سەردێر

ئاگادارییەك لە كۆمەڵگای دەروازەی نێودەوڵەتی حاجی ئۆمەرانەوە

خەڵك

كۆمەڵگای دەروازەی نێودەوڵەتی حاجی ئۆمەران لە بارەی گەشتكردنی هاووڵاتیان بۆ وڵاتی ئێران ئاگادارینامەیەك بڵاودەكاتەوە.
كۆمەڵگای دەروازەی نێودەوڵەتی حاجی ئۆمەران ڕایدەگەیەنێت: “ئاگاداری هەموو هاووڵاتیان و گەشتیارانی بەرێز و خۆشەویستی هەرێمی كوردستان دەكەین ئەوانەی كە بە نیازن لەڕێگەی دەروازەی نێودەوڵەتی حاجی ئۆمەرانەوە گەشت و سەردانی كۆماری ئیسلامی ئێران بكەن، لە ڕۆژی چوارشەممەوە ڕێكەوتی (١١/٨/٢٠٢١ ) پێویستە بڕوانامەی پشكنینی كۆرۆنا ئەنجامی نێگەتیڤ ( PCR ) لە یەكێك لە تاقیگەكانی باوەڕپێكراوی وەزارەتی تەندروستی حكومەتی هەرێمی كوردستان لەگەڵیاندابێت.

كۆمەڵگای دەروازەی نێودەوڵەتی حاجی ئۆمەران ڕوونیكردووەتەوە، “هەر هاووڵاتییەك یان گەشتیارێك بڕوانامەی پشكنینی كۆرۆنای لەگەڵدا نەبێت لەلایەن سەركۆنسولگەری كۆماری ئیسلامی ئێران لە هەولێر ڤیزا پێیان نادرێت و دەوڵەتی ئێران ڕێگایان پێنادات سەردانی ئێران بكەن و دەگەڕێنرێنەوە”.

كۆمەڵگای دەروازەی نێودەوڵەتی حاجی ئۆمەران ئاماژی بەوەشداوە:”تا هاووڵاتیانی خۆشەویست تووشی گرفت و زەحمەتی ڕێگا نەبن، داوا لە هەموو گەشتیارە بەڕێزەكان دەكەین بە بێ هەبوونی بڕوانامەی پشكنینی كۆرۆنا بە مەبەستی چوون بۆ وڵاتی ئێران سەردانی دەروازەی نێودەوڵەتی حاجی ئۆمەران نەكەن چونكە ڕێگایان پێنادرێت”.