودە بو دابەزاندنی كێش چونكە بەبڕێکی كەم تێر دەخۆیت و كاتیكی زۆریشت دەوێت تاوەكو برسیت دەبێت.
– بەسودە بو دایكی دووگیان چونكە بڕێكی زور باش لە فولیك ئەسیدی تێدایە كەبەسودە بۆ دایكەكە و بۆ گەشەی كۆرپەلە.
– هەروەها توخمی كانزای توتیا Znی تیایە كەبەرپرسە لە گەشەی باڵای لەش .
–  چەندین بەهای خۆراكی زۆری تێدایە.

 

ئامادەکردنی: شێخ زانیار بەرزنجی
ماستەر لە کواليتی کۆنترۆڵ و کيميای خۆراک