سەردێر

ترس لەبەرامبەر چی ؟

 زانا عەبدولرەحمان

باڵاپۆشەكان ئەوانەن كە وایانكردوە مرۆڤ تۆزێك دڵی بەم كۆمەڵگا دارووخاوەی كوردستان خۆش بێت رۆژانە هەزاران كچ و كور لە باخ و باڕ و ماڵ سەریان بە وویسكی و ڤۆدگا گەرم ئەكەن، ئەوانەی كە مەشروب بەحەرام ئەزانن هیچ ناڵێن نایكەنە هۆسە لەسەریان، تەنانەت پیرە نوێژكەرەكانی ئەم وڵاتە رۆژانە لەگۆێژە و سیتەك شوشەی بەتاڵی بیرە و ئارەقی ئەوان كۆئەكەنەوە بێ ئەوەی هاوار بكەن لەدەستیان.
رۆژ بە ڕۆژ مودێلەكانی كوردستان جلەكانیان كورت و تەنكتر ئەبێت بە ئاشكرا باسی سێكس ئەكەن سوكایەتی بە هەموو كۆمەڵگا ئەكەن هەرگیز گوێتان لەسەرپۆش بەسەرێك بووە قسەیان پێ بڵێت؟
تەنانەت رۆشبیرەكانی ئێمە ئەوە بەبەشێك لەپێشكەوتن و كرانەوەی كۆمەڵگا ئەزانن و شانازیان پێوەئەكەن و ئۆتۆمبێل و دیاری گران بەهایان بۆئەكرن، بەڵام كاتێك دوو گەنج لەچك ئەكەن ئەیكەنە هەڵا و هۆسە ئەوە بەنیشانەی دواكەوتوویی ئەزانن و ئەڵێن مۆدێلی ئیخوانە!
ئەی دانسی شەوانی باڕ و جل رووتی ئەوانی تر هی دایك و داپیرەی ئێمەیە؟
راستی كوردستان هەندێك جار رێك وەك میانمارە بەڵام خوا رەحمی كردوە هەندێك دەسەڵاتیان نیە، دەنا بەو عەقڵە كورتەی خۆیان زۆربەی موسڵمانی ئەم وڵاتەیان ئاوارە ئەكرد.
 تۆ چۆن ئازادی شەوانە قاپێك عاڕەق ئەخۆیت چۆن ئازادی جلی مودە و رووت لەبەر ئەكەیت، ئەوانیش ئازاد باڵاپۆش بن، لێگەڕێن هەركەس و ئەو رێگە هەڵبژێرێت كە خۆی ئەیەوێت.
تۆ حكومەت قوت و نانی خواردویت بێدەنگ دانیشتویت ئەتەوێت رق و تورەیی خۆت بەو كۆمەڵە كچە سەنگینە برێژیت كە هیچ تاوانێكیان نیە تەنها ئەیانەوێت وەك دایكی من و تۆ بژین و پابەندی عەقیدەی خۆیان بن.
بەراستی باڵاپۆشەكان ئەوانەن كە وایانكردوە مرۆڤ تۆزێك دڵی بەم كۆمەڵگا دارووخاوەی كوردستان خۆش بێت، چونكە هەر كۆمەڵێك خەسڵەتە سەرەكیەكانی ونكرد ئیتر هیچ شتێك بەهای نامنێت، تەنانەت گیانی مرۆڤیش دەبێتە شتێكی ئەوەندە بێ بەها كە ئەتوانن لەسەر قسەیەك لێت بسەنەوە، وەك ئەوەی رۆژانە رووئەدات