سەردێر

چه ند چاره‌سه‌رێکی سروشتی بۆ ئه‌وانه‌ی سه‌رئیشه‌یان له‌گه‌ڵدایه لە پزیشکێکی کوردەوە

ئەمەی خوارەوە چه ند چاره‌سه‌رێکی سروشتی بۆ ئه‌وانه‌ی سه‌رئیشه‌یان له‌گه‌ڵدایه‌ به‌شیوه‌یه‌کی گشتی :

۱ـ خواردنه‌وه‌ی ئاو به‌ڕێژه‌یه‌کی زۆر ،له‌به‌ر ئه‌وه‌ی ووشکبونه‌ وه‌ کاریگه‌ریه‌کی گه‌وره‌ی هه‌یه‌ له‌سه‌ر زیادکرنی سه‌ر ئیشه‌ ۰
۲ـ خواردنی بڕی پێویست له‌ ماده‌ی مه‌گنیسێۆم ،ئایه‌ به‌شیوه‌ی خوراک بێت که‌ له‌م خوراکه‌نه‌دا زۆره‌ وه‌ک:سپیناغ ،سڵق ، افوکادۆ ،شوفان ، کاژۆ ، برنجی بۆر ، شیری سۆیا ،ماست ۰۰هتد
یاخود به‌شێوه‌ی حه‌ب که‌ نابێت له‌ ٦۰۰ملغم زیاتر بێت چونکه‌ له‌وانه‌یه‌ گه‌ده‌ ئازار بدات ۰
۳ـ دوورکه‌وتنه‌وه‌ له‌خواردنه‌وه‌ کحولیه‌کان به‌تایبه‌تی شرابی سوور ۰
٤ـ خه‌وتن بۆ ماوه‌ی پێویست و له‌کاتی خۆیدا به‌لایه‌نی که‌مه‌وه‌ ٦ـ۸ سه‌عات ،به‌ڵام له‌لایه‌کی که‌وه‌ زۆر خه‌وتن بۆ ماوه‌ی زیاتر له‌ ۱۲سه‌عات له‌وانه‌یه‌ ببێته‌ هۆی دروستبونی سه‌ر ئێشه‌که‌ ۰
۵ـ دوور بکه‌وه‌ له‌و خواردنانه‌ی ماده‌ی هیستامینیان زۆره‌ ،وه‌کو په‌نیری قوتو ، خواردنی قوتو یان حازرکراو به‌ موادی حافزه‌ ، گۆشتی حازر کراو وه‌کو سوسج یاخود هوت دوغ ،ماسی حازرکراو (سمک مدخن)۰
٦ـ به‌کارهێنانی زه‌یته‌ بۆنخۆشه‌کان :له‌چه‌ند توێژینه‌وه‌یه‌کا ده‌رکه‌وتوه‌ به‌کارهێنانی (الزیوت العطریة) ئه‌ویش یان له‌ڕێگای بونکردنیان ،یان له‌ ڕێگای مه‌ساج کردن پێان کاریگه‌ری زۆر باشی هه‌یه‌ ، وه‌ کو زه‌یتی نه‌عنا ، زه‌یتی گوڵی لاڤندر.
۷ـ خواردنی ڤیتامین B یه‌کان به‌شیوه‌ی حه‌بی B COMPLEX، له‌ چه‌ن توێژینه‌وه‌یه‌کدا دۆزراوه‌ته‌وه‌ که‌ ڤیتامین B2، B6، B12 ده‌ورێکی باشیان هه‌یه‌ له‌ که‌م کردنه‌وه‌ی سه‌ر ئێشه‌ ۰
۸ـ وه‌رگرتنی ماده‌ی کۆئه‌نزایم CO Q۱۰ به‌شیوه‌ی سه‌پلیمینت ،کاریگه‌ریه‌کی زۆر باشی هه‌یه‌ ۰
۹ـ ڕیکخستنی خواردن : پێویسته‌ هه‌موو نه‌خۆشێک که‌شه‌قیقه‌ی له‌گه‌ڵه‌ ده‌فته‌رێکی تایبه‌تی هه‌بێت به‌خۆی تیایدا بنوسێت ئه‌و خواردنانه‌ی که‌ خواردنیان ئه‌بێته‌ ده‌ستپێک بۆ دروست بوونی سه‌رئێشه‌که‌ ، بۆ نمونه‌ مه‌رج نیه‌ ئه‌وخواردنانه‌ له‌ هه‌موو نه‌خۆشیکدا وه‌ک یه‌ک بێت ، له‌به‌رئه‌وه‌ نه‌خۆش ئه‌بێت بزانێت به‌ چ جۆرێک وای لێدێت ،وه‌ بینوسێت لای خۆی ،و هه‌وڵ بات خۆی به‌دوور بگرێت له‌ خواردنیان ۰
۱۰ـ خۆپاراستن له‌و خواردنانه‌ی ماده‌ی نیتراتیان تیایه‌ ئه‌ویش هه‌موو خۆراکێکی ئاماده‌کراو ئه‌گرێته‌وه‌ که‌ ماده‌ی حافزه‌ی تیایه‌ ۰
۱۱ـ دوور که‌وتنه‌وه‌ له‌ به‌کارهێنانی بۆنی تیژ بۆ بون خۆشکردن ۰
۱۲ـبه‌کارهێنانی گیراوه‌ی سروشتی وه‌کو چای زه‌نجه‌فیل یاخود ینسون ،چه‌ند توێژینه‌وه‌یه‌ک ده‌ریان خستوه‌ ئه‌م ڕوه‌کانه‌ ماده‌ی دژه‌ ئۆکسان و دژه‌ هه‌وکردنیان زۆره‌ له‌به‌ر ئه‌وه‌ کاریگه‌ریه‌کی زۆریان ده‌بێت له‌ که‌م کردنه‌وه‌ی ئازاردا ۰
۱۳ـ کردنی وه‌رزش به‌شیوه‌ی ڕۆژانه‌ ، یاخود کردنی ێۆگا یا خود ده‌رزی چینی کاریگه‌ریه‌کی زۆر باشیان هه‌یه‌ بۆ که‌م بونه‌وه‌ی نه‌وبه‌ی سه‌رئێشه‌ له‌ شه‌قیقه‌دا ۰
۱٤ـ به‌کارهێنانی پاکی سارد بۆ سه‌ر شوێنی ئازاره‌که‌ له‌کاتی سه‌رئێشه‌که‌دا ئیستفاده‌ی زۆره‌ ، چونکه‌ یارمه‌تی کرژبونه‌وه‌ی ئه‌و بۆری خوێنانه‌ ئه‌یات که‌ له‌کاتی سه‌رئێشه‌که‌یا کشاون ۰
۱۵ـ خواردنه‌وه‌ی چا و قاوه‌ که‌ ماده‌ی کافیین یان تیایه‌ به‌ڕێژه‌یه‌کی که‌م له‌وانه‌یه‌ ئازار که‌م بکات ، به‌ڵام به‌ڕێژه‌ی زۆر به‌پێچه‌وانه‌وه‌ له‌وانه‌یه‌ ئازاری سه‌ر زیاد کات به‌تایبه‌تی له‌وانه‌ی که‌ڕاهاتوون به‌ ڕێژه‌یه‌کی زۆر بیخۆنه‌وه‌ وله‌ پڕ وازی لێبنن ۰
د ۰ هه‌ڤین که‌مال شاه محمد
پسپۆڕ له‌ زانستی ئازار و به‌نج
شاره‌زا له‌ چاره‌سه‌ری فه‌قه‌رات و نه‌خۆشی جومگه‌کان بێ نه‌شته‌رگه‌ری