سەردێر

لەناو تۆڕە گەورەكەی كاپیتاڵیزمدا ماینەوە

..
رێبین عومەر

ئێمە لە جیهانێكدا بەندكراوداین.. كەهیچی بۆ بیركردنەوە لە ئازادی و سەربەستی نەهێشتۆتەوە، پرۆسەی مادیەت، بۆتە بەشی سەرەكی ئەم ژیانە. مرۆڤەكانی ناویی هێواش هێواش، لە چوار چێوەی بەرهەمەكانی سیستمی كاپیتاڵیزم؛ هەموو هەستەكانیان لێزەوت دەكرێت و پەڕوباڵ دەكرێن بۆ ئەوەی بەهیچ كلۆجێك بیر لە ئازادی و فڕین و تێكشانی سیستم نەكەنەوە، بە نێچیری لەناو تۆڕەگەورەكەی كاپیتاڵیزم و نوێگەری بۆ قوتدانی ژیانی مرۆڤ بمێننەوە هەرچەندە بەشی زۆری پێشكەوتنەكان لەسەر دەستی ئەوان بەدیهاتووە بەڵام هەموو ئەمانە بۆ یەك بەرژەوەندی گەوەرەو یەك ئامانجی دورخایەن كراوە كە ئەویش بچوك كردنەوەی زەوی و كۆمەڵگەكانی ناوی و دەستكردن بەسەر ژیانی تاك و كۆمەڵگەو و میللەتان، كاپیتاڵیزمی نوێ بێ ئەوەی هیچ بڵێت پەیامی خۆی بەتۆ گەیاندووە، لەباتی تۆ بیردەكاتەوە و لە باتی هەموو مرۆڤایەتیش چارەنوس دیاری دەكات، وەك ئەوەی كە ئێستا بە پاساوی ڤایرۆس و نەخۆش و بەر بڵاوی پەتا لەلایەك ژمارەی مرۆڤەكانی سەرزەوی كەم ئەكەنەوە لە لایەكیش بە پارە و بە بەهێزكردنی ئابوری لە شكلی ڤاكسیندا ژیان بەمرۆڤ لەسەر زەوی دەبەخشنەوە.
ئەم سیستمە زەبەلاحەی كە كۆنترۆڵی هەموو جومگەكانی كردووە، بەردەوام بیری لەلای رەنگ كردنی كۆمەڵگەو مرۆڤایەتییە چۆنی بوێ وەها دەبێت، دەستی بەسەر هەموو كڵاو رۆژنەكانی هێنانی رووناكی گرتووە. ژیانی مرۆڤەكانی لەناو خۆیدا بە رەهای كۆتوبەندكردووە، هیچی بەسەر هیچەوە نەهێشتووە، زۆر بابەتی گرنكی ناو كۆمەڵگەكانی لە جۆری پەیوەندی و بونیادی خێزان و بیركردنەوەی لە گۆڕانكاری بۆ ئایندە و پلانی دوور لە پلانی ئەو ووردو خاش كردووە، چونكە حیكمەتی مانەوەی ئەو لەوەدایە بەردەوام بە پارالێڵی بەرامبەر بە سیستمەكان دەڕوات و چاو گوێی ئەوانە بەگشتی پێش كۆمەڵگەی مرۆڤایەتی كەوتووە چەندین قۆناغ پێش ئەوان دەڕوات، بەسێبەری خۆی ماوەتەوە كە بوار بەگەیشتن بەو ناداتەوە.
ئەگەر بەووردی دیقەت بدەیت كاپیتاڵیزمی نوێ، خاوەن شارستانیەتی دیرۆكی نییە، هەموو شوناس نامەی ئەو بەرژەوەندی و مادیەتەو زیندانەگەورەكەی نوێگەری تەكنەلۆژیاییە.
هەر لەبەر ئەوەش كاری جددی دەكات بۆ لە ناوبردنی شارستانیەتە دیرۆكییەكان بۆ ئەوەش تەنها یەك كلیكی كردووە..! زۆر شارستانیەت بە دەستی دڕدۆنگی گەلان خۆیان لەناو چوون بەڵاك پاڵنەی سەرەكی داڕمانی شارستانیەتە جیاوازەكان لە رۆژ هەڵاتی ناوین و جیهان خودی بیركردنەوەی ئەو سیستمەیە بۆ شارستانیەت و ژیانی گەلان. زۆر بەلایەوە گرنگ نییە كە میللەتانە لە دەوری شارستانیەت و مێژووی خۆیان بمێننەوە، هەر لەبەر ئەوەش دیدیان وەهایە كە مێژوو تەنها پرۆسەیەكە لە رابردودا دا بۆ ئەم سەردەمە چركەسات و زەمەنی بەردەم گرنگە، وەك ئەوەی مێژوو تەنها خۆراكی سێرڤەرە گەورەكانیان بێت یان لە چوار دەروی مێژووی نوێی تەكنەلۆژیا هەموو مرۆڤایەتی كۆبكرێتەو، لەوەدا بەگشتی سەركەوتووبوون، كە بەهێواشی چونە گشت كۆمەڵگەكانی جیهانەوە، مرۆڤیانە بەتەواوەتی وابەستەی خۆیان كرد، دوودڵیان كرد لە نێوان ئێستا و رابردووی باوباپیرانیان، ئایین ئایدیۆلۆژیا باوەڕ شوێنی وەهای نییە لەهەناوی ئەم سیستمە نوێیەدا، دەستگرتن بەسەر ژیان و خزمەتكردن بەئابوری زەبەلاحی ئەم سیستمە ئامانجە گەورەكەی ئەوان.
جیهانی نوێ.. تەعریفی تری هەیە، بۆ ئازادی و سەربەستی و هەڵگەڕانەوە و یاخی بوونی مرۆڤەكان.
ئەو بازنەییەی ئەو كێشاویەتی، مومكین نییە دەرفەتبدات تالێی قوتاربیت..!
ئەوە سڕی مانەوەیەتی بەرەهایی هەرلەبەر ئەوەش بانكێكی گەورەی زانیاری داناوە، وەك بەڕێوبەرێك خۆی لەسەرەوە و ملیارەها مرۆڤەكانی ناو زەویش رۆژانە تۆماری خۆیان لەبارەی ژیانی گشتی و تایبەتی خۆیان بۆ بنێرین، كردارەكان رێی تێدەچێت لەبەر مرۆڤایەتی بەتەنها تۆماربكات، بێگومان نەخێر، ئەم سیستمە هیچ هەنگاوێ نانی تا لە جێگیر بوونی هەنگاوی دووەمی دڵنیان نەبێت، بەرەو نیوسەدە دەچێت كە كاتیان خێرا كردووە، بەرەو نیوسەدە دەچێت، كە زەمەنیان كورت كردۆتەوە، وەئەوەی كردویانەتە گوندێكی شووشەی دیار.
فۆكس هەرلەسەر ئابوری نییە..
كەپیتاڵی نوێ هەر تەنها لایەنی ئابوری بە ئامانج نەگرتووە. بەڵكو چاوی لەوەیە كە ژیانی تاكەكانیش لەخۆیدا متوربەبكات، بەڵگەش بۆ ئەوە ئەگەر گشتاندنێك بكەیت، تێدەگەیت لەم ماوەكەمەدا چۆن توانیویەتی بە شێوەیەكی رێكخراو سیستماتیك هەموو كۆمەڵگەكانی سەر رووی زەوی لەخۆیدا كۆبكاتەوە، راوچی بوو..! لەوەدا چونكە تۆڕەكەی هەموو ئامانجەكانی پێكاوە.
لە چوار چێوەی ئەم جیهانە نوێییەدا، ئێمە هێواش هێواش قوت دەدرێن! بەرەو دەستاڕەكەو دیار نییە دوای هاڕین چییمان لێدەكرێت؟!
ئێستا هەموومان زینداین. چونكە جیهانیان ئەوەندە بچوك كردۆتەوە، كە لەنێو گوندە شوشەییەكەدا، ئەوان لەپشتی ئێمەوە هەمووشت دەبین و هەر ئەوانیش ئاراستەمان دەكەن و وەك بوكەڵە بەدەست ئەوانەوەین.
دوای كۆكردنەوەی داتاو شیكردنەوەی ئەو زانیاریانەی كە ئێمە بۆیان دەخەینە سێرڤەرەگەورەكەوە، جیهان بچوك بچۆك بۆتەوە و نەفەسیان هیچ نەهێشتۆتەوە بۆ ژیان و شۆرش و گۆرانكاری جەوهەری لە كۆمەڵگەكان ئێستا هەمووشت تەنانەت جۆری بیركردنەوەی تاكیش دەبێت بەفلتەری ئەواندا تێبپەڕێت.