سەردێر

سلێمانی؛لە هەندێك نانەواخانە 8 نان دەكرێت بە 500 دینار

خەڵك –
لەئێستادا بەشێك لە نانەواخانەكان 8 نان و هەندێكیان 6 نان بە هەزار دینارە و سەرۆكی ژووری بازرگانی سلێمانی ڕایدەگەیەنێت ، كار لەسەر پرۆژەیەك دەكەن بۆ هەرزانكردنی نان بەشێوەیەك لە هەندێك نانەواخانە 8 نان ببێت بە 500 دینار.

سیروان محەممەد ، سەرۆكی ژووری بازرگانی سلێمانی لە لێدوانێكی ڕۆژنامەوانیدا رایگەیاند، پرۆژەیەكیان بەدەستەوەیە بۆ هەر گەڕەكێكی ‏سلێمانی نانەواخانەیەك یان كولێرە فرۆشێك دیاری بكەن ‌و مانگانە ئاردی ‏پێویستی بۆ دابین بكەن، تاوەكو ئەوانیش هەشت نان یاخود هەشت ‏كولێرە بە 500 دینار بفرۆشن بە هاووڵاتیان.

ڕاشیگەیاندووە، لە مانگی چواردا ‏پرۆژەكەیان جێبەجێ‌ دەكەن، بەهیوان حكومەتیش پلانی هەبێت ‏بۆ دابەشكردنی ئارد بەسەر سەرجەم نانەواخانەكان بەنرخێكی رەمزی، ئەو نانەواخانانەی ئەو پڕۆسەیە ‏دەیانگرێتەوە ئەو 500 دینارەی وەریدەگرن بۆ كرێكارەكان ‌و كرێی ‏دووكان ‌و هەندێ‌ پێداویستی دیكە دەبێت.

ئەمە لەكاتێكدایە ، لە ئێستادا خاوەن نانەواخانەكان نارەزایی دەردەبڕن لە گرانی نرخی ئارد و پێداویستیەكانی تر لەبەر ئەوەش جیاوازی نرخ بەدیدەكرێت، لە بەشێك لە نانەواخانەكان 8 نان و هەندێكیان 6 نان بە هەزار دینارە.





هەلبژاردە

گرنگترینەکان