سەردێر

7 ڕاهێنان بۆ ئه‌وه‌ی پشتت بە باشی ڕێك ببێته‌وه‌

بونی ئازار له‌ پشتدا زۆرجار په‌یوه‌سته‌ به‌ گرنگیپێنه‌دان به‌ ته‌ندروستی پشتت، بۆ پاراستنی ته‌ندروستیت وه‌رزشكردن باشترین چاره‌سه‌ره‌، ئه‌مه‌ی خواریشه‌وه‌ كۆمه‌ڵێك وه‌زرشی گونجاوه‌ بۆ ئه‌وه‌:

 

-له‌سه‌ر پشت ڕابكشێ، قاچی ڕاستت بچه‌مێنه‌ره‌وه‌، به‌ ده‌ستت قاچی چه‌پت بۆ لای سنگت ڕابكێشه‌و تا 30 چركه‌ به‌و جۆره‌ ڕایی بگره‌.

 

-له‌سه‌ر پشت ڕابكشێ، قاچی ڕاستت بچه‌مێنه‌ره‌وه‌، به‌هه‌مان شێوه‌ قاچی چه‌پت كۆبكه‌ره‌وه‌و بۆ لای سنگت ڕایبكێشه‌، به‌و جۆره‌ 20 چركه‌ ڕایبگره‌.

-له‌سه‌ر پشت ڕابكشێ و به‌شی چه‌پی جه‌سته‌ت بخه‌ به‌سه‌ر به‌شی ڕاستدا، به‌هه‌مان شێوه‌ بۆ لایه‌كه‌ی دیكه‌ش دوباره‌ بكه‌ره‌وه‌ و 20 چركه‌ ڕایبگره‌.

-له‌سه‌ر پشت ڕابكشێ و قاچی چه‌پت به‌رزبكه‌ره‌وه‌ و بینوشتێنه‌ره‌وه‌، دواتر قاچی ڕاستی بخه‌ره‌ سه‌ر و 30 چركه‌ ڕای بگره‌.

-به‌هه‌مان شێوه‌ی وێنه‌كه‌ له‌سه‌ر قاچی ڕاستت دابنیشه‌و قاچی چه‌پت بنوشتێنه‌ره‌وه‌، بۆ 30 چركه‌ بوه‌سته‌.

-له‌سه‌ر لای ڕاست ڕابكشێ و قاچی چه‌پت بۆ دواوه‌ ڕابكێشه‌، بۆ 30 چركه‌ ڕایبگره‌.

 

-وه‌ك له‌ وێنه‌كه‌دا دیاره‌ له‌ به‌رده‌م مێزێكدا وه‌سته‌و به‌ رێكی سنگت بنوشتێنه‌ره‌وه‌ به‌ جۆرێك كه‌ ده‌ستت بگاته‌ مێزه‌كه، 10 چركه‌ به‌و جۆره‌ ڕابوه‌سته، پاش ئه‌وه‌ وه‌ك له‌ وێنه‌ی دووه‌م دیاره‌ به‌ لای ڕاست و چه‌پدا قۆڵت بكشێنه‌.