سەردێر

ئەمریكا كاپتنی فڕۆكەی جەنگی لە شەڕڤانانی یەپەگە ئامادە دەكات

مێدیای توركیا: چەكی ئەمریكایی و ئەڵمانیایی و رووسیایی گەیشتووەتە دەستی پەكەكە

خەڵك-
كەناڵی TRTی فەڕمی توركیا لە راپۆرتی خۆیدا ئاماژەی بەوەكردووە كە پەكەكە لە عێراق و سووریا چەكی رووسیایی و ئەمریكایی و ئەڵمانیایی دەستكەوتووە.

بەپێی راپۆرتی ئەم كەناڵە، پەكەكە لە عێراق چەكی رووسیایی و لە سووریا چەكی ئەمریكایی و ئەڵمانیایی بەكاردەهێنێت.

كەناڵەكە ئەوەی خستووەتەڕوو دەوڵەتانی ئەوروپایی و رۆژئاوایی بە پاساوی جەنگی دژە تیرۆر لە ماوەی ساڵانی رابردوودا مەشق و راهێنانیان بە شەڕڤانەكانی پەكەكە كردووە و پڕچەكیان كردوون.

مامۆستای زانكۆ عەبدوڵڵا ئاغار دەڵێت پەكەكە لە عێراق چەكی رووسیایی دەستكەوتووە و هەوڵیش دەدا لەگەڵ رۆژئاواییەكاندا چەكی دەست بكەوێت، بۆ نمونە چەكی ئەمریكایی و ئەڵمانیایی و سوێدی و هی دیكەشی دەستكەوتوون.

ئاشكراشیكردووە مین و مووشەكی دژە تانك، تۆپ و هاوەن، چەكی میلانی ئەڵمانیایی و چەندین جۆری چەكی دیكە دراونەتە پەكەكە.

ئاماژەی بەوەشكردووە یەپەگە گرینگی تایبەتی خۆی هەیە لای رۆژئاواییەكان راهێنانی تایبەتیان پێ دەكرێت، هێزی تایبەتی بەریتانیا و ئەمریكا و فەڕەنسا لەرۆژئاوای كوردستان هەن، تەنانەت راهێنان بە هێزەكانی یەپەگە كراوە لەسەر كاپتنی فڕۆكەی جەنگی و هێلیكۆپتەر.