سەردێر

ماریا هەورامی پاش سلێمانی لە ناو خەڵکی هەولێر کلیپ دەکات

خانمە هونەرمەند ماریا هەورامی پاش ئەوەی لە شاوری سلێمانی ڤیدیۆ کلیپێکی لەنێو خەڵکدا تۆمار کرد و دەنگدانەوەی باشی هەبوو، بەنیازە هەمان کار لە هەولێریش دوبارە بکاتەوە.
ماریا هەورامی ڕایگەیاندووە کە ئەم كلیپە پێشكەشی خەڵكی هەولێر دەكات، ئەویش پاش ئەوەی بەهۆی روداوەكانی چەند هەفتەی رابردو خەڵكەكەی نیگەران بون، هەر بۆیە مەبەستیەتی بو بەم كلیپە كەمێك دڵخۆشی بۆ خەڵكی هەولێر بگەڕێنێتەوە.
ماریا هەورامی لە ساڵی ٢٠١٩ كلیپی “دڵەكەم”ی لە شەقامی سالمی شاری سلێمانی بڵاوكردەوە، کە تا ئیستا زیاتر لە 24 ملیۆن بینەری هەبووە.
‎ماریا کەمال ناسرواوە بە (ماریا هەورامی) تەمەنی 29 ساڵە، دەرچوی بەشی میوزیکە لە پەیمانگای هونەرە جوانەکانی شاری سلێمانی، پێشوتریش ئەندامی گروپی کیژانی سلێمانی بوە، لەدوای ساڵی 2009 دەستی بە وتنەوەی گۆرانی کردوە.