سەردێر

ئایا فەحسی عام پێویستە خەڵک ئەنجامی بدات؟

ئایا فەحسی عام پێویستە خەڵک ئەنجامی بدات؟ بۆتان لەتیف پزیشكی شارەزای گشتی  وەڵامی ئەو پرسیارە دەداتەوە:

د، بۆتان لەتیف بەمجۆرە وەڵام دەداتەوە:

هیچ شتێک بوونی نیە بەناوی فەحسی عام لە توب! فەحسی موختەبەر لە زانستی پزیشکی دا بە گوێرەی نەخۆشییەکە و نیشانەکانی دەنێردرێت.
نەخۆشی هەیە هيچ فەحسێکی پێویست نیە، هەشە زۆر فەحسی پێویستە.

جا نەخۆش نازانێت کامە فەحسی موختەبەری پێویستە و کامەی پێویست نیە ئەگەر وابوایە پێویستمان بە پزیشک نەدەبوو.

وە زۆر تاقیگەش هەن قەت بە نەخۆش ناڵێن “نەخێر ئەو فەحسەت بۆ ناکەین هەتا پزیشک بۆت نەنوسێت” بەداخەوە.

ئەمە دیاردەیەکی هەڵەی بڵاوە و بۆ بەرژەوەندی گشتی دەبێت بوەستێندرێت.

نەخۆش دەبێت ئازاد بێت لە کام موختەبەر فەحسەکانی خۆی دەکات، بەڵام نابێت ئازاد بێت بە دڵی خۆی کام فەحسی ویست بیکات، چونکە زۆربەی کاتەکان ئەو فەحسانەی نەخۆشەکان خۆیان دەیکەن پێویستی پێیان نیە و تەنها سەرف کردنی پارەیە کە دەکرێ لە فەحسی گونجاوتر و پێویست تر سەرفی بکەن، یاخود هەر فەحس نەکەن چونکە پێویستیان نیە و پارەکە بۆخۆیان هەڵگرن بۆ شتی دیکە.