سەردێر

ئەمریكا ڤاكسین دەداتە زیندانیانی گوانتانامۆ

خەڵك-

سوپای ئەمریكا دەستیكرد بە كوتانی زیندانیانی گرتووخانەی گوانتانامۆ بە ڤاكسینی دژە كۆرۆنا بۆ پارێزگاری لە هێزەكانی لەوێ و دەستپێكردنەوەی كۆبوونەوەكانی دادگا و لێكۆڵینەوە تایبەت بە تاوانەكانی جەنگ بەپێی گوتەی بەرپرسێكی ئیدارەی ئەمریكا بۆ رۆژنامەی نیویۆرك تایمز.

فەرمانداری باشوری ئەمریكا كە سەرپەرشتی گرتووخانەكە دەكات، داوای رێپێدانی كرد لە دۆناڵد ترەمپ سەرۆكی پێشووی ئەمریكا بۆ كوتانی زیندانییەكان لەنێویاندا خالید شێخ محەمەد و چوار پیاوی دیكەی تۆمەتبار بە هێرشەكانی یازدەی سێپتەمبەری 2001.

سوپای ئەمریكا پلانەكەی لە مانگی شوبات راگرت بەهۆی رەخنەی هەندێك كەسەوە كە وەزارەتی بەرگری پێنتاگۆن تیرۆرستەكانی لە پێش گەلی ئەمریكا داناوە.

ئەو بەرپرسە رایگەیاندووە ڤاكسین دەدرێت بە سەرجەم زیندانییەكان ئەوانەی تەمەنیان گەورەیە، لەگەڵ هێزەكانی ئەمریكا و فەرمانبەرانی مەدەنی سەر بە وەزارەتی بەرگری كە ژمارەیان 1500 كەسە.

ئەم پرۆسەیە لە رۆژی دوو شەممەوە دەستیپێكردووە، بەڵام ئەمە ناچاری نییە بۆ فەرمانبەرانی سەربازی و مەدەنی وەزارەتی بەرگری.