سەردێر

٦ کار کە دەبێت وازی لێبهێنیت، گەر بتەوێت تەندرووست بژیت!

لەشێکی تەندروست واتە تەمەنێکی درێژتر، شێوازی ژیان کاریگەری زۆری هەیە لەسەر تەندروستی و درێژبوونی تەمەن، ئەمانەی خوارەوە چەند خاڵێکی گرنگە  کە دەبێت وریایی بیت گەر دەتەوێت تەمەنت درێژ و تەندرووست بێت:

-خواردنی خۆراکی ناتەندروست

زۆربەی خواردنە خێراکانی وەکو هەمبەرگر و فینگەر و کنتاکی بە خواردنی نا تەندروست دادەنرێن بۆ لەش بەهۆی زۆری کالۆری و چەوری تیایدا کە دەبنە هۆی قەڵەوی و جەڵدە و بەرزی کۆلستڕۆڵ.

-نەخەوتنی پێویست

کەم خەوی دەبێتە هۆی زیادبوونی کێش و نەخۆشیەکانی دڵ و شەکرە، بۆیە شەوانە خەوتن بۆ ماوەی ٧ بۆ ٨ کاژێر گرنگە بۆ لەشێکی تەندروست.

-دڵەڕاوکێی زۆر

دڵەڕاوکێی زۆر هۆکارە بۆ بەرزبوونەوەی هۆرمۆنی کۆرتیزۆڵ لە لەشدا کە ئەم هۆرمۆنە کاریگەری نەرێنی هەیە لەسەر دڵ و سیستمی بەرگری و مەترسی توشبوون بە جەڵدەی دڵ زیاد دەکات.

-جگەرە کێشان

کێشانی جگەرە هۆکارە بۆ توشبوون بە شێرپەنجەی سیەکان و نەخۆشیەکانی دڵ و پێست و ددان هەروەها دەبێتە هۆی پێشخستنی پیربوون.

-تەمبەڵی

وەرزش نەکردن و کەمی جوڵە هۆکارە بۆ زۆرگرفتی تەندروستی وەک بێ هێزبوونی ماسولکەکان و لاوازبوونی ئێسک بۆیە گرنگە ڕۆژانە ٢٠ بۆ ٣٠ خولەک وەرزش بکەی.

-بیرکرنەوەی نەرێنی

بیرکردنەوەی نەرێنی کاریگەری خراپی دەبێت لەسەر تەندوستی وەکو نەهێشتنی ئارەزووی خواردن و توڕەبوون و شڵەژان و خەمۆکی وە دەبێتە هۆی سنوردارکردنی تواناکانت.