It seems we can’t find what you’re looking for. Perhaps searching can help.
سەردێر
-
خەڵك- بەشی هەواڵ بەڕێوەبەرایەتی هاتووچۆی سلێمانی وێنەی قورسترین ڕووداوی هاتووچۆ بڵاودەكاتەوە، كە تێیدا ئۆتۆمبێلێكی جۆری (BMW) خۆی كێشاوە بە ستوونێكی كارەبادا و شۆفێرەكەی بریندار بووە. بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، پاشنیوەڕۆی ئەمڕۆ ڕووداوێكی ھاتووچۆ لەسەر ڕێگەی ڕاپەڕین- تاسڵوجە ڕوویدا و شۆفێری ئۆتۆمبێلی جۆری (BMW) بریندارە. ئەمە لەكاتێكدایە، كە بەڕێوەبەرایەتییەكانی هاتووچۆ بەردەوام هۆشداری دەدەن بە شۆفێران خێرایی كەم بكەنەوە و ڕێنماییان دەكەن لە وەرزی سەرما و بەفر و باراندا ئەگەری بەستنی شەقامەكان هەیە و پێویستە شۆفێران پابەندی ڕێنماییەكان بن.
-
خەڵك- بەشی هەواڵ فڕۆكە جەنگییەكانی توركیا گوندەكانی دەورووبەری حاجی ئۆمەران لە پارێزگای هەولێر بۆردومان دەكات و زیانێكی زۆری لە گوندنشینان دەدات و دەیان سەر مەڕوماڵاتی كوشت. بەپێی زانیارییەكانی (خەڵك) نیوەڕۆی ئەمڕۆ فڕۆكە جەنگییەكانی توركیا بۆردومانی گوندی (ئازادی)یان لە نزیك شارەدێی حاجی ئۆمەران كردووە و بەهۆیەوە زیانێكی زۆریان لە گوندنشینان داوە. هەر بەپێی زانیارییەكان، لەو بۆردومانەدا حەسارێكی مەڕ و ماڵات خاپوور كراوە و بەهۆیەوە دەیان سەر ئاژەڵ كوژراون. ئەم بۆردومانەی سوپای توركیا لەكاتێكدایە، كە چەند ڕۆژێك لەمەوبەر خلوسی ئاكار، وەزیری بەرگری توركیا هاتە هەرێم و لەگەڵ سەرۆكی پارتی و سەرۆكی هەرێم و سەرۆكی حكومەتی هەرێم كۆبووەوە و بەپێی ڕاگەیەنراوی حكومەتی هەرێم، "لە كۆبوونەوەكەدا جەخت لە پتەوكردنی پەیوەندییەكانی نێوان هەرێم و توركیا كراوە لەگەڵ جێبەجێكردنی ڕێككەوتننامەی شنگال" و دەركردنی پەكەكە لە ناوچەكە.
-
خەڵك- بەشی هەواڵ بەڕێوەبەری تەندروستی شارۆچكەی چەمچەماڵ نرخی عیادەكەی بەڕێژەی ٥٠٪ كەم كردەوە. دكتۆر فەرهاد محەمەد، پسپۆری نەخۆشییەكانی پێست و بەڕێوەبەری تەندروستی چەمچەماڵ بڕیاریدا لەپێناو بەرژەوەندی هاووڵاتیانی كەم دەرامەتی سنورەكە و خراپی بارودۆخی دارایی هاووڵاتیان نرخی هەموو خزمەتگوزارییەكان لە نۆرینگە تایبەتییەكەی بۆ نیوە كەم بكاتەوە. ئەو پزیشكە بڕیاریداوە لە ڕۆژی شەممە ٢٣ /١ / ٢٠٢١ ەوە نرخی عیادەكەی و نەشتەرگەری و لەیزەر و هەموو ئەو كارانەی لە عیادەكەی دەكرێت ٥٠٪ كەم بكاتەوە و پسوڵەی بینینی نەخۆش بكاتە ٥ هەزار دینار . قائیمقامیەتی شارۆچكەی چەمچەماڵ لە پەیامێكدا دەستخۆشی لە دكتۆر فەرهاد دەكات و داواش لەسەرجەم پزیشك و دەرمانخانە و تاقیگە و ناوەندە تەندروستیەكانی كەرتی تایبەت دەكات، "بەشداری ئەو هەڵمەتەبن و نرخەكانیان كەم بكەنەوە و بارودۆخی دارایی هاووڵاتیانیان لەبەرچاوبێت".
-
خەڵك- بەشی هەواڵ بەپێی پێشبینییە كەشناسییەكان، لە سبەینێوە شەپۆلی سەرما و ڕەشەبا لە ناوچەكانی هەرێم كۆتایی دێت و پلەكانی گەرما ڕوو لە بەرزبوونەوە دەكەن و تا كۆتایی هەفتە بەردەوام دەبن. ئاراس جەبار، شارەزای كەشناسی بۆ (خەڵك) ئاماژەی بەوەكرد، لە ئەنجامی ھاتنی كاریگەری بەرزە پاڵەپەستۆیەك لە ئەوروپاوە لەئەمڕۆوە ھەینی ٢٢/١/٢٠٢١ ڕەوشی كەشوھەوای ھەرێم سەقامگیر ئەبێتەوە و ئاسمانی ناوچەكەش ئەگۆڕێت بۆ ساماڵ. ئاماژەی بەوەشكرد، ئەو با بەهێز و سارد و وشكەی لە ئاڕاستەی باكور و باكوری ڕۆژھەڵاتەوە بەخێرایی ١٥ تا ٢٥ كیلۆمەتر زیاتر لە كاتژمێرێكدا ناوچەكانی هەرێم و بەتایبەت ناوچە شاخاوییە سنورییەكانی گرتۆتەوە تاوەكو بەرەبەیانی سبەینێ شەممە بەردەوامی ئەبێت. دەشڵێت: "پلەكانی گەرما لەسەنتەری پارێزگاكانی ھەرێمدا لەشەوان و بەرەبەیاندا لە ئاستی سفر و ژێر سفری سیلیزیدا دەبن تا ڕۆژی یەك شەممە ٢٤/١، بەڵام دواتر پلەكانی گەرما ڕوو لەبەرزبوونەوە دەكنەوە بە تێكرای ٣-٦ پلەی سیلیزی. جەختیشی كردۆتەوە، تاوەكو كۆتایی ھەفتە و ڕۆژی پێنج شەممە ٢٨/١/٢٠٢١ كاریگەری ئەم ناوچە پەستان بەرزە بەلاوازی لەسەر ناوچەكانمان ئەمێنێتەوە و كەش سەقامگیر ئەبێت.
-
خەڵك- بەشی هەواڵ وەزارەتی تەندروستی عیراق ئاشكرای دەكات، ئەمڕۆ بۆ یەكەمجار لەماوەی 6 مانگی ڕابردوودا كەمترین ژمارەی تووشبون و مردن بە كۆرۆنا تۆماركراوە. وەزارەتی تەندروستی عیراق لە ڕاگەیەنراوێكدا ئاماژەی بەوەكردووە، ئەمڕۆ هەینی لە سەرتاسەری عیراق و هەرێمی كوردستان 685 كەس تووشی ڤایرۆسی كۆرۆنا بووە. ئاماژەی بەوەشكردووە، ئەوە كەمترین ئاستی تووشبوونە بە پەتاكە لەدوای 4ی حوزەیرانی ساڵی ڕابردووەوە، كە شەپۆلی دووەمی كۆرۆنا وڵاتی گرتەوە. ئاشكراشی كردووە، ئەمڕۆ تەنها 7 كەس بە ڤایرۆسی كۆرۆنا گیانیان لەدەستداوە و هاوكات 1567 كەس چاكبوونەتەوە.
-
خەڵك- بەشی هەواڵ سەرۆكی توركیا رەجەب تەیب ئەردۆغان ئەمڕۆ هەینی هەڕەشەی هێرشكردنەسەر هەرێمی كوردستانی كرد. رەجەب تەیب ئەردۆغان لە لێدوانێكدا بۆ رۆژنامەوانان لە دوای نوێژی هەینی لە ئیستەنبوڵ، رایگەیاند لە شەوێك و لە هەر كاتێكدا بێت هێرشدەكەینە سەر شنگال بۆ كۆتایهێنان بە تیرۆرستان. لە دوو رۆژی رابردوودا خولوسی ئاكار وەزیری بەرگری توركیا و یەشار گولەن سەرۆك ئەركانی سوپای توركیا سەردانی هەولێر و بەغدایان كرد لەگەڵ گەورە كاربەدەستانی هەرێمی كوردستان و حكومەتی عێراق كۆبوونەوە. لە راگەیەنراوە فەڕمییەكاندا ئاماژە بە هاوكاری و هەماهەنگی ئەنقەرە لەگەڵ هەرێم و بەغدا كراوە بۆ شەڕی تیرۆر. بەپێی سەرچاوە رۆژنامەوانییەكان، ئەنقەرە چەند پێشنیازێكی داوەتە هەرێم و بەغدا بۆ دەستپێكردنی ئۆپەراسیۆنی هاوبەش بۆ سەر پەكەكە لە شنگال و ناوچەكانی دیكەی هەرێمی كوردستان.
-
خێزان د. دیلمان ئازاد پسپۆری پزیشکی دادوەری باس لە ڕووداوی کوشتنی منداڵێک دەکات کە بێ شایەتحاڵ بووە و لە ڕێگای توێکاریەوە هۆکارەکەی ئاشکرا کراوە: ئەو دکتۆرە ڕووداوەکە بەم جۆرە دەگێڕێتەوە: لەکاتی دەوامی ئێشکگریمدا منداڵێکی بچوکیان بە مردوویی هێنا، هیچ شتێکی پێوە دیار نەبوو کە هۆکاری مردنی ڕوونبکاتەوە و پێشتریش هیچ نەخۆشییەکی نەبووە کە هۆکاری مردنی بۆ بگەڕێنرێتەوە. دایکی زۆر دەگریا وتی "بەجێمهێشت لە ماڵەوە لای کارەکەرەکەمان، هیچ عەیبی نەبوو منداڵەکەم زۆر باش بوو". دایکەکە بەمجۆرە باسی مردنی منداڵەکەی کرد " ئەو ئافرەتەی لە ماڵی ئێمە کاردەکات تێلی کرد وتی کوڕەکەت دەڕشێتەوە، وەرەوە بۆ ماڵەوە، منیش ڕۆشتمەوە و هێندەی نەبرد کوڕەکەم گیانی سپارد". منیش وەکو پزیشک بڕیارمدا دەبێت کاری توێکاری بۆ بکرێت. دایکەکە ڕۆشنبیر بوو، وتی "ڕازیم توێکاری بکرێت، چونکە زۆر پەرۆشم بزانم بۆ مردووە؟". لەکاتی توێکاری بینیمان جگەری منداڵەکە تووشی زیانێکی زۆر بووە بە زەبرێکی دەرەکی! بەپێی ئەزموونی خۆمان شوێنەکە لە شوێنی ئەوە دەچوو کە پێیان بە سکیدا نابێت! هەرچەندە ئەوە لە ڕاپۆرتی ئێمەدا نانوسریت و تەنها وەکو گریمانە باسدەکرێت و ئێمە تەنها ئەو گۆڕانکارییانە دەنووسین کە دەیبینین، پاشان پارچەیەک لە ئەندامەکە دەنێرینە تاقیگەی پزیشکی بۆیارمەتیماندان لە گەیشتنە بڕیاری کۆتایی. دوای لێکۆڵینەوەی لایەنی پەیوەندیدار لە کارەساتەکە و بە پشتبەستن بەو زانیارییانەی لە توێکارییەکەدا هەستیان پێکراوە و تاقیگە سەلماندوونی، ئەو ئافرەتەی لەو ماڵە کاری دەکرد دانی پێدانا وتی "منداڵەکە نوستبوو، منیش پشتاو پشت گەڕامەوە و نەمزانی منداڵەکە لەوێیە و بێ مەبەست پێم لە سکی منداڵەکە نا!". بینیتان تویکاری چۆن تاوان ئاشکرا دەکات؟ کەواتە زۆر گرنگە توێکاری گرنگی پێبدریت و بە هیچ پاساوێکی نازانستی ڕێگریی لێنەکرێت. زۆر کەسم بینیوە دەڵێن گوایە لە ڕووی ئایینییەوە ڕێگە بە توێکاری نەدراوە! بەڵام دڵنیابن کۆمەڵگا و کەلتوور ڕێگریدەکات نەک ئایین. زۆر ناخۆشە بۆ ئێمەی پزیشکانی دادوەری وتوێکاران کە هەڕەشەمان لێدەکەن لەسەر ئەنجامدانی توێکاری! یان بە ماوەی زۆر لە پزیشکیی دادوەری چاوەڕێ دەکەین تاکو خێزانەکان ڕازی بن بۆ کاری تویکاری! ----------------------------- تێبینی: لەپێناو پاراستنی تایبەتمەندیی کەیسەکان، ئاماژە بە شوێن و بەروار و ناو ناکرێت و وردەکاریی ڕووداوەکان باس ناکرێن، چونکە مەبەست گەیاندنی پەیامەکەیە و تەنها بە گشتی باسدەکرێت، ئەوەندەی ئەزموونێکە و بۆ هەموو کۆمەڵگا بەسوود بێت و وانەی لێ وەربگیرێت ------------------------------------------------------- د. دیلمان ئازاد حسن پسپۆری پزیشکی دادوەری
-
خەڵك- بەشی هەواڵ سەرۆكی دیوانی سەرۆكایەتی ئێران ئەمڕۆ هەینی رایگەیاند بە هیچ شێوەیەك ئێران ئامادەنییە گفتووگۆ لەسەر رێككەوتنی ناوەكی بكاتەوە سەرلەنوێ. مەحمود واعزی بۆ ئاژانسی دەنگوباسی ئێرنا رایگەیاند هیوادارن بایدن هەمان سیاسەتەكانی حكومەتی پێشوو دووبارە نەكاتەوە. وتیشی: سیاسەتی دۆناڵد ترەمپ زیانی گەورەی بە ئەمریكا گەیاند و شكۆی ئەمریكای شكاند. رونیشیكردەوە بەلای ئێرانەوە گرنگ نییە چ لە ئەمریكا روو دەدات، بەڵام رێككەوتنی ناوەكی دەوەستێتە سەر ئاستی جێبەجێكردنی پابەندبوونەكانەوە، كە ئەوان راستگۆن بە جێبەجێكردنی پابەندبوونەكان رەوشەكە دەگۆڕێت. راشیگەیاند جارێكی دیكە گفتووگۆ لەسەر رێككەوتنی ناوەكی ناكرێتەوە، گەڕانەوەش بۆ رێككەوتنی ناوەكی دەگەڕێتەوە بۆ ئەوانەی دەیانەوێت بگەڕێنەوە بۆی یان نا، ئەوەی گرنگە هەڵوەشاندنەوەی رێكارەكانی قەدەغەیە دژی گەلی ئێرانی.
-
خەڵك- بەشی هەواڵ ئەمڕۆ هەینی جینین بلاسخارت نوێنەری سكرتێری گشتی نەتەوە یەكگرتووەكان لە عێراق راگەیەنراوێكی لەبارەی هێرشە تیرۆرستییەكانی بەغدا بڵاوكردەوە. بلاسخارت وتی: هەست بە شۆك و توڕەیی زۆر دەكەم لەبەرامبەر ئەو هێرشە خۆكوژییە دڕندانەیەدا لە گۆڕەپانی تەیەران بەدوای یەك روویاندا كە كارێك بووە بۆ كوشتن و برینداركردنی خەڵكی سڤیل بەشێوەیەكی هەڕەمەكی. وتیشی: بە ناوی ئەندامانی نەتەوە یەكگرتووەكانەوە پرسەنامەی خۆمان ئاراستەی ئەو كەسانە دەكەین كە خۆشەویستانیان لەم هێرشەدا نەماوە، هیوای زووچاكبونەوەش بۆ بریندارەكان بە خێرایی خوازیارین. رونیشیكردەوە گەلی عێراق ئەزموونی كردووە لەگەڵ ئەوانەی چەند جارێك ویستویانە بۆ نانەوەی ئاژاوە و سەركوتكردن لە عێراق و قوربانی زۆریان داوە بە دەست تیرۆرەوە. داوای لێپرسینەوەشی كردووە لە بەرپرسیارانی ئەم هێرشانە، بەرگری و خۆڕاگری عێراقییەكان گرنگە و رێڕەوی عێراق بەرەو سەقامگیری لاواز ناكات و نەتەوە یەكگرتووەكانیش لە هەوڵەكانی پشتیوانی بۆ ئاشتی و سەقامگیری بەردەوام دەبێت.
-
خەڵك- بەشی هەواڵ مستەفا كازمی سەرۆك وەزیرانی عێراق رایگەیاند زنجیرەیەك گۆڕانكاری لە ژێرخانی ئەمنی و سەربازی دەكرێت و پلانێكی ئەمنی تەواو و كارا دادەنرێت بۆ روبەڕوبوونەوەی ئاستەنگەكانی داهاتوو. مستەفا كازمی كە فەرماندەی گستی هێزە چەكدارەكانیشە ئەمڕۆ هەینی لە كۆبونەوەی تایبەتی ئەنجومەنی وەزاری بۆ ئاسایشی نیشتمانی وتی: ئاسایش تەنها قسەكردن نییە لە میدیا، بەڵكو بەرپرسیارێتییە، ژیانی خەڵك و منداڵەكانمان دەبێت بەرپرسیارێتییان هەڵبگیرێت، هەر كەسێكیش پێی ناكرێت پێویستە پۆستەكەی جێبهێڵێت. راشیگەیاند رێگانادەن جارێكی دیكە هێرشەكانی دوێنێ دووبارە ببنەوە، بەڵێنی ئەمنییان بە گەل داوە، ئەو هێرشانە بەڵگەی بوونی كێشەن، پێویستە بە خێرایی چارەسەر بكرێن. ئاماژەی بەوەشكرد دەزگا ئەمنییەكان هەوڵی گەورەیان داوە لە مانگەكانی رابردوودا لەوێ ئۆپەراسیۆنی گەورەیان دژی پاشماوەكانی داعش كردووە و لە زۆرینەدا سەركەوتوو بوون. وتیشی: هەوڵی رۆژانەی داعش هەیە بۆ گەیشتن بە بەغدا رێیان لێگیراوە، بە داخەوە توانیان دوێنێ بگەن و خوێنی بێتاوانەكان بڕێژن، رێگا نادرێت دووبارەی بكەنەوە. كازمی دەڵێت: ئاستەنگ لە دەزگای هەواڵگری هەیە پێویستە بەپەلە چارەسەر بكرێن، خۆم سەرپەرشتی دەكەم، رەوشێكی تازە دادەنێین و رێوشوێن دەگرینەبەر، عێراق یەك دەوڵەتە، پێویستە دەزگا ئەمنی و سەربازییەكان بە یەك رۆح مامەڵە بكەن، دەبێت هەوڵە هەواڵگرییەكان یەكبخرێن.