پەیوەندییەكانی یەكێتی ئەوروپا و ڕوسیا ئاڵۆزتر دەبن
وڵاتانی یەكێتی ئەوروپا ڕێككەوتوون لەسەر سزادانی ڕوسیا،…
زیاترسەردێر
-
هەر وەک چۆن بنەمای جوانی بۆ کچان لە وڵاتانی جیهان جیاوازە، بەهەمان شێوەش بنەماکە بۆ کوڕانیش جیاوازە، ئەمەی خوارەوە هەندێک بنەمای قۆزێتییە لە وڵاتە جیاوازەکانی جیهان: – ئەمریکا کوڕی قۆز لەوێ ئەو کوڕەیە کە جەستەیەکی وەرزشی و ماسولکەداری هەبێت و تەنکە ڕیشێکیشی هەبێت و کەشخەبێت. – هیندستان بەهۆی ئەوەی زۆربەیان پێستیان ڕەشە، کوڕی قۆز لە هیندستان ئەوەیە پێستی کەمێک سپی بێت، بۆیە زۆرێکیان کرێمی تایبەت بەو بوارە بەکاردەهێنن، هاوکات دەبێت هەموو کات جێڵ بدات لەقژی و ماسولکەی هەبێت. – سوید [caption id="attachment_297797" align="alignnone" width="650"] باڵای بەرز و پێستی زەرد و ڕەنگی چاوی کراوە و قژی زەرد و ڕومەتی ساف و تیژ، بنەماکانی قۆزییە لەو وڵاتە.[/caption] – کۆریایی باشور کوڕی ناسک و ڕەنگکردنی قژیان بەشێوازی جیاواز و جوان لەو وڵاتە باویەتی، زۆرێک لە گەنجەکانی کۆریایی باشور نەشتەرگەری جوانکاریی ئەنجام دەدەن. – ئیتاڵیا ئەو کوڕانە باویانە کە برۆیان چاکدەکەن و ئێکسسواراتی جۆراوجۆر بەکار دەهێنن، ڕیشێکی تەنکیان هەیە و گرنگی بە ڕوخساریان دەدەن.
-
ئاهەنگی هاوسەرگیری ئەستێرەکان بەوە بەناوبانگن کە تێچوویەکی زۆریان هەیە، بەتایبەت ئاهەنگی خانەوادەی پادشایەتی بەڕیتانیا، ئەمەی خوارەوە تێچووی ئاهەنگەکانە: براد بیت و جینیفر . ١ ملیۆن دۆلار دۆناڵد ترەمپ و میلانا، ١ ملیۆن دۆلار تۆم کڕوز و کاتی. ٢ ملیۆن دۆلار مادۆنا و جای، ١،٥ ملیۆن دۆلار کیم کارداشیان و کانی ویست ٢،٨ ملیۆن دۆلار سەلما حایک و فرانسو هینری ٣،٥ ملیۆن دۆلار واین ڕۆنی و کولون ٨ ملیۆن دۆلار شازادە ولیام و کیت، ٣٤ ملیۆن دۆلار شازادە هاری و میگان – ٤٥ ملیۆن دۆلار
-
خەڵك یەكێك لە هەوڵە تاكە كەسییە گرنگەكان كە زۆر كەس لە دونیادا پەیڕەوی دەكەن بۆ زیاتر پاراستنی ژینگە، بەرنامەیەكە پێی دەوترێت (بەفیڕۆدانی سفر یاخود خاشاكی سفر Zero Wasted). با ڕێگە بە خاتوو لاورین سینگەر بدەین خۆی بۆمان باسبكات ئەم بەرنامەیە چییە و سودی چییە. "ئەوە بۆ چەند ساڵێك دەبێت من بڕیاری ئەوەم داوە ببم بە (بەفیڕۆدانی سفر)، بەفیڕۆدانی سفر واتە لە ماڵەوە هیچ جۆرە خاشاك و زبڵێكت نەبێت بە تایبەتی مادەی پلاستیك، چونكە یەكێكە لە مەترسیدارتین ماددەكان بۆ ژینگە. كاتێك لە زبڵدانی ماڵەكەم وردبومەوە، بینیم بەشێكی زۆری خاشاكەكانم پلاستیكن، بۆیە بڕیارمدا چیتر هیچ شتێك نەكڕم پلاستیكی تێدا بەكارهاتبێت ئەمە كارێكی ئاسان نەبوو، چونكە كاتێك دەچومە بازاڕ و ماركێتەكان تا پێداویستی و خۆراكەكان بكڕم، هەمیشە هەموو خواردنەكان لە پلاستیكدا پێچرابونەوە و خاوەن دوكانەكەش بۆی دەكردمە زەرفێكی نایلۆنەوە. "فڵچەو هەویری ددان ناكڕم و خۆم دروستیان دەكەم" ئێستا فێربوم چۆن خۆم هەموو پێداویستیەكانی خۆم دروست بكەم، بەجۆرێك خاشاكم نەبێت بۆ نمونە، فڵچە و هەویری ددان شۆردنەكەم لە پلاستیك بوو، ئێستا چیتر نایانكڕم و لە سۆدەی چێشتلێنان هەویر دروست دەكەم. "لەكاتی بازاڕكردن سەبەتە لەگەڵ خۆم دەبەم و عەلاگە بەكار ناهێنم" كاتێك دەچووم بۆ بازاڕ تا خواردەمەنی پێداویستیەكانی ڕۆژانەم بكڕم، بەشێكی زۆری پێداویستەكان بە پلاستیك پێچرابونەوە و داپۆشرابوون، یاخود زۆر خواردەمەنیم دەبینی لە ناو قوتوی پلاستیكدابوون، لە دواجاریشدا كە دەتكڕین، خاوەنی فرۆژگەكە سەرجەم شتەكانتی دەكردە عەلاگەیەكەوە بۆت، كە دیسان عەلاگەش پلاستیكە، بۆیە من بیرم لەوە كردەوە كۆتایی بە هەموو ئەمانە بهێنم ئێستا لەگەڵ خۆم سەبەتەیەك، یاخود زەمیلەیەك دەبەم و ڕاستەوخۆ دەچم بۆ فرۆژگەی جوتیارەكان خۆیان، چونكە شتەكان لەوێ هەمیشە نوێ و فرێشن، لەوێ سەوزە و میوەكان دەكڕم، ڕاستەوخۆ دەیانكەمە ناو ئەو سەبەتە و زەمیلەیەی خۆمەوە، بێ ئەوەی عەلاگە بەكاربهێنم. "بە تێپەڕبونی كات، فێربووم خۆم سەرجەم ئەو شتانە دروست بكەم كە بەكاریان دێنم كاتێك شتێك دەشكێت، فڕێی نادەم، بەڵكو چاكی دەكەمەوە". یەكێكی دیكە لەو ڕێگەیانەی گرتومەتە بەر، كڕین و بەكارهێنانی شتی دەستی دووە، بەمجۆرە من هەم بەرهەمێكی لەكاركەوتوو بەكاردێنمەوە، هەمیش خۆم لە كڕینی شتێكی نوێ بەدوور دەگرم و ناهێڵم بەرهەمێكی نوێ بە هۆی منەوە بەرهەمبێت و دواتر زبڵدانەكان گەورەتر بكات، پارەیەكی زیاتریشم بۆ دەگەڕێتەوە چونكە وەك ئاشكرایە، شتی دەستی دوو هەمیشە هەرزانترە، ئەمەش یەكێكە لەو شتە باشانەی كە بەدەستم هێناوە. یەكێكی دیكە لەو سودانەی كە بەدەستم هێنا، كەمبونەوەی ئەو شتانەیە كە بەكاریان دێنم، چونكە ئێستا تەنها ئەو شتانەم هەن كە زۆر پێویستن قەرەباڵغی لە ماڵەكەمدا كەمتر بووەوە و ماڵەكەم گەورەتر بووە و سەرم سوكتر بووە، لەبەر ئەوەی كە لە ماڵەوە شتم كەمتر هەیە، پاككردنەوەی ماڵەكەشم ئاسانتر بووە و كاتی كەمتر دەوێت. "ئەو جۆرە ژیانە قورس نییە" لاورین دەڵێت، دەزانم ڕەنگە وادیاربێت ئەم جۆرە ژیانە زۆر قورسە، بەڵام دڵنیاتان دەكەمەوە بەو جۆرە قورس نیە كە دەردەكەوێت ئەو شتانەی بەدەستی دێنن، زۆر زیاترن لەو شتانەی لەدەستی دەدەن. "تەندروستیم باشتر بووە" یەكێكی دیكە لەو سودانەی كە لەم شێوازە ژیانكردنەدا بەدەستم هێنا، باشتر و باشتربونی تەندروستیمە، چونكە هەموو خواردنەكانم فرێش و نوێن و لە خۆراكی بازاڕ و سەفەری و خواردنی قوتو خاوێنترن، ئەو خواردنەشی كە خۆم بۆ خۆمی دروست دەكەم، بە شێوەیەكی زۆر خاوێن دروستی دەكەم و ماددەی پارێزەر (مواد حافزە)ی تێناكەم كە لە خوارنەكانی دەرەوەدا هەیە و زۆریش مادەیەكی خراپە. ئەو ترس و دڵەڕاوكێیەشم نەما كە ئایا تۆ بڵێی…
-
خەڵك-تەنیا هەورامی لە نوێترین ڕاپرسی جیاوازدا ئیبراهیم ڕەئیسی كاندید بۆ پۆستی سەرۆك كۆماری ئێران براوەی هەڵبژاردنەكانی ئێران دەبێت. ناوەندی "ئیسپا"ی ئێرانی ئەنجامی نوێترین ڕاپرسی ناوەندەكەی سەبارەت بە دەنگدانی هاووڵاتیانی ئێرانی بە كاندیدەكانی سەرۆكایەتی كۆمار بڵاوكردەوە و پرسیاری ئەوەیان لەو كەسانەی كردووە كە ئەگەر ئێستا هەڵبژاردنەكان بەڕێوەبچێت دەنگ بە كێ دەدەیت؟ لەنێو ئەو كەسانەی لە ڕاپرسییەكەدا بەشداریان كردووە لە نوێترین راپرسیدا، ئیبراهیم ڕەئیسی 60.6% ی دەنگەكانی بەدەستهێناوە و هاوكات موحسین ڕەزایی 0.8% و سەعید جەلیلی 3.5% و عەبدوناسر هیمەتی 3.7% و ئەمیر حسێن قازی زادە 3.1% و عەلیرەزا زاكانی 3% و موحسین میهر عەلیزادە 0.7%ی دەنگەانیان بەدەستهێناوە. ئاشكراشیكرد، بەپێی ڕاپرسییەكە 17.4% بەشداربووان دەنگیان نەداوە. ئەمەش لەكاتێكدایە، لە دوو ڕاپرسی دیكەی ئەو ناوەندەدا، ئیبراهیم ڕەئیسی براوەی ڕەهای هەڵبژاردنەكان بووە و هاوكات ڕەئیسی لای عەلی خامەنەیی ڕێبەری باڵای شۆڕشی كۆماری ئیسلامی ئێرانیش پەسەندترینە. بڕیارە 18ی ئەم مانگە هەڵبژاردنەكانی سەرۆكایەتی كۆمار و شورای ئێران بەڕێوەبچێت، ئەمەش لەكاتێكدایە جگە لە حزبە كوردییەكان چەند حزبێكی فارسی ئۆپۆزسیۆنیش بایكۆتی هەلِبژاردنەكانیان كردووە.
-
خەڵك- بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 177 ملیۆن و 38 هەزار و 188 حاڵەت. بە گوێرەی ئامارە جیهانییەكان، تاكو كاتژمێر 11.30ی ئەمڕۆ سێ شەممە ژمارەی تووشبووانی كۆرۆنا لە جیهاندا گەیشتە 177 ملیۆن و 38 هەزار و 188 حاڵەت، لەو ژمارەیەش 3 ملیۆن و 827 هەزار و 901 حاڵەتی گیانلەدەستدانیش هەبووە. هەر بەپێی ئامارەكان تاكو ئێستا 161 ملیۆن و 236 هەزار و 448 تووشبووی ڤایرۆسی كۆرۆنا چاكبوونەتەوە. لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە 34 ملیۆن و 355 هەزار و 239 كەس و 615 هەزار و 232 كەسیش گیانیان لەدەستداوە. ڤایرۆسی كۆرۆنا نەخۆشییەكی كوشندەیە و مانگی 12ی ساڵی 2019 لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.
-
غوددە ئه‌و ئه‌ندامه گرنگه‌ی جه‌سته‌یه که شێوه‌یه‌کی په‌پوله‌یی هه‌یه‌و ده‌که‌وێته به‌شی پێشه‌وه‌ی مله‌وه له‌پێش بۆری هه‌ناسه‌وه، زۆرێکمان کێشەی غوددەمان هەیە بەڵام بەهۆی ئەوەی شارەزاییمان لەسەری نییە پێی نازانین، لەم بابەتەدا بە ئاڵگی غوودە ئاشنا بە. غودده له‌ڕێی هۆرمۆنه‌کانی (TRIJODTHYRONIN(T3و (THYROXIN(T4و CALCITONIN کاریگه‌ری گه‌وره‌ی له‌سه‌ر تێکڕای جه‌سته‌ی مرۆڤ هه‌یه، بەڵام غوده بۆ دروستکردنی ئه‌و هۆرمۆنانه پێویستی به‌ماده‌ی یۆد هه‌یه که له‌ڕێی خۆڕاکی پڕ یۆده‌وه پێیده‌گات. خواردنی ماسی‌و گیانله‌به‌ره ئاویه‌کان به‌گشتی رێژه‌یه‌کی باش له‌یۆدمان پێده‌به‌خشێت، خواردنی ١-٢ جار ماسی له‌هه‌فته‌یه‌کدا سه‌رچاوه‌یه‌کی باشی یۆده. هه‌روه‌ها سپێناغ‌و شیرو به‌روبومه‌کانی رژه‌یه‌کی که‌م یۆدیان تێدایه. که‌می ماده‌ی یۆد له‌جه‌سته‌دا ده‌بێته‌هۆی نه‌خۆشکه‌وتنی غوده‌و هه‌ڵئاوسانی‌و دروستبونی گرێ‌و لوو تێیداو تێکچونی ئاستی هۆرمۆنه‌کانی، هه‌ربۆیه له‌زۆرینه‌ی وڵاته رۆژئاواییه‌کان رێنمایی ده‌درێت به‌دروستکردن‌و به‌بازاڕکردنی خوێی چێشتی پڕ یۆد بۆ پڕکردنه‌وه‌ی به‌شێکی پێداویستی به‌کارهێنه‌ران به‌ماده‌ی یۆد. به‌هۆی بونی ماده‌ی Zyanid له‌جگه‌ره‌دا، که رێگری له‌وه‌رگرتنی یۆد له‌لایه‌ن غوده‌وه ده‌کات، جگه‌ره‌کێشان زیانی زۆر به‌غوده ده‌گه‌یه‌نێت، کارابونی غوده‌و توانای دروستکردنی هۆرمۆنه‌کانی‌و له‌کاتی پێویستدا، رژاندنی ئه‌و هۆرمۆنانه بۆ ناو خوێن له‌ڕێی هۆرمۆنی THS که له‌به‌شێکی خواره‌وه‌ی مێشکدا (HYPOPHYSE) دروستده‌کرێت، به‌ڕێوه‌ده‌چێت. ئه‌رکه‌کانی غودده له‌پاڵ دروستکردنی سێ هۆرمۆنی له‌سه‌ره‌وه ئاماژه‌پێکراودا به‌شداری له‌نه‌شونمای ئێسک‌و مێشک‌و ده‌مارو ماسولکه، به‌شداری له‌سوڕی گۆڕینی خۆراک بۆ وزه‌و له‌و رێیه‌وه پێدانی گه‌رمی به له‌ش‌و هه‌روه‌ها دابه‌زاندنی رێژه‌ی چه‌وری‌و کاربۆهیدرات له‌خوێندا، به‌رزکردنه‌وه‌ی په‌ستانی خوێن‌و لێدانی دڵ، راگرتنی هاوسه‌نگی راده‌ی کالیسۆم‌و فۆسفات له‌نێوان خوێن‌و ئێسکدا، کاریگه‌ری له‌سه‌ر چالاکبونی ریخۆڵه هه‌ندێک له‌ئه‌رک‌و کاریگه‌ریه‌کانی غوده‌ن له‌سه‌ر جه‌سته له‌ڕێی ئه‌و هۆرمۆنانه‌ی دروستیده‌کات. ئه‌و نه‌خۆشیانه‌ی دوچاری غودده ده‌بن و توانای کارکردنی سنوردار ده‌که‌ن زۆرو هه‌مه‌جۆرن، لێره‌دا تیشک ده‌خه‌مه سه‌ر دوو جۆری سه‌ره‌کی له‌و نه‌خۆشیانه، که به‌رزکارکردن (HYPERTHYREOSE)و نزم کارکردنی غوده (HYPOTHYREOSE) ناسراون. به‌رز کارکردن‌و نیشانه‌و گرفته‌کانی گه‌وره‌بون‌و هه‌ڵئاوسانی به‌رچاوی مل‌و غوده، خێرا لێدانی دڵ، دابه‌زینی خۆنه‌ویستی کێش، هه‌ڵه‌شه‌یی‌و توڕه‌بون‌و نائارامی، له‌ڕزینی جه‌سته، سکچون، ئاره‌قکردنه‌وه‌ی زۆر، ده‌نگنوسان، تێکچونی ریتمی خه‌وتن، به‌رزبونه‌وه‌ی په‌ستانی خوێن، ئازارو لاوازی ماسولکه، تێکچونی سوڕی مانگانه‌ی خانمان، نزمبونه‌وه‌ی ئاره‌زوی سێکسکردن، گه‌وره‌بونی گلێنه‌ی چاو و سوربونه‌وه‌ی چاو، هه‌ندێکجار بینی دوو وێنه‌یی دیمه‌نه‌کان…هتد. نزم کارکردن (هێواش‌و لاواز)و نیشانه‌کانی هه‌میشه هه‌ستکردن به‌سه‌رمابون، هه‌میشه ماندویی، خه‌مۆکی‌و دابڕان له‌کۆمه‌ڵگه، زیادبونی کێش‌و به‌رزبونه‌وه‌ی رێژه‌ی چه‌وری له‌له‌شدا، زیادبونی پێداویستی به‌خه‌وتن، بیرکۆڵی، ئاوسانی قاچ‌و قۆڵ‌و ده‌موچاو به‌هۆی په‌نگخواردنه‌وه‌ی ئاوی لیمفه‌کانه‌وه، لاوازی نینۆک‌و قژ، قژڕوتانه‌وه، ده‌نگنوسان‌و خاوبونه‌وه‌ی قسه‌کردن‌و ده‌نگ گڕی، هه‌میشه قه‌بزبون، هه‌ندێکجار هه‌ڵئاوسانی غودده، کۆبونه‌وه‌ی ئاوی لیمفه‌کان له‌ناو پێڵوی چاودا، تێکچونی سوڕی مانگانه‌ی خانمان، لاوازبون‌و که‌مبونه‌وه‌ی خواستی سێکسی، پیاوان هه‌ندێکجار توشی نه‌زۆکی ده‌بن، خاوبونه‌وه‌ی لێدانی دڵ، نزمبونه‌وه‌ی په‌ستانی خوێن‌و هه‌ندێکجار به‌رزبونه‌وه‌ی، لاوازبونی ماسولکه‌ی دڵ، کۆبونه‌وه‌ی ئاو له‌ناو په‌رده‌ی دڵدا. تێبینی..مه‌رج نیه ته‌واوی نیشانه‌کان له‌که‌سێدا به‌دی بکرێن. به‌وپێیه‌ی نه‌خۆشیه‌کانی غودده زۆر به‌ربڵاون، له‌جێی خۆیدایه له‌چوارچێوه‌ی پشکنینی ساڵانه‌دا غودده فه‌رامۆش نه‌کرێت‌و پشکنینی ده‌ست لێدان‌و سۆناری بۆ بکرێت‌و ئه‌و جۆره نیشانانه‌ی سه‌ره‌وه به‌هه‌ند وه‌ربگیرێن. ئامادەکردنی: زانا ئەحمەد قادر، پسپۆڕ لە بواری چارەسەری فیزیکی و وەرزشی
-
خەڵك لە سەر شەقامی 40مەتری نزیك شوقەكانی ناز سیتی لە پارێزگای هەولێر بە هۆی پێچكلردنەوەی هەڵەوە شۆفێرێك گیانی لەدەستدا. فازڵ حاجی وتەبێژی بەڕێوەبەرایەتی هاتووچۆی پارێزگای هەولێر بڵاویكردەوە، كاتژمێر 5:35 خولەكی سەرلەبەیانی ئەمڕۆ لەسەرشەقامی 40مەتری نزیك شوقەكانی ناز سیتی،كلایزەرێكی تایبەت پێچی كردەوە لەشوێن پێچێك ویەكسەر داخلی شەقام بو بێ ئەوەی سەیری شەقامی سەرەكی بكات وبزانێت كەئایا ئوتومبێل هەیە یان نا. دەشڵێت، بۆیە هەر لەگەڵ پێچكردنەوەی كەوتە سەر ڕێڕەوی ئوتومبێلێكی هیۆندای تۆكسن ی تایبەت ،كەئەویش زۆر خێرابو بو وەپێكدادان ڕویدا لەنێوانیان،هەر لەگەڵ ساتی پێكدادانەكەش هیۆندای تۆكسن كۆنتڕۆلی لەدەستدا وخۆی كێشا بەستونێكی كارەباو لەدواییش گەڕایەوە بۆناو شەقام ولەسەر دورگەی ناوەند كەوت ولەدیوەكەی تری شەقام دابەزی، ئینجا لەوێش خۆی كێشا بەشۆستەودارەكانی جوانكاری ،ئینجا وەستا. ئاماژە بەوەش دەكات، لەدەرەنجامی ئەو كارەساتە شوفێری تۆكسن گیانی لەدەستدا ودووسەرنشینیش كەلەگەڵی بون بریندار بون، زیانێكی مادی زۆریش بەر ئۆتۆمبێلەكان و ستونی كارەبا ودارەكانی جوانكاری كەوت. وتەبێژی هاتووچۆی هەولێر دەشڵێت، ڕێنمایی شوفێران دەكەین هیچ كات چۆلی شەقام ودرەنگانی شەو و بەرەبەیان بەهەل وەرنەگرن بۆپابەند نەبون بەیاساكانی هاتووچۆ،چونكە لەهەمو كات ئەگەر هەیە ئوتومبێل هەبێت.
-
ئایا دەزانیت ڕەنگی چاو دەتوانرێت بگۆڕدرێت لێرەدا ئەو هۆکارانەی دەتوانن ڕەنگی چاو بگۆڕن دەخەینە ڕوو: – مەزاجی دەروونیی کاریگەریی هەیە لەسەر رەنگی چاو مەزاجی باش و دڵخۆشیی کاریگەرییەکی زۆری هەیە لەسەر جەستە، لێدانی دڵ و هەناسەدان، ڕەنگی چاویش یەکێکە لەوانە، هەندێک جار دەشێت تاریک بێت یان کراوە تر بە پێی مەزاجی کەسەکە. – هۆڕمۆنی مێلانین و تەمەن ئەو منداڵانەی کە ڕەنگی چاویان شینە، ڕێژەی هۆڕمۆنی مێلانین لە چاویاندا کەمە کە دەبێتە هۆی بڵاوکردنەوەی ڕوناکیی و پێدانی ڕەنگێکی شینی کراوە و کاڵ، بەڵام ڕێژەی مێلانین لە چاودا دەگۆڕێت لە نێوان ٣ بۆ ١٨ مانگ لەدوای لەدایکبوون کە دەبێتە تۆخبوونی ڕەنگی چاویان. – ماکیاژ و جلوبەرگ کچان و ئافرەتان کەرەستەی جوانکاریی بەکاردەهێنن بۆ گۆڕینی ڕوخسار و رەنگی چاو، جۆر و شێوازی ماکیاژ، جلوبەرگ، ڕەنگی قژ و ئێکسیسوارات دەتوانن ڕەنگی چاو بگۆڕن وەکو لەوێنەکەدا دەردەکەوێت. -ئەو خۆراکانەی دەیانخۆین لەبەر ئەوەی ڕەنگی چاو راستەوخۆ پەیوەندی بە مێشکەوە هەیە هەندێک خۆراک دەتوانێک کاریگەری لەسەر ڕەنگی چاو دروست بکات، لە وێنەکەدا چاوی کچێک پشان دەدات کە بۆ ماوەی شەش ساڵ تەنها سەوزەو و میوەی خاوی خواردووە، هەروەها خواردنی سپێناغ بریقەو روناکی چاو زیاد دەکات، هەنگوین ڕەنگە گەرمەکانی چاو دەردەخات، هەروەها خواردنە دەریاییەکان ڕەنگی چاو تۆخ دەکەنەوە، زەیتی زەیتون، پیاز، بادەم کاریگەری لەسەر چاو دروست دەکات. – تیشکی خۆر و شوێنی لەدایکبوون دانیشتوانی ئاسیا، ڕۆژهەڵاتی ناوەڕاست، ئەمریکای باشور و ئەوروپای باشور، ڕێژەی ڕەنگی چاوی قاوەیی ٧٠%یە، بەڵام لە ناوچە ساردەکان بەتایبەت لە باکور وەک ئیستۆنیا، دانیمارک، فینلاند، ئەڵمانیا و بەریتانیا، ڕیژەی ڕەنگی چاوی شین و کاڵ لە ٨٠%بەرەوسەرە، تەنها ٢%ی دانیشتوانی سەر زەویی چاویان سەوزە و ڕەنگی زەرد دەگمەنترین ڕەنگی چاوە. – لەیزەر بۆ گۆڕینی ڕەنگی چاو ئەمجۆرە نەشتەرگەرییانە زۆر مەترسییدارن و ئەگەریی کوێربوونی هەیە، بەڵام بە ئەنجامدانی نەشتەرگەریی لەیزەر دەتوانرێت ڕەنگی چاو بگۆڕدرێت کە ماوەی دوو بۆ چوار هەفتەیی دەوێت بۆ چاو تا ڕەنگەکەی بگۆڕێت.
-
خەڵك- بەرپرسی مەڵبەندی كەركوكی بزووتنەوەی ئیسلامی ڕایدەگەیەنێت، دۆخی كەركوك مەترسیدارە. حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕاگەیاند، لە كەركوك دۆخێكی هەستیار و مەترسیداری هەیە. وتیشی"ئێستا كورد زۆر ناڕازییە و شەوانە كاری تیرۆریستی دژی هێزەكانی عێراقی ئەنجام دەدرێت، نەبوونی پێشمەرگە لەو ناوچانە بۆشاییەكی زۆری دروست كردووە و خەڵكی كەركوك تووشی دڵەڕاوكێیەكی زۆر بوون، وایكردووە لە كەركوك سەقامگیرییەكی تەواو نەبێت تەنانەت بۆ هەڵبژارنەكانیش كورد نەتوانێت دەنگ بدات". ئاشكراشیكرد، لە كەركوك دۆخێكی ناهەمواری هەیە و لەدوای 16ی ئۆكتۆبەرەوە ئاسایی نەكراوەتەوە، بەوەی كە پارێزگار كورد بێت ئەنجومەنی پارێزگا كە داوا كراوە كارا بكرێتەوە نەكراوەتەوە، ئیدارەی كەركوك كەس چاودێری ناكات، و تاكو بەرەو هەڵبژاردنیش بچین دۆخەكە بەرەو خراپتر دەچێت. بەهۆی بۆشایی ئەمنی لە ناوچەكە، چەكدارانی داعش ناوەناوە پەلاماری هێزە ئەمنییەكانی عێراق و پێشمەرگە دەدەن و جگە لەوان هاووڵاتیانی سڤیلیش دەبنە قوربانی پەلامارەكان، دانیشتوانی ناوچەكەش داوا دەكەن بە ڕێكەوتنێك هێزێكی هاوبەش پارێزگاری لە ناوچەكە بكەن.
-
ئەمەی خوارەوە چەند تایبەتمەندیەکی کەسی ژەهراوییە کە تا زوو لێی دووربکەویتەوە کەمە: کۆنتڕۆڵکردن هەوڵدەدات بەهەموو جۆرێک کۆنتڕۆڵت بکات و ناچارت بکات بەپێی خواست و ویستی ئەو هەڵسوکەوت بکەیت و بجوڵێیتەوە. داوایلێبوردن نەکردن کاتێک هەڵەیەک دەکات بەهیچ جۆرێک ئامادەنییە ددانی پێدا بنێت و هەموو کاتێک لەسەر خۆی لایدەبات بۆ ئەوەی ناچار نەبێت داوای لێبوردن بکات. بێکەڵکی گفتوگۆ هەندێکجار دەگەیتە ئەو بڕوایەیی کە گفتوگۆکردن بێکەڵکە لەگەڵ ئەو کەسەدا و هیچ ناگەیتە ئەنجام، بۆیە ناچاریت خۆتی لێ بەدوور بگریت. تەلەفوون و گریان هەمووکات تەلەفونت بۆدەکات و دەستدەکات بەگریان و بۆڵە بۆڵ دەکات و وزەی خراپ بەتۆش دەبەخشێت. وەڵامی “نا” قبوڵ ناکەن! کاتێک داوای شتێکت لێدەکەن و تۆش بۆت ناکرێت یان دەڵێیت “نا” ئیدی لێت شێتدەبێت و وا نیشانی دەدات کە هیچت بۆ نەکردووە. سەرکەوتنەکانتی پێ ناخۆشە کاتێک دەستکەوتێکت دەبێت هەستدەکات کە زیان بەو گەیشتووە و نایەوێت تۆ لەو باشتر بیت، بۆیە پێی ناخۆشە