سەردێر

چەندکارێک باشترە هیچکات بۆ مێردەکەتی نەکەیت، هەرچەند خۆشی حەزبکات

هه‌موو خانمێك خوازیاری په‌یوه‌ندیه‌كی خۆشه‌ویستی سه‌ركه‌وتوه‌و و له‌و پێناوه‌شدا زۆرجار قوربانی ده‌دات، به‌ڵام ئه‌مه‌ش مانای ئه‌وه‌ نییه‌ كه‌ هه‌ندێك كاری نا پێویست ئه‌نجام بده‌یت كه‌ له‌ بنه‌ڕه‌تدا زیان به‌ په‌یوه‌ندیه‌كه‌تان ده‌گه‌یه‌نێت كه‌ ئه‌وانیش:



– به‌رده‌وام دیاری گرانبه‌های پێمه‌ده‌

واباشتره‌ نرخی دیاریه‌كه‌تان هاوتا بێت به‌ یه‌كدی، چونكه‌ بۆنمونه‌ گه‌ر تۆ دیاری گرانبه‌های بۆ به‌ریت و ئه‌و نه‌توانێت ئه‌وه‌ت بۆ ده‌سته‌به‌ر بكات دواتر وا ده‌كات كه‌ هه‌ست به‌ كه‌می بكات.

 

– هه‌موو كێشه‌كانی بۆ چاره‌سه‌ر مه‌كه

بۆنمونه‌ گه‌ر له‌ سه‌ر كار یان له‌ بواری دارایی كێشه‌ی هه‌یه‌، رێگه‌ بده‌ وه‌ك پیاوێك پشت به‌خۆی ببه‌ستێت نه‌ك ئه‌وه‌ی تۆ له‌سه‌ر ئه‌وه‌ ڕای بهێنیت له‌ هه‌موو كێشه‌كانیدا ببیته‌ به‌شێك لێی،  هه‌موو پیاوێك حه‌زده‌كات ژنه‌كه‌ی پشتگیری بكات و له‌ پشتی بێت، به‌ڵام ئه‌وه‌ش به‌و مانایه‌ نایه‌ت كه‌ به‌ چاوی به‌زه‌ییه‌وه‌ ته‌ماشای بكه‌یت و وا ده‌ربكه‌وێت له‌ ڕووی سۆزداری و لایه‌نه‌كانی دیكه‌وه‌ پشتی به‌ تۆ به‌ستووه‌، چونكه‌ پیاوان حه‌ز به‌و جۆره‌ ژنانه‌ ناكه‌ن.

 

–  پێی مه‌ڵێ (ئه‌ی پێم نه‌وتیت)

ئه‌وه‌ وا ده‌كات تۆ خۆت له‌ ئه‌و ژیرتر ده‌ربخه‌یت، ئه‌وه‌ش ئه‌وان توڕه‌ ده‌كات.

 

– ته‌نها له‌به‌ر ئه‌وه‌ی تۆ ئافره‌تیت مانای ئه‌وه‌ نیه‌ كه‌ واز له‌ ژیانی تایبه‌تی خۆت و خولیا و ئاواته‌كان و هاورێكانت بهێنیت، بۆیه‌ هه‌میشه‌ هاوسه‌نگی ڕابگره‌.

– پێویستناكات له‌سه‌ر داوای ئه‌و به‌ هه‌موو جۆرێك شێوه‌ی ته‌واوه‌تی شێوه‌ی خۆت بگۆڕیت و كه‌سایه‌تی خۆت ونبكه‌یت، ئه‌مه‌ش مانای ئه‌وه‌ نیه‌ كه‌ ببیته‌ كه‌سێكی كه‌له‌ڕه‌ق، به‌ڵام گه‌ر داواكاریه‌كت به‌دڵ نه‌بوو باشتره‌ كه‌ بڵێیت (نا).