سەردێر

چەند خاڵیکی گرنگ پێویستە لە کاتی بە بارمتە گرتندا بیزانیت، تا ڕزگارت ببێت

هه‌رچه‌نده‌ به‌ “بارمه‌ته‌” گیران كارێكی ده‌گمه‌نه‌، به‌ڵام له‌ ژیانی ئه‌مڕۆماندا هه‌ندێكجار  له‌ هێرشی تیرۆریستی یاخود هه‌ڵكوتانه‌ سه‌ر فرۆشتگا و بانك و شوێنه‌ گشتیه‌كاندا به‌ بارمته‌ ده‌گیرێیت، هه‌ر بۆیه‌ بۆ پاراستنی گیانت ده‌بێت ئه‌م 5 خاڵه‌ی خواره‌وه‌ جێبه‌جێ بكه‌یت:

– پێویسته‌ هه‌وڵبده‌یت هه‌ر ده‌رگا یان ڕێڕه‌وێكی به‌رده‌ست به‌كار بهێنیت بۆ ئه‌وه‌ی له‌و شوێنه‌ هه‌ڵبێیت و نه‌كه‌ویته‌ به‌رده‌ستی چه‌كداره‌كان.

 

– گه‌ر نه‌تتوانی خاڵی یه‌كه‌م جێبه‌جێ بیكه‌ت، ئه‌وا تۆ (بارمته‌یت) و ده‌بێت ئه‌و كه‌سانه‌ی تۆیان به‌ بارمته‌ گرتووه‌ هه‌رچیان وت به‌قسه‌یان بكه‌یت، چونكه‌ ئه‌وان چه‌كیان پێیه‌.

 

– هه‌وڵبده‌ ئارامی بپارێزیت و هیچ ده‌نگه‌ده‌نگ و ئاژاوه‌یه‌ك دروستمه‌كه‌و به‌رپه‌رچیان مه‌ده‌ره‌وه‌، له‌ هه‌مان كاتدا هێنده‌ لاواز مه‌به‌ كه‌ به‌ كه‌وتنه‌ گریان یاخود ترسی زۆر سه‌رنجیان به‌لای خۆتدا ڕابكێشیت.

 

– كاتێك تیمی فریاگوزاری دێت و به‌تایبه‌تیش له‌و كاته‌دا كه‌ هێرش ده‌هێنن دۆخه‌كه‌ “مه‌ترسیدارترینه‌” هه‌ر بۆیه‌ به‌هیچ جۆرێك له‌ جێگه‌ی خۆت مه‌جوڵێ و خۆت بده‌ به‌ زه‌ویدا و به‌ ده‌ستت گوێچكه‌كانت بگره‌و چاوت بنوقێنه‌، چونكه‌ ئه‌و تیمه‌ له‌و كاته‌دا به‌ ئاسانی ناتوانن چه‌كداره‌كان له‌گه‌ڵ بارمته‌كان جیابكه‌نه‌وه‌و هێرش بۆ سه‌ر هه‌ر كه‌سێك ده‌هێنن كه‌ بجولێت.

 

– به‌لاته‌وه‌ ئاسایی بێت گه‌ر پاش ئه‌وه‌ی ڕزگارتان بوو ده‌ستگیربكرێیت و ببرێیت بۆ لێكۆڵینه‌وه‌، چونكه‌ چه‌كداره‌كان زۆركات له‌ نێو بارمته‌كاندا خۆیان ده‌شارنه‌وه‌، هه‌ر بۆیه‌ بۆ جیاكردنه‌وه‌ی ئه‌وان له‌ كه‌سه‌ ئاساییه‌كان لێكۆڵینه‌وه‌ت له‌گه‌ڵدا ده‌كرێت.