سەردێر

كەركوك.. داعش پەلاماری لیوایەكی حەشدی شەعبی دەدات

خەڵك

تیرۆریستانی داعش لە باشووری كەركوك پەلاماری خاڵێكی حەشدی شەعبی دا و بەهۆیەوە كوژراو و برینداری لێكەوتووەتەوە.

ئەمشەو لەنزیك گوندی بەشیر لە باشووری پارێزگای كەركوك تیرۆرستانی داعش پەلاماری خاڵێكی سەر بە لیوای 16ی حەشدی شەعبیانداوە.

بەپێی زانیارییەكان لەئەنجامی پەلامارەكەدا ئەندامێكی هێزەكانی حەشدی شەعبی كوژراوە و سێی تریش برینداربوون.

ماوەیەكە لە ناوچە دابڕێنراوەكان بەهۆی بۆشایی ئەمنی لەنێوان هێزەكانی پێشمەرگە و هێزە عیراقییەكاندا جموجۆڵی تیرۆریستانی داعش بەتایبەت لە سنووری پارێزگای كەركوك زیادیكردووە.