سەردێر

درامایەکی کۆمیدی بۆ مانگی ڕەمەزان بەرهەم دەهێندرێت

بۆمانگی ڕەمەزان درامایەکی نوێ بەناویی (درامای خەونەكان) بەرهەم دەهێندرێت کە درامایەکی کۆمیدییە و چەندین هونەرمەندی ناودار ڕۆڵی تێدا دەبینن.
پشتیوان حەسەن خاوێیی بەڕێوبەری كۆمپانیای خاوێ فیلم ڕایگەیاندووە کە دراماکە لە ئێستادا لە قۆناغی وێنەگرتندایە، ئەو وتویەتی”رۆژانە 15 كاتژمێر سەرقاڵی وێنەگرتنی دراماكەین، بەرهەمە لە نوسین و سیناریۆی حسێن نەجارە و لە دەرهێنانی محەمەد گمرە و كۆمپانیای خاوێ فیلم بەرهەمی دەهێنێت”
لە دراماکەدا هەریەکە لە ئەکتەران بەیان بۆمبا، عیرفان وەستا محەمەد، ئەحمەد رەئوف، زاهیر عەلی، قادر جەلال، زاهیر غەریب، هاوڕێ قادر، دڵسۆز ماوەتی، كارزان جەلال بەشداری تێدا دەکەن و هەر زنجیرەیەکی دراماکە باسی کێشە و ڕووداوێکی جیاواز دەکات و لە کەناڵی عێراقیەی کوردی پەخشدەکرێت