سەردێر

چۆن ڕێگری لە بۆنی دەمت دەکەیت لەکاتی ڕۆژوودا؟

هەندێکجار رۆژوه‌وانان  لەبەر ئەوەی شت ناخوات،  بۆنێكی ناخۆش له‌ ده‌میان دروستده‌بێت، ئەمەی خوارەوە کۆمەڵێک ڕێگەیە بۆ ئەوەی نەهێڵیت ئەوە ڕوو بدات:

 

-پارشێوان كوپێك چای سه‌وز بخۆره‌وه‌، چونكه‌ مادده‌ی دژه‌ به‌كتریای تێدایه‌و كاریگه‌ریه‌كه‌شی درێژ خایه‌نه‌.


-پاش نانی پارشێو، كه‌مێك نه‌عناع یاخود مه‌عده‌نوس له‌ ده‌متدا بجو، چونكه‌ ئه‌و سه‌وزه‌یه‌ بۆنی ده‌م خۆشده‌كات و رێگری له‌ دروستكردنی بۆنی ناخۆشیش ده‌كات.


-پاش نانی پارشێو هه‌وڵبده‌ میوه‌ی كێوی بخۆیت، چونكه‌ ئه‌و میوه‌یه‌ ڤیتامین C تێدایه‌و كه‌می ئه‌و ڤیتامینه‌ ده‌بێته‌ هۆی گه‌شه‌كردنی به‌كتریای زیاتر له‌ ده‌مدا كه‌ بۆن دروستده‌كات.


-كه‌مێك كونجی بخه‌ره‌ ده‌مته‌وه‌و بی جوو، چونكه‌ ئه‌وه‌ ده‌بێته‌ هۆی ئه‌وه‌ی به‌شێوه‌یه‌كی كاریگه‌ر ده‌موددانت پاك بكاته‌وه‌.


-ئاو له‌ ده‌م ڕادان له‌ كاتی ده‌ستنوێژگرتندا كاریگه‌ریه‌كی باشی هه‌یه‌ بۆ نه‌هێشتنی بۆنی ده‌م.