سەردێر

هەستەکەی چرچی لەسەر ڕوخسارت دروست بووە؟ بەم ڕێگایانە چارەسەری بکە

ئاشکرایە چرچی دەموچاو تەنها لە پیریو لە چونە ناو تەمەنەوە دروست نابێت بەڵکو زۆر جار لەتەمەنێکی کەمیشدا دەموچاومان زوو چرچدەبێت یاخود خەتی تێدادروستدەبێت بەتایبەت لەکاتی تورەبون و ناوچەوان گرژبوندا دەر دەکەوێت یاخود لەکاتی پێکەنیندا خەت لەسەر ڕوومەت و دەوری چاو دروست دەبێت و لەگەڵ تێپەربونی کاتدا چرچەکان زیاتر دەبن و زیاتر دەردەکەون.

بۆ رێگرتن لەدروستبونی چرچی دەموچاو رۆژانە ١٥ خولەک بۆ وەرزشی دەموچاو تەرخان بکە، چونکە سووڕی خوێنی  دەموچاو چالاک دەکات و خانەکان زیندو دەکاتەوەو رێگە لە چرچبون دەگرێت و ڕووخسارت چەند ساڵ لەتەمەنی خۆت گەنجتر دەکاتەوە.

چۆنێتی وەرزش کردن بۆ دەموچاو بەم شێوەیەی خوارەوە:

-سەرەتا پێبکەنە بەدەم داخراوی و بۆ ماوەی ٢ خولەک بەو شێوەیە بمێنەرەوە
-دەمت بە شێوەی مراوی لێبکە وەک ئەوەی ماچبکەیت با لێوت لە لوتت نزیکبێتەوە بۆ ماوەی ٢ خولەک بەو شێوەیە بمێنەرەوە
-دەمت بە گەورەی بکەرەوە و برۆت بەرز بکەرەوە بۆ سەرەوە بۆ ماوەی ٢ خولەک
هەریەک لەو جوڵانە ٢٠ جار دوبارە بکەرەوە رۆژانە، بەو جوڵانە چرچەکانی دەوری دەمت نامێنێت.