سەردێر

گیراوەیەکی بەسوود کۆڵۆنت جوان جوان بۆ پاک دەکاتەوە

زۆربەی زۆری نەخۆشییە درێژخایەنەكان لە ناوسكەوە دەستپێدەكەن، لەگەڵ ئەوەی كێشەكانی هەرس زۆركات پەیوەستن بە گەدەو ڕیخۆڵەكانەوە، بەڵام بەشێكی بچوكی سیستەمی هەرس كە بە كۆڵۆن ناودەبرێت، ڕۆڵێكی زۆر گرنگی هەیە لە كاركردنی جەستەو ڕاگرتنی تەندروستی گشتی جەستە.

بەهۆی ناتەندورستی ئەو خۆراكانەی دەیخۆین، زۆركات خۆراكەكان وەك پاشەڕۆ لە ڕیخۆڵەو كۆڵۆندا دەمێننەوەو دەبنەهۆی دروستكردنی گرفتی تەندروستی، ئەمەی خواروە گیراوەیەکی بەسوودە بۆ پاککردنەوەی کۆڵۆن:

 

پێداویستیەکان:


نیو كوپ شەربەتی سێوی فرێش

دوو كەوچكی چێشت ئاوی لیمۆی فرێش

یەك كەوچكی بچووك ئاوی زەنجەفیلی فرێش‌

نیو كەوچكی بچوك خوێ ‌

نیو كوپ ئاوی گەرمی فیلتەركراو

 

ئاوەكە بخەرەسەر ئاگر با گەرم ببێت، بەڵام مەیكوڵێنە تەنها با گەرم ببێت، دواتر كەمێك ساردی بكەرەوە، دواتر ئاوەكە بخەرە كوپێكەوەو خوێیەكەی تێبكە‌و تێكی بدە بۆ ئەوەی خوێیەكە بتوێتەوە پاشان  شەربەتی سێو‌و زەنجەفیل‌و لیمۆكەی تێبكەو ئەم جارەش تێكی بدە تاوەكو تێكەڵ ببن، پێش هەموو ژەمە خواردنێك ئەم گیراوەیە بخۆرەوە بۆ ماوەی هەفتەیەك، بەم شێوەیە هەرچی پیسی‌و ژەهرو میكرۆبی كەڵەكەبووی نێو كۆڵۆنت هەیە ڕادەماڵرێت‌و گەدەت پاك دەبێتەوە لە ژەهر.