سەردێر

كۆیە؛ شەقامی 40 مەتری (مام جەلال) داخرا

خەڵك
هاووڵاتیان و دانیشتوانی ژمارەیەك لە گەڕەك لە كۆیە بەهۆی هەراسان بوونیان لە هاتووچۆی بارهەڵگرەكان و تانكەرەكانی نەوت لەسەر ڕێگای 40 مەتری (مام جەلال) ڕێگاكەیان داخستووە و ئاستەنگی هاتووچۆ دروستبووە زیاتر لە 300 تانكەر و بارهەڵگر گیریان خواردووە .

كارزان جەرجیس، نێردراوی خەڵك لە كۆیە لە نێو گردبوونەوەكەی هاووڵاتیان ڕایگەیاند، زیاتر لەماوەی ساڵێكە ئیدارەی كۆیە سەرقاڵی نۆژەنكردنەوەی شەقامی 40 مەتری ناسراو بە شەقامی (مام جەلال)ن، بەڵام كارەكانیان بەسستی بەڕێوە دەچێت، كە ئەمەش نیگەرانی لای هاووڵاتیانی گەڕەكەكانی زانست و سەیران سیتی و شەوگێرئاوا و فیدراڵی و هاموونیش دروستكردووە .

ڕاشیگەیاند، ئێستا هاووڵاتیانی ئەو گەڕەكانە گردوونەوەیەكیان لە سەر شەقامەكە ڕێكخستووە داوا لە ئیدارەی شارەكە دەكەن، چارەسەری كێشەكیان بۆ بكەن، كە تەپوتۆزی هاتووچۆی تانكەر و بارهەڵگرەكان هەراسانی كردوون .

ئاماژەی بۆ ئەوەشكرد، كە ئیدارەی شارەكە بە پێی پێویست بەدەم داواكاری هاووڵاتیانی ئەو گەڕەكانەوە، كە دەكەونە سەر شەقامی 40 مەتری (مام جەلال) نەچوون.

No description available.No description available.