سەردێر

ژووری ئۆپراسیۆنی پارێزگای هەولێر ڕاگەیەنراوێكی بڵاوكردەوە

خەڵك

ژووری ئۆپراسیۆنی پارێزگای هەولێر لە ڕاگەیەنراوێكدا چەند بڕیارێكی نوێی سەبارەت بە ڕووبەڕووبوونەوەی ڤایرۆسی كۆرۆنا دەركرد.

لەڕاگەیەنراوەكەی ژووری ئۆپراسیۆنی پارێزگای هەولێردا ئاماژە بەوەدراوە،”لەبەیانییەوە ڕۆژی دووشەمە 17/5/2021، سەرجەم هۆڵەكانی بۆنە و ئاهەنگگێڕان، بەڕەچاوكردنی ڕێكارەكانی خۆپارێزی و جێبەجێكردنی ڕێنماییە تەندروستییەكان دەكرێنەوە، بۆیە داوا لە خاوەن هۆڵ و هاووڵاتییان دەكەین، لەكاتی بۆنە و ئاهەنگە خێزانییەكان ڕەچاووی ڕێكارەكانی خۆپارێزی بكەن، بەتایبەتی بەستنی (دەمامك)”.

هەروەها ئەوەشخراوەتەڕوو،”وەكو ژووری ئۆپراسیۆنی پارێزگای هەولێر، لەڕابردوو و لە ئێستاشدا هەر بڕیارێك و ڕێكارێك گیرابێتەبەر، لەپێناو سەلامەتی گشتیی و پاراستنی تەندروستی هاووڵاتییان بووە، لەم دۆخەی ئێستاشدا بەرپرسیاریەتی گەورە لە سەرشانی خودی هاووڵاتییان خۆیانە، لەبەر ئەوەی تاكپارێزی لەو بارودۆخەدا هۆكاری سەرەكی پاراستنی سەلامەتی و تەندروستی گشتییە لەشارەكەمان”.