سەردێر

خەڵك؛نوێترین گۆڕانكاری لەبارەی كەمكردنەوەی پڕۆگرامی 12ی ئامادەیی بڵاودەكاتەوە

خەڵك
بریكاری وەزارەتی پەروەردەی حكومەتی هەرێم ڕایدەگەیەنێت، بەهۆی ڕاگرتنی خوێندنەوە لەقۆناغی١٢ی ئامادەیی پرۆگرامی خوێندن كەمدەكرێتەوە و دەشڵێت،”لەم هەفتەیەدا كۆبوونەوەی كۆتایی لەبارەی كەمكردنەوەی پرۆگرامەكانی قۆناغی ١٢ی ئامادەیی دەكرێت”.

د. سەیوان عەلی، بریكاری وەزارەتی پەروەردەی حكومەتی هەرێم بە ماڵپەڕی فەرمی پارتی ڕاگەیاندووە، بەڕێوەبەرایەتی گشتی پەروەردەكانی هەرێم ڕاسپێردراون بۆ ئەوەی ئامادەكاری بكەن بۆ كەمكردنەوەی پرۆگرامەكانی پۆلی ١٢ی ئامادەیی.

دەشڵێت،”لە ڕێگەی كەسانی پسپۆڕەوە كار لەسەر كەمكردنەوەی پرۆگرامەكانی خوێندن دەكرێت و بەپێی پلان پرۆگرامی ١٢ی ئامادەیی كەم دەكرێتەوە”.

ڕاشیگەیاندووە، لەم هەفتەیە كۆبوونەوەیەكی یەكلاكەرەوە لەبارەی پرۆگرامی ١٢ی ئامادەیی بەڕێوە دەچێت و كەسانی پسپۆڕ و بەڕێوەبەری گشتی پەروەردەكانی هەرێمی كوردستانیش بەشداریی تێدا دەكەن.

ئاشكراشیكردووە، كەمكردنەوەی پرۆگرامی خوێندن پێویستی بە پلان و پێداچوونەوە هەیە و دەمانەوێت خشتەیەك ئامادە بكەین بۆ كەمكردنەوەی پرۆگرامەكانی خوێندن، بزانین تا چەند مامۆستایان دەتوانن پرۆگرام تەواو بكەن، ئەوكات بڕیاری لەسەر دەدرێت.