سەردێر

پشدەر؛ دوای دوو ساڵ بكوژێك دەستگیركرا

خەڵك
بەڕێوەبەرایەتی پۆلیسی ڕاپەڕین ڕایدەگەیەنێت ، لە لایەن هێزەكانیانەوە تۆمەتبارێكیان دەستگیركرد، كە لە ساڵی 2019وە بەماددەی 406 لە یاسایی سزادانی عێراقی فەرمانی دەستگیركردنی هەبووە .

بەڕێوەبەرایەتی پۆلیسی ڕاپەڕین بڵاویكردەوە، كە هێزەكانیان لە بنكەی پۆلیسی ناحیەی سەنگەسەر سەر بە بەشی پۆلیسی قەزای پشدەر تۆمەتبارێكیان دەستگیركرد كە لە ساڵی 2019وە بە ماددەی 406 لە یاسایی سزادانی عێراقی فەرمانی دەستگیركردنی هەبووە و بەبڕیاری بەڕێز دادوەر ڕاگیركرا.

ئاماژە بۆ ئەوەشكراوە، كە دەستگیركردنی ئەو تۆمەتبارە هاوكاتە لەگەڵ كێشەیەكی سنوری ناحیەی سەنگەسەر، كە مێژووەكەی دەگەڕێتەوە بۆ ساڵی 2019 ، لە ئێستادا دۆسیەكە لە بنكەی پۆلیسی سەنگەسەر ڕەوانەی بنكەی پۆلیسی قەڵادزێ كراوە و لێكۆڵینەوەش بەردەوامە.