سەردێر

فەرماندەیی بارزان: باوكی بكوژی دوو مامۆستاكە هیچ پلەیەكی لای ئێمە نییە

خەڵك-

فەرماندەیی بارزانی هێزی پێشمەرگەی كوردستان رایگەیاند باوكی بكوژی دوو مامۆستاكە ھیچ پلە و پۆستێكی سەربازی لای ئێمە نییە.

فەرماندەی بارزان لە روونكردنەوەیەكدا رایگەیاند: “دوای رووداوەكەی ئەمڕۆی زانكۆی سەلاحەددین لە ھەندێ دەزگای راگەیاندن بڵاوكراوەیەوە، گوایە باوكی تۆمەتبار فەرماندەیە لە فەرماندەیی بارزان، لێرەوە رایدەگەیەنین باوكی تۆمەتبار ھیچ پلە و پۆستێكی سەربازی لە فەرماندەیی بارزان نییە، ئەو زانیاریانەی بڵاوكراونەتەوە دوورن لە راستیەوە”.

راشیگەیاند “پرسە و سەرەخۆشی خۆمان بۆ قوربانیانی كارەساتەكەی ئەمڕۆی زانكۆی سەلاحەددین رادەگەیەنین، ھەموو لایەك دڵنیا دەكەینەوە باوكی تۆمەتبار ھیچ پلە و پۆستێن سەربازی نییە و زراندنی ناوی فەرماندەیی بارزان لەلایەن ھەندێ دەزگای راگەیاندن بە مەبەست بووە”.