سەردێر

بۆ بەیانیان کە لەخەو هەڵەستیت جەستەت ماندووە؟

 

زۆرجار ڕوودەدات کە کاتێک شەو دەخەوین و بەیانیان هەڵدەستین جەستەمان تەواو تێکشکاوە و ماندووە، کە ئەوەش کێشەیەکی تەندرووستیە و پێویستی بە چارەسەرە.

توێژەران ئاماژە بەوە دەدەن کە تێکشکانی دەروونی و قەلەقی لە ڕادەبەدەر هۆکارێکی سەرەکییە بۆ ئەم دۆخە و وا دەکات لە پاش خەوتنیش جەستەت نەتوانێت پشوو وەربگرێت.

کارکردنی ڕۆژانە و پەستانەکانی کار، تێکچوونی پەیوەندی لەگەڵ هاوڕێکەت و خۆشەویستەکەت یاخود هاوسەرەکەت، هەموو ئەو ئاستەنگانەی دیکەی دێنە بەردەمت و قەلەق و ڕاڕات دەکات وا دەکات جەستە توشی قەلەقی نائاگایی بێت کە دواتر ڕێگری دەکات لەوەی جەستەت پشوو وەربگرێت.

کاتێک جەستەت قەلەقی و ماندویەتی دەروونی زۆر دەبینێت، هۆڕمۆنی ئەدرنالین و کۆرتیسۆل دەردەدات، ئەوەش کاریگەری خراپ لەسەر مێشکت درووستدەکات، هەر بۆیە ڕێژەی شەکر لە جەستەتدا بەرز دەبێتەوە و سستمی بەرگریت لاواز دەبێت، بەوەش جەستەت ناتوانێت پشووی تەواو وەربگرێت کاتێک دەخەویت.

 

چۆن چارەسەری دەکەیت؟

ئەمەی خوارەوە چەند ڕێگایەکە کە دەتوانیت وەک چارەسەری خێرا بەکاری بهێنیت  و قەلەقیەکەتی پێ چارەسەر بکەیت:

 

-بەر لە خەوتن گەرماوێکی گەرم بکە و پشوویەکەت تەواو بە جەستە و مێشکت بدە

 

-ڕۆمان بخوێنەرەوە چونکە قەلەقیەکەت کەم دەکاتەوە

-ئاو زۆر بخۆرەوە و با جەستەت وشک نەبێت

-بچۆ بۆ وەرزش  و وەرزش بکە، ئەوە قەلەقیت زۆر کەم دەکاتەوە

-شەوان مۆبایل مەبەرە جێگاوە

 

-پەرستشە ئاینیەکان جێبەجێ بکە  و پشوو بە ڕوحت بدە، دەتوانیت یۆگاش ئەنجام بدەیت

-هەوڵبدە ڤیتامینی پێویست وەربگریت جا بە خواردنی میوەکان بێت یاخود بە کەپسوول بەتایبەت ڤیتامین A و C  کە لە پڕتەقاڵ و برۆکولی و سپێناخدا هەیە