سەردێر

چەند منداڵێکی سەرکردە دکتاتۆرەکان کە زۆر بەخراپی سوودیان لە دەسەڵاتی باوکیان وەرگرتووە

ئەمەی خوارەوە چەند منداڵێکی سەرکردە دکتاتۆرەکانە کە زۆر بەخراپی سودیان لە دەسەڵاتی باوکیان وەرگرتووە:

 

(فاسيلی ستالين)  کوڕی (جوزيف ستالين)

فاسيلی بەوە ناسرابوو کە زۆر حەزی بە وەرزش بوو، هەر بۆیە دەستی گرتوو بەسەر یانەی VVS Moscow و لە هەر یانەیەکی دیکە یاریزانێکی باش هەڵبکەوتایە بە زۆر دەیهێنا بۆ ئەم یانەیە، جگە لەوەی بێ بەزەییانە نەیارەکانی خۆی و باوکی دەکوشت.

 

گولنارا كاريموفای کچی سەرۆکی ئۆزبەکستان

گولنارا كاريموفای کچی ئیسلام كاريموف سەرۆکی ئۆزبەکستان حەزی لە هونەر و گۆرانی بووە و خۆی کردووە بە گۆرانیبێژی پۆپ بەناوی (گوگوشا) و ڕادیۆی نیشتمانی وڵاتەکەی ناچارکردووە بەردەوام گۆرانیەکانی لێبدەن و وەک ئەستێرەیەکی ناوداری جیهانی مامەڵەی لەگەڵدا بکەن، تەنانەت پارەی دەدا بە گۆڤارە بەناوبانگەکان بۆ ئەوەی دیمانەی لەگەڵدا بکەن، لەپاش دەستگیرکردنی باوکی و کۆتایی حوکمەکەی ئەستێرەی ئەمیش ئاوا بوو.

ساعدی قەزافی

بەناوبانگ بوو لە بەهەدەردانی پارەی وڵاتەکەی بۆ ئەوەی وەک یاریزان لە یانە بەناوبانگەکاندا یاری بکات، جگە لەوەی زۆر عاشقی تیپی G-Unit بوو کە فیفتی سینت دایمەزراندبوو، پارەی زۆری پێدەدان بۆئەوەی بەردەوام لەگەڵیاندا بێت و بەشداری ئاهەنگەکانیان بکات.

 

تومی سوهارتوی کوڕی سەرۆکی ئەندەنوسیا

کوڕی دیکتاتۆری ئەندەنوسی سوهارتو بوو، بازرگانی مێخەکی کۆنتڕۆڵکردبوو کە سەرچاوەیەکی سەرەکی داهاتە لە ئەندەنوسیا و بەهۆی ئەوەوە پارەیەکی زۆری لەبەردەستدا بوو، بەهۆی ئەوەی زۆر  حەزی بە ئۆتۆمبێلی لامبورگینی بوو، تەنها بە کڕینی سەدەها ئۆتۆمبێلی لەو جۆرە تێری نەدەخوارد و بەشی زۆری پشکەکانی ئەو کۆمپانیایەی کڕیەوە، دواتر ڕایگەیاند کە کارگەی درووستکردنی ئۆتۆمبێل لە وڵاتەکە دادەمەزرێنێت بەناوی (تيمور) و وەک دەستکەوتێکی گەورە باسدەکرا، دواتر دەرکەوت هەموو پارچەکانی ئۆتۆمبێلی کیایە و تەنها لەو وڵاتە کۆدەکرێتەوە.

 

عودەی سەدام حسێن

هێندە توندوتیژ و دیکتاتۆر بوو بە جۆرێک کە باوکی سەرەڕای دیکتاتۆریەکەی ڕایگەیاندبوو لە پاش ئەوە شایستەی دەسەڵات نییە، کۆنترۆڵی وەرزشی وڵاتەکە و چەندین بواری دیکەی کردووە و زەبر و زەنگی زۆری بەکار دەهێنا.