زۆرجار لە قسە و قسەڵۆکی خەڵکیەوە دەبیستیت کە بەشێک لەو خواردنە ڕۆژانانەی بەکاری دەهێنیت زیانی هەیە و پێویستە لێی دوربکەویتەوە، لە کاتێکدا لەڕووی زانستیەوە ڕاست نییە و بەو جۆرە نیە، ئەمەی خوارەوە بەشێکە لەو خواردنانە:

– خوێ:

ئەوە ڕاست نییە کە دەڵێن بۆ جەستە زیانی هەیە، بگرە پێویستیشە بۆ هاوسەنگکردنی سۆدیۆم لە جەستەمان.

– هێلکە:

دەڵێن کۆرستڕۆڵ بەرز دەکاتەوە و زیانی هەیە، لەکاتێکدا کۆرستڕۆڵی ناو هێلکە لە جۆرە باشەکەیە و بۆ جەستە پێویستە، هێکەی کوڵاویش هاوکارێکی زۆر باشە بۆ دابەزینی کێش بێ ئەوەی هەست بە برسێتی بکەیت.

– شیر:

خواردنەوەی شیریش یەکێکی دیکەیە لەو خواردنانەی دەڵێن زۆر خواردنی باش نییە، لەکاتێکدا ماددەی زۆر پێویستی بۆ جەستەمان تێدایە.

– برنج:

زۆرمان بیستوە کە هۆکاری ئەو ورگە زلانەمان هەمووی برنجە، ئەمەش ڕاست نییە، خۆ خەڵکی ڕۆژهەڵاتی ئاسیا سێ ژەمە برنج دەخۆن و هەر قەڵەویش نابن، ماددەی پێویستیشی بۆ جەستە تێدایە.

– قاوە:

باس لەوە دەکرێت کە بۆ جەستە خراپ بێت، لەکاتێکدا توێژینەوە زانستیەکان پێچەوانەکەی دەسەلمێنن.