سەردێر

سبەینێ لەنێو سەنتەری شارەكان بەفر دەبارێت

خەڵك-

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، كەشوهەوای ئەمڕۆ چوار شەممە ئاسمان ساماڵ و پەڵە هەور دەبێت، لە پاش نیوەڕۆ دەگۆڕێت بۆ نیمچە هەور و لە شەودا بۆ هەوری تەواو.

هەر بەپێی پێشبینییەكانی كەشناسی، سبەینێ پێنج شەممە ئاسمان هەور دەبێت، سەرەتا لەناوچە شاخاوییەكان باران و بەفر دەبارێت لە كاتەكانی بەیانی زوودا، پاش زیادبوونی كاریگەری ئەم شەپۆلە باران لە زۆربەی ناوچەكان دەبارێت، لەگەڵ بەفر بارین لەكاتەكانی ئێوارەدا لە سەنتەری پارێزگاكان و پلەكانی گەرما نزم دەبنەوە ڕۆژی هەینی كۆتایی بە شەپۆلەكە دێت.