خوێندکارێکی کورد لە تاران خەڵات دەکرێت - تۆڕی میدیایی خەڵک

سەردێر

خەڵك-بەشی هەواڵ نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووتەوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 6-3-2021، بەشێوەیەك بووە كە نرخی‌ نەوتی برێنت بە 69 دۆلار و 36 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 66 دۆلار و 9 سەنت مامەڵەی پێوەكراوە. هۆكاری بەرزبونەوەی نرخی نەوت دەگەڕێتەوە بۆ ڕێككەوتنی گروپی ئۆپیك پڵەس لەسەر زیادكردنی بەرهەمهێنانی نەوت بە بڕی 500 هەزار لە ڕۆژێكدا. هاوكات هەڵكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا بەشێك لە كەرتە پیشەسازی و بازرگانییەكانیان وەستاندبوو، لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.
خەڵك ڕابەری شۆڕشی ئیسلامی ئێران لە ڕۆژی جیهانی چاندنی نەمام ڕایدەگەیەنێت ، ڕوەك و بۆشاییە سەوزەكانی بابەتێكی گرینگی ژیانی مرۆڤە و چاندنی دار لە ڕیزی ئەو كارانەیە كە لە ئایینی پیرۆزی ئیسلامدا داكۆكی كراوەتە سەری. عەلی خامنەیی، ڕابەری شۆڕشی ئیسلامی ئێران لە میانەی مەراسیمی چاندنی دوو نەمامی میوە لە ڕۆژی جیهانی چاندنی نەمام ڕایگەیاند، ساڵی پێشوو لە كاتی سەری ساڵی نوێدا خەڵك خاڵە تەندروستییەكانیان ڕەچاو كرد و كۆرۆنایان لە وڵاتەكەمان دوور خستەوە، بەڵام ئەمساڵ مەترسی زۆرترە و هەمووان دەبێ خاڵەكان لە بەرچاو بگرن و خۆیان بپارێزن. وتیشی ،"ئەگەر كۆرۆنا درێژەی ببێت بێگومان كێشەی بژیوی خەڵك زۆرتر دەبێتەوە، بەڵام هەموو ئەو كێشانە ڕێگا چارەی هەیە و چەند جار لە دانیشتنەكاندا باسمان كردووە و ڕێگا چارەكانمان بە بەرپرسان وتووە". https://www.youtube.com/watch?v=y_uuKXirno8
خەڵك بەڕێوبەرایەتی ڕەگەزنامە ی سلێمانی داوا لە هاووڵاتیان دەكات سەردانی فەرمانگەكان بكەن بەمەبەستی وەرگرتنەوەی كارتی نیشتمانییەكانیان، كە ڕۆژانە لە یەكشەممە تا پێنج شەممە لە كاتژمێر ( 1 )ی پاش نیوەرۆ بۆ ( 5 )ی ئێوارە. بەڕێوبەرایەتی ڕەگەزنامە ی سلێمانی لە ئاگادارییەكدا، داوا لەو هاووڵاتیانە دەكات، كە بەرواری وەرگرتنەوە كارتەكانیان تا (٢٠٢١/٢/١٠ ) دەتوانن ‏‎‏‎‏‎ڕۆژانە لە یەكشەممەوە تا پێنجشەممە لە كاتژمێر ( 1 )ی پاش نیوەرۆ بۆ ( 5 )ی ئێوارە سەردانی‌ئەو فەرمانگانە بكەن، كە مامەڵەی‌ كارتی‌ نیشتیمانیان لێ كردوە بۆ وەرگرتنەوەی‌ كارتی‌ نیشتمانیەكانیان‌. ئاماژەبۆ ئەوەشكراوە، كە كەسەی كە تۆماركراوە بۆ وەرگرتنەوەكەی دەبێت ھەر ئەو كەسە بچێتەوە بۆ كارتەكە . ‏‎‏‎‏‎پێداویستیكان ‏‎‏‎‏‎1-ڕه‌گه‌زنامه‌ی‌ عێراقی‌ ‏‎‏‎‏‎2-پێناسی‌ باری شارستانی‌ ‏‎‏‎‏‎3-وه‌صلی‌ وه‌رگرتنه‌وه‌ی‌ كارتی نیشتیمانیەکە ناوی ئەو کەسەی کە تۆمار کراوە بۆ وەرگرتنەوەکەی دەبێت ھەر ئەو کەسە بچێتەوە بۆ کارتەکە
خەڵك ئەمڕۆ هەینی، ڕێكخراوی دیدگای نوێ بە هاوكاری یەكێتی هاوردە و ناردكارانی كوردستان - سلێمانی و ئیدارەی سلێمانی، سێهەمین فیستیڤاڵی ڕۆشنبیری و بازاڕسازی چەمچەمال بەڕێوەچوو. مەبەست عەباس، لێپرسراوی ڕێكخراوی دیدگای نوێ لە شارۆچكەی چەمچەماڵ بە (تۆڕی میدیایی خەڵك)ی ڕاگەیاند، "ئەم فیستیڤاڵە ماوەی سێ ساڵە لە قەزای چەمچەماڵ بەردەوامی هەیە و لە سەرەتای مانگی مارسدا و بەهۆی بۆنەكانی ڕاپەڕین و 8ی مارس و كەلەپوری كوردییەوەیە و ئەمڕۆ یەكەم ڕۆژی بەسەركەوتویی بەڕێوەچوو و و ڕۆژی دووشەممەش كۆتا ڕۆژی فیستیڤاڵەبێت". وتیشی، "ساڵانی ڕابردوو فیستیڤاڵەكە گرنگی بە بابەتی ڕۆشنبیری داوە بەڵام ئەمساڵ لەگەڵ بابەتە ڕۆشنبیرییەكان گرنگییەكی تەواومان داوە بە بازاڕێكی گەورە داوە بۆ بەرهەمی خۆماڵی ". دەشڵێت، "ئامانجمانە لەو ڕێگەیەوە خزمەتێك بە جوتیاران و ناساندنی بەرهەمی كشتوكاڵییە بە خەڵكی شارۆچكەی چەمچەماڵ و كۆمەڵێك كارگەمان بانگێشتكردووە بۆ فیستیڤاڵەكە " ئاشكراشیكرد، "لە فیستیڤاڵەكەدا سەرو 120 شوێن بەشداریان كردبوو بە هەموو جۆرەكانی كارگەی بچوك و گەورە و سەرو 10,000 كەس بەژداریان كردووە لە فیستیڤاڵەكەدا ". فیستیڤاڵەكە لە شاری یاری و پاركی شەهیدان بەڕێوەچوو و بڕیاریشە سبەینێ و لە دووەم ڕۆژی فیستیڤاڵدا ڕێزلێنان دەبەخشرێتە تەواوی ئەو كەسانەی كە خۆبەخشانە و لە كاتی كەرەنتینە و ڤایرۆسی كۆرۆنادا خزمەتی شارۆچكەی چەمچەماڵیانكردووە. مەبەست عەباس، ئاماژەی بۆ ئەوەشكرد،"بەشێكی دیكەی ناو فیستیڤاڵەكە گرنگیدانبوو بە كلتوری كوردی و چەندین دەوار و ڕەشماڵ هەڵدرابوو و لەگەڵ ئەوەشدا خواردنی كوردەواری بێبەرامبەر دەدرا بە بەژدارانی فیستیڤاڵەكە".
خەڵك بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، ئەمشەو ئاسمانی ناوەڕاستی هەرێم پەلە هەور بۆ نیمچە دەبێت لەگەڵ پەیدابوونی تەم لەو ناوچانەی كە لە نەخشەكەدا دیارە لە كاتەكانی بەیانی زوودا. بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا بڵاویكردەوە ، ئەمشەو ئاسمانی ناوەڕاستی هەرێم پەلە هەور بۆ نیمچە دەبێت و ئاسمانی ناوچەكانی باكور و ڕۆژهەڵات نیمچە هەور دەبێت. ڕاشیگەیاندووە، هەر ئەمشەو ئاسمانی شارەكانی هەرێم تەم لەو ناوچانەی كە لە نەخشەكەدا دیارە لە كاتەكانی بەیانی زوودا پەیدا دەبێت . ئەمەش بارانی 12كاتژمێری ڕابردوی هەندێك لە ناوچەكانی هەرێمە: سلێمانی 4.8 ملم بازیان 2.6 ملم دەربەندیخان 0.2 ملم دوكان 2.4 ملم كەلار 0.6 ملم حاجی ئۆمەران 13.4 ملم پێنجوێن 5.8 ملم ماوەت 7.8 ملم باتوفە 0.2 ملم خانقین دڵۆپ دڵۆپ
خەڵك - یەحیا حبیب مەفرەزەیەكی پۆلیسی دارستانی شارەزوور هاووڵاتیەك دەستگیر دەكەن كە سەرقاڵی هەڵكەندنی بیر بووە بە نایاسایی و دەستیش بەسەر ئامێری بیر هەڵكەندنەكەدا دەگرن. لە ڕاگەیاندراوێكدا بەڕێوبەرایەتی پۆلیسی دارستان و ژینگەی پارێزگای سلێمانی ڕایگەیاند، "دوای ئەوەی بەشی پۆلیسی دارستانی شارەزوور زانیاریان پێگەیشت كە لە ماڵێكدا لە شارۆچكەی شارەزوور هاووڵاتیەك بە شێوەیەكی نایاسایی سەرقاڵی هەڵكەندنی بیرە، دەستبەجێ مەفرەزەیەك لە كارمەندانمان گەشتنە ئەو شوێنە و لە ئەنجامدا توانیان هاووڵاتیەك دەستگیر بكەن و لەگەڵ ئەوەشدا دەستگیرا بەسەر ئامێری بیر هەڵكەندندا ". بەڕێوبەرایەتی پۆلیسی دارستان و ژینگەی پارێزگای سلێمانی وتیشی، پەڕاوی لێكۆڵینەوەی بۆ ڕێكخراوە و ڕادەستی دادوەر كراوە بۆ وەرگرتنی ڕێكاری یاسایی .
خەڵك مامۆستایانی وانەبێژ لە سنوری ناحیەی سكتان گرد بونەوەی ناڕەزایی ئەنجام دەدەن. ژمارەیەك مامۆستای وانەبێژ لە سنوری ناحیەی سكتان سەر بە پەروەردەی كۆیە ئاماژە بەوە دەدەن، سبەینێ‌ بەردەم سێیریانی خوێندنگای سكتان گرد بوونەوەی ناڕەزایی ئەنجام دەدەن و بڕیاری بایكۆتی خوێندن دەدەن. دەقی بڵاو كراوەی مامۆستایانی وانەبێژ.. -بریاری بایكۆت دەدەین بە باشمان زانی لە بەیانیەوە واتا رۆژی شەمە زەنگی بایكۆت لێبدەین و شكۆ بۆ مامۆستای وانەبێژ بگەرێنینەوە -لەبەر چەند هۆكارێك ئەم بریارەمان داوە ...... ١-دواكەوتنی موچەی شایستە بۆ مامۆستایانی وانەبێژ بەهیچ جۆرەك قبوڵ نیە . ٢-ڕێك نەخستنی مامۆستای وانەبێژ لە پەروەدەی كۆیە بڵاو نەكردنەوەی لیستی ناوەكان كە ناڕوونی زۆری تێدایە . ۳-لەكاتی دانانی مامۆستای وانەبێژ پێوستە لەسەر ڕێكاری پسپۆڕی و زانستی و خاڵبەندی دابندرێت و مافی هیچ كەسێك نەخورێت .. ٤.داواكارین لە پەروەدەی كۆیە بەزوترین كات دەسەڵاتی خۆی بە كار بهێنیت بۆ لابردنی ئەو مامۆستایانەی كە پسپۆڕ نین و هیچ پەیوەندیان نیە بە پەروەردە .. ٥- دامەزراندنی مامۆستای وانەبێژ یاخود بونیان بە گرێبەست لە ئێستادا . ٦- دیاریكردنی برە پارەیەك لە ئێستادا نەك بە بەشەوانە بۆمان حیساب بكرێتن ، چونكە زۆربەی مامۆستایان پارەكەیان بەشی رێگا ناكاتن . ۷- چیتر زوڵم لە خوێندكاران نەكرێتن دەوامی تەواو بكرێتن نەك رۆژەك نارۆژەك ، ئەمە لە ماڵ وێرانیە بۆ خوێندكاران نەك بەرژەوەندی خوێندكاران بەناوی خۆپاریزی . ٨- سەرفكردنی پارەی وانەبێژان بۆ مانگی ۱۰و ۱۱و ۱۲ لەسەر یەك نەك دانی شایستە دارایەكانمان بە دوومانگ جارێك ئەمە جێگای قبوڵ نیە. نوێنەری وانەبێژانی ناحیەی سكتان م. شوان زیاد كریم ٥/٣/٢٠٢١ شوێنی گردبونەوە بەردەم سێیریانی خوێندنگای سكتان كاتژمێر ۹ی بەیانی
خەڵك ئەمڕۆ 5ی ئاداری 2021 30 ساڵ بەسەر راپەڕینی گەلی كوردستانی باشوور لە دژی رژێمی پێشووی عێراق تێدەپەڕێت. لەساڵیادی ئەو ڕاپەڕینەدا و لە ڕانیەی دەروازەی ڕاپەڕینەكە لە لایەن لایەنە سیاسیەكان و فەرمانگە و ڕێكخراوەكانەوە، تاجەگوڵینە لەسەر مۆنۆمێنتی ڕاپەڕین دانرا.
خەڵك ئەمڕۆ پاپا فرانسیس پاپای ڤاتیكان گەیشتە فڕۆكەخانەی نێودەوڵەتی بەغدا. لە ڕێو ڕەسمێكدا لەلایەن بەرهەم ساڵح سەرۆك كۆماری عێراق و مستەفا كازمی سەرۆك وەزیران و ژمارەیەكی دیكەی بەرپرسانی عێراق و جەماوەرێكی زۆری مەسیحییەكانەوە پێشوازی لێكرا. لە ڕێوڕەسمەكەدا كە لە كۆشكی بەغداد ئەنجامدرا، بەرهەم ساڵح سەرۆك كۆماری عێراق وتی، پاپا ڕۆڵیێكی گەورەی هەیە لە بانگەواز بۆ ئاشتی، دادپەروەری كۆمەڵایەتی، رووبەڕووبوونەوەی هەژاری. وتیشی، هەلومەرجی ژیان لەژێر هەڕەشەكانی ڤایرۆسی كۆڕۆنادا دووپاتی ئەو ڕاستییە دەكاتەوە كە جیهان پێوستی بەئاشتی و هەماهەنگیی و دەسگیرۆیی یەكتری هەیە. لە بەشێكی دیكەی رێوڕەسمەكەدا قەداسەتی پاپا فرانسیس، خۆشحاڵی خۆی دەربڕی بۆ سەردانیكردنی عێراق و داوای لە كۆمەڵگەی نێودەوڵەتی كرد كە پشتیوانی تەواو بكەن لە چەسپاندنی ئاشتی و ئاسایش لە عێراق.
خەڵك ئەمڕۆ جارێكی دیكە نرخی زێڕ دابەزی بەجۆرێك بەهای یەك ئۆنس گەیشتە 1695 دۆلار . ئەدیب غەریب، خاوەنی زەڕەنگەری لالە لە شاری سلێمانی بە (خەڵك) ی ڕاگەیاند، نرخی زێڕ بۆ ئەمڕۆ زیاتر دابەزی و نرخی یەك مسقاڵ ئاڵتوونی عەیارە 21 بە 346 دینارە و یەك مسقاڵ ئاڵتونی عەیارە 18 ، 297 دیناری عێراقیە. سەبارەت بە هۆكاری دابەزینی نرخی زێڕ وتی، هۆكاری نزم بوونەوەی نرخی زێر بۆ ئەوە دەگەڕێتەوە نرخی نەوت بەرز بۆتەوە و دۆلاریش بەهەمان شێوە واتە هەندێك جار نرخی زێڕ لەگەڵ نەوت و دۆلار پێچەوانەیە. وتیشی، هۆكارێكی دیكەی دابەزینی نرخی زێڕ كەمبوونەوەی ڤایرۆسی كۆرۆنایە و ساڵی پار لەگەڵ هاتنی ڤایرۆسی كۆرۆنا نرخی زێڕ بەجۆرێك بەرز بووەوە كە پێشوتر نرخی وای تۆمار نەكردبوو.

خوێندکارێکی کورد لە تاران خەڵات دەکرێت

راوێژ کامەران

هەواڵ بڵاوکراوەتەوە: 19/02/2021

خوێندکارێکی کورد بەناوی کۆسار ڕەشید لە لایەن هەردوو زانکۆی تاران و زانکۆی علوم پزشکی تاران خەڵاتی ڕێزلێنانی پێدەبەخشرێت.

کۆسار ڕەشید ڕایگەیاندووە” لە کۆتاساڵی خوێندنی دکتۆرا کەمدا و لە ڤستڤاڵی ساڵانەی هەردوو زانکۆی تاران و زانکۆی علوم پزشکی تاران، وەک خویندکارێکی چالاکی زانکۆی تاران دیاری کرام و ڕێزلێنانم پێبەخشرا”

کۆسار ڕەشید لە زانکۆی تاران دکتۆرا لە شێوەکاریدا دەخوێنێت.