سەردێر

چەند جوڵەیەک بۆ هاوکاریکردنی لیمفەگرێکانی جەستە تا باشتر کاری خۆیان بکەن و کێشە درووست نەبێت!

لیمفەگرێ  ئۆرگانێکە بە شێوەی ھێلکە و بەشێکە لە کۆئەندامی سووڕان و کۆئەندامی بەرگری، ئەرکی خاوێن کردنەوەی لیمفی لە بەکتریاکان و میکرۆبەکانی تری لە ئەستۆیە و ڕۆڵی ھەیە لە پاراستنی تەندروستی لەشدا.

 

ئازاری مل

کارکردنی زۆر لەسەر کۆمپیتەر زۆرجار کێشە لە لیمفەگرێکانی ملدا درووستەکات و دەبێتە هۆی ئازار، ئەمە چەند جوڵەیەکە بۆ چارەسەری ئەو دۆخە:

 

-لە سەر لا دەستێکت بنێ بە دیوارەوە و دواتر هەوڵبدە چەناگەت بدەیت لە شانەکەی دیکەت و لە دواخاڵدا کەمێک ڕایبگرە، ١٠ جار

-پشتت بنێ بە دیوارەوە و قاچت کەمێک بهێنە پێشەوە، دواتر قۆڵەکانت بەرە سەرە و بیهێنەرەوە خوارەوە، ١٠ جار

 

ئازاری دەستەکان

-بۆ ڕێگری لە ئازاری دەست و مەچەک و سڕبوونی کە بەهۆی زۆر بەکارهێنانی مۆبایل درووستدەبێت ئەم وەرزشانە بکە:

-مەچەکت بگرە و دەستت بسوڕێنە. ١٠ سوڕ

-هەردوو پەنجەی دۆشاومژە لەیەک گیر بکە و ڕایبکێشە.

 

ئازاری خوارەوەی پشت و حەوز

-بەهۆی دانیشتنی زۆر و نەبوونی جوڵە زۆرجار کێشە لە لیمفەگرێکانی ئازاری خوارەوەی پشت و حەوز درووستدەبێت، ئەمەی خوارەوە چەند جوڵە و ڕاهێنانێکە بۆ چارەسەر:

 

-لەسەر سوچی کورسیەک دابنیشە و قاچێکت درێژ بکە و سنگت بەرە بۆ خوارەوە و تا دەتوانیت بیکشێنە، ٥ بۆ ١٠ جار

-لەسەر پشت ڕابکشێ و قاچێکت بکەرە سەر قاچەکەی دیکە، دواتر بە دەستت ڕانت ڕابکێشە تا دەکشێت و بەو جۆرە ٢٠ بۆ ٣٠ چرکەیەک ڕایبگرە، ٢ جار ئەنجامی بدە پاشان لایەکەی دیکە.