سەردێر

بەهۆی ڤایرۆسی كۆرۆناوە هیچ چالاكی و بۆنەیەك بۆ یادی ئۆتیزم بەڕێوە ناچێت

خەڵك
بەڕێوەبەرایەتی گشتی چاودێری و گەشە پێدانی كۆمەڵایەتی لە پارێزگای سلێمانی ڕایدەگەیەنێت ، لە ڕۆژی جیهانی ئۆتیزم بەهۆی ڤایرۆسی كۆرۆناوە هیچ چالاكی و بۆنەیەك بۆ یادی ئۆتیزم بەڕێوە ناچێت.

ئەمڕۆ ٢ی٤ی٢٠٢١ ،ڕۆژی جیهانی هۆشیاری ئۆتیزمە، لەم ڕۆژەدا ئازارو مەینەتیەكانی منداڵانی ئۆتیزم و دایكان و باوكانی منداڵانی ئۆتیزم لەبەرچاو دەگرین و پێویستە كۆمەڵگا هۆشیارانەتر مامەڵە لەگەڵ ئەم چینەی كۆمەڵگا بكات.

بەڕێوەبەرایەتی گشتی چاودێری و گەشە پێدانی كۆمەڵایەتی لە پارێزگای سلێمانیلە ڕاگەیەنراوێكدا بڵاویكردەوە، كە وێڕای هاوسۆزییان لەگەڵ كەس و كاری توشبووانی ئۆتیزم، دڵنیایان دەكەینەوە، كە بەردەوام دەبن لە داكۆكیكردن لەمافەكانی ئەو توێژە و بە ئەركێكی ئەخلاقی و نیشتیمانی دەزانین، تا زیاتر مافەكانیان دەستەبەر بێت.

ئەمساڵ بەهۆی ئەو پەتا جیهانیەی ڕوی لە وڵاتمان كردوە، بەڕێوەبەرایەتی گشتی چاودێری و گەشەپێدانی كۆمەڵایەتی لە پارێزگای سلێمانی،پابەندی ڕێنمایە تەندروستیەكان دەبین و هیچ بۆنەو چالاكیەك بەڕێوە نابەین.داواكارین لە خوای میهرەبان كە هەموولایەك بەدوور بكات و هەموو لایەك لەش ساغ و تەندروست باش بن.

هاوكات هەڤاڵ ئەبوبەكر ، پارێزگاری سلێمانی لە هەژماری تایبەتی خۆی ڕایگەیاندووە، “لەگەڵتانین، لەپشتتانین، قەڵغانتانین.. ئێوە شایستەی ژیان و خزمەتگوزاریی باشترن، خێزانەكانتان شایانی لەسەرنانی تاجی جوامێریی و شكۆمەندین، سوپاس بۆ ئێوە، بۆ خێزانەكانتان، بۆ هەموو دامەزراوە و ڕێكخراوو كەسایەتییەكی حكومیی و ناحكومیی و دەوڵەتیی و ناوخۆیی و نێودەوڵەتیی بۆ هەوڵ و بەخششەكانتان”

‎May be an image of ‎‏١ کەس‏ و ‏دەق‏‎‎



هەلبژاردە

گرنگترینەکان