سەردێر

کاتێک پیاو خراپ هێرشت دەکاتە سەر، چۆن هەڵسوکەوت دەکەیت؟ ئەم ڕێنماییانەت لەبیر بێت

کاتێک پیاو خراپ هێرشت دەکات سەر جا بەمەبەستی دزی بێت یاخود ئازار پێگەیاندنت، چۆن هەڵسوکەوت دەکەیت؟ ئەمەت خوارەوە چەند ڕێنماییەکی گرنگە لەو بارەیەوە:

 

-دەتوانیت کلیلەکەت بۆ بەرگری لە خۆت بەکار بهێنیت، بەڵام دەبێت بە درووستی بیگریت بۆ ئەوەی دەستی خۆت بریندار نەکات

-هەوڵمەدە بیدەیت لە ناوچەی (کۆئەندامی زاوزێ) چونکە ئەو ناوچەیە بە ئاسانی دەپارێزرێت و زۆرجار سەرکەوتوو نابیت، گەر سەرکەوتووش بوویت، ئازارەکەی خێرا و کاتییە و دواتر بە توڕەیی زیاترەوە بۆت دێتەوە.

-جگە لەوەی پاڕانەوە لە کەسی هێرشکەر هەڵەیە، چونکە بواری ئەوەی پێدەدات باشتر و پلان بۆداڕێژراوتر کاری خۆی بکات.

-بەداخەوە لە کاتی هێرش ڕاکردن بژاردەیەکی باش نیە چونکە :

  • کەسی هێرشبەر ڕەنگە خێراتر بێت لە تۆ و ئاسانتر بتگرێتەوە، جگە لەوەی ڕاکردنەکە توڕەترت دەکات
  • دەبێت ئاستی توانای خۆت بزانیت چونکە ڕەنگە ناچاربیت بۆ ماوەیەکی زۆر ڕابکەیت
  • لە ڕاکردندا ناچاردەبیت پشت بکەیتە کەسی هێرشبەر کە ڕەنگە لە پشتەوە زیانی زیاترت پێبگەیەنێت
  • نازانیت چی لە پشتەوە ڕوودەدات و زوو زوو ئاوڕ دەدەیتەوە، ئەوەش خات دەکاتەوە و ئاسانتر دەکەویتە دەستیان.

 

-گرنگە خۆت فێری هونەری بەرگری بکەیت، بەڵام نابێت پشت بە ڤیدیۆی ئۆنلاین ببەستیت چونکە تاکتیکەکان تا بە کرداری نەیکەیت ناتوانیت لە کاتی پێویست دوبارەی بکەیتەوە.

 

-لە هەندێک دۆخدا بۆ ئەوەی هێرشبەرەبە بترسێنیت و وابکەیت خەڵکیش زیاتر سەرنجی بۆلای خۆت ڕابکێشیت، دەتوانیت لەجیاتی هاوارکردنی یارمەتی، بڵێیت (ئاگر) ئەمە وادەکات هەوام وابزانن ئاگر کەوتۆتەوە و سەرنجیان بێتە سەر ئێوە و بێن بە هاناتەوە.