سەردێر

چەند یاسایەکی ئابووری بۆ ئەو کەسانە گرنگە کە دەڵێن نازانین پارەی مانگانەمان چی لێدێت

ئەمەی خوارەوە چەند یاسایەکی ئابوورییە بۆ ئەو کەسانە گرنگە کە دەڵێن نازانین پارەی مانگانەمان چی لێدێت و هەر لە خۆیەوە دەڕوات:

 

-تێچووی بەکارهێنان هەژمار بکە

-زۆرجار بۆئەوەی پارە هەڵبگرینەوە شتی هەرزان دەکڕین، بەڵام دواتر زۆر بە گرانتر دەکەوێت لەسەرمان چونکە ناچارین زوو زوو بیکڕینەوە، بۆیە دەبێت بزانین نرخی ڕاستەقینەی شتەکان = نرخەکەی + ڕێژەی بەکارهێنانەکەی و پێویستە بەو جۆرە لێکدانەوەی بۆ بکەیت.

 

-پێداویستیەکانت پڕ بکەرەوە نەک حەزەکانت

-دەبێت ئەوە بزانیت کە خواردن و خواردنەوە و شوێنی نیشتەجێبوون و جلوبەرگ و سەلامەتی و پەیوەندیەکی باش و کۆمەڵایەتی لە پێداویستیە سەرەکیەکانە، بەڵام پاش ئەوەی کڕینی شتی دیکە بۆ حەزە و پێویستە بە پێی پێویستی و داهاتی خۆت بیکەیت نەک بەتەمابیت هەموو حەزەکانت پڕبکەیتەوە چونکە تەواو نابێت.

 

 

-پشت بە چیرۆکە باوەکان مەبەستە! 

-زۆرێک پێیان وایە ئەستەمە دەوڵەمەند ببیت و پارە پەیدا بکەیت گەر بەڕێگەی حەرام نەبێت، بەڵام ئەوە جۆرێکە لە تەمبەڵی بۆ ئەوەی هەوڵنەدەیت و ڕاست نییە و نابێت بەوە پشتبدەیتەوە و هەوڵی پەیداکردنی پارەی زیاتر نەدەیت.

 

-سەرپارشتیارێکی زیرەک هەڵبژێرە بۆ بودجەی خێزان

-بۆ بەڕێوەبردنی پارە و بودجەی خێزان پێویستە کەسێک ئەو کارە بکات کە زیرەکانەتر خەرجی دەکات و باشتر دەزانێت بە پلان پارە خەرج بکات.

 

-داهات و خەرجی ڕۆژانەت بزانە

-ئەوەت لەبیربێت کە پیویستە ٣٠٪ کەمتر خەرجبکەیت لەو داهاتەی دەستت دەکەوێت، بۆیە گرنگە بزانیت چەندت دەستدەکەوێت و چەندێک خەرج دەکەیت.