سەردێر

ساڵوەگەڕی جەنگی مێژوویی نۆڕماندییە

لە یەك رۆژدا زیاد لە 4 هەزار سەرباز كوژران

خەڵك-

77هەمین ساڵوەگەڕی رزگاركردنی فەرەنسا و ئەوروپای خۆرئاوایە لە دەستی نازییەكانی ئەڵمانیا بەهۆی قوربانیدانی زۆری سەربازە ئەمریكایی و بریتانیایی و كەنەداییەكانەوە لە رووداوی مێژوویی دابەزینی نۆڕماندییەوە.

لە 6ی حوزەیرانی 1944 بە درێژایی رۆژ 156 هەزار سەرباز لە ئاسمانەوە دابەزێنرانە كەنارەكانی نۆڕماندی.

ئەم رووداوە مێژووییە بە دابەزینی نۆڕماندی ناسراوە كە گەورەترین هێرشی وشكانی و ئاویی بووە لە مێژوودا لە رووی ژمارەی كەشتی و هێزی بەشداربوو.

ئەم هێرشە بووە بەهۆی كوژرانی نزیكەی 4.400 سەرباز تەنها لە رۆژێكدا.

لە كۆتایی دابەزینەكەدا 156 هەزار و 20 هەزار ئۆتۆمبێلی هاوپەیمانان گەیشتنە باكوری فەرەنسای داگیركراو لەلایەن نازییەكانەوە، سەرباری رووبەڕووبوونەوەی توندیان بە چەكی قورس و سووك.

بەرەبەیانی رۆژی 6ی حوزەیران هەزاران سەربازی دابەزیو لە ئاسمانەوە و هێزی ئاسمانی توانیان پرد و رێگاكان دڵنیا بكەن و لە سەعات 6 و نیو هێرش دەستپێبكەن.

لەم رۆژەدا هێزە بریتانیایی و كەنەداییی و ئەمریكاییەكان توانیان شەڕێكی بێ وێنە بكەن، لە كەناراوەكانی ئۆماها زیاد لە دوو هەزار سەربازی ئەمریكایی كوژراون، لە كۆتایی رۆژدا 156 هەزار سەربازی هاوپەیمانان توانیان هەڵبكوتنە سەر كەناراوەكانی نۆڕماندی.

بەپێی داتاكان لە ئەم رۆژەدا زیاد لە چوار هەزار سەربازی هاوپەیمانان كوژران و هەزارانی دیكەش بریندار و بێ سەرو شوێن بوون.

دوای هەفتەیەك توانرا لە 11ی حوزەیران بە تەواوی كەناراوەكان بگیرێن لە لایەن 326 هەزار سەرباز و 50 هەزار ئۆتۆمبێل و نزیكەی 100 هەزار تۆن كەرەستەی سەربازی لە نۆڕماندی.

لەبەرامبەردا نازییەكان دووچاری شكستێكی گەورە هاتن.

لە كۆتایی ئابدا هاوپەیمانان گەیشتنە رووباری سین لەوێ شاری پاریسیان رزگار كرد و نازییەكان لە باكوری خۆرئاوای فەرەنسا دوورخرانەوە جەنگی مێژوویی نۆڕماندی كۆتایی پێهات.