گەشتوگوزار Archives - تۆڕی میدیایی خەڵک

سەردێر

خەڵك دانیشتووانی گەڕەكی پێشەوا لە شارەدێی بازیان نامەیەكی كراوە ئاڕاستەی پارێزگاری سلێمانی و بەڕێوەبەری شارەدێیەكەیان و بەڕێوەبەری شارەوانی دەكەن. دەستەی نوێنەرانی دانیشتووانی گەڕەكی پێشەوا لە نامە كراوەكەدا ئاماژە بەوە دەكەن، لە پارەی پەرەپێدانی پڕۆژەكان بۆ ساڵی 2021 كە حكومەتی هەرێم دیاریكردووە، پڕۆژەی قیركردنی گەڕەكەكەیان بۆ تەواو بكرێت كە ماوەی 30 ساڵە ئاوەدانە و تا ئێستا شەقامەكانی قیر نەكراوە. دەقی نامەكە: نامەیەكی كراوە بۆ پارێزگاری سلێمانی بەڕێوبەری ناحیەی بازیان بەڕێوبەری شارەوانی بازیان سڵاو.. هەروەك ئاگادارن سەرۆكایەتیی ئەنجومەنی وەزیران لە دانیشتنی رۆژی ٢٣ ی شوباتی ٢٠٢١ ، لەگەڵ پاڕێزگاری پارێزگاكان وبەرپرسی ئیدارە سەربەخۆكاندا، بری پارەی پەرەپێدانی پرۆژەكانی بۆ سالی ٢٠٢١ دیاری كرد. لەم نێوەندەدا، بڕیاردرواە، بڕی ( ١٤١ ملیار و ٣٥٠ ملیۆن) دینار بۆ پرۆژە خزمەتگوزارییەكانی پارێزگای سلێمانی تەرخان بكرێت. هاوكات دەسەڵاتی خەرجكردنی ئەم بڕە پارەیە، دراوە بە پارێزگاكان بۆ پرۆژە خزمەتگوزارییەكان. بەرپرسان ئیداری، لە قایمقامیەتی سلێمانی، ئاماژە بەوە دەكەن كە ئەولەویەتی تەرخانكردنی ئەم بڕی پارەیە بۆ پرۆژە تەواو نەكراوەكانی ساڵانی رابوردوو (٢٠١١، ٢٠١٢ ، ٢٠١٣) دەبێت. هەروەها پێویستە بەشێكی بەرچاوی ئەم پارەیە بۆ ڕێگا و بانەكان، تەرخان بكرێت. گەڕەكی (پێشەوا) لەناحیەی بازیان، كە دەكەوێتە ناوەراستی ناحیەكە و بەشێكی بەرچاو لە كۆڵانەكانی دەكەونە سەر بازاڕی سەرەكی، كە چەندین دوكانی فرۆشتنی خواردن و خواردنەوە و هەروەها دەرمانخانە و سەرتاشخانە و فرۆشتنی كەل وپەلی رۆژانەی جیاواز لەخۆدەگرێت، ئەم گەڕەكە لە دامەزراندنی ناحیەی بازیانەوە تاوەكو بەشێكی زۆر لە جادە وكۆڵانەكانی قیرتاونەكراون، ئێمە دەستەیەك لە نوێنەرانی ئەم گەرەكە وهەروەها بەشێك لەگەڕەكی برایەتی لە ناوەراستی ساڵی ٢٠١٨ دەدا، هەڵمەتێكی واژۆكۆكردنەوەمان دەستپێكرد بۆ داواكاری قیرتاوكردنی شەقام و كۆڵانەكان، سەرئەنجام بەرپرسانی ئیداری و پارێزگا، داواكاری ئێمەیان بۆ ئەنجومەنی وەزیران رەوانە كرد (نوسراوی رەسمی پارێزگاری سلێمانی ژمارە ٦٣١٠، بەررواری ٥-٧- ٢٠١٨)، بەڵام بەبیانۆی نەبوونی بودجەی تەرخانكراوی پێویست بۆ پاڕێزگاكان، تائێستا ئەم داواكارییەی ئێمە جێبەجێنەكراوە، هەربۆیە داواكارین لە ئێوە، كە لەئێستادا ئاگاداری ئەم بڕیارەن. كێشە و ناخۆشییەكانی دانیشتوانی هەردوو ئەم گەرەكە لەبەرچاوبگرن، كەنزیكەی ٣٠ ساڵە، كۆڵانەكانی قیرتاونەكراوە، منداڵان و بەساڵاچوان لەوەرزی زستاندا، بەنێو قوڕ و ناخۆشی رێگاكان بەسەختی هاتوچۆدەكەن و لەوەرزی هاویندا، تەپ وتۆزی رێگا خۆڵاوییەكان، دەچێتە نێو ماڵەكانیان. هاوكات بەرپرسیاریەتی راستەقینەی خۆتان لەبەرانبەر ئەم داواكارییە بخەنەڕوو. دەستەیەك لەنوێنەرانی گەڕەكی پێشەوا- ناحیەی بازیان 1-3-2021
خەڵك بەڕێوەبەرایەتی بەنداوی تشرین لە ڕۆژئاوای كوردستان ڕایگەیاند، توركیا بەردانەوەی ئاوی فوراتی بۆ كەمتر لە نیوە دابەزاندووە و بەهۆیەوە ئاستی ئاوی بەنداوەكە چوار مەتر داكشاوە و بەوەش مەترسی لەسەر ژیانی چەند ملیۆن كەس لە دانیشتووانی باكور و خۆرهەڵاتی سوریا دروست بووە. ئاژانسی هاوار نیوز لە زاری بەڕێوەبەرانی بەنداوی تشرین بڵاویكردو,ەتەوە، كە ڕۆژانە بڕی ئاوی ڕووباری فورات 10 سانتیمەتر دادەبەزێت و تائێستا چوار مەتر ئاوی بەنداوی تشرین دابەزیوە و ڕێژەی ئاوی ڕووباری فورات، لە 500 مەتری سێجا لە خولەكێكدا دابەزیوە بۆ 200 مەترسێجا لە خولەكێكدا. ئاژانسەكە ئاماژەی بەوەكردووە، گرتنەوە و كەمكردنەوەی بەردانەوەی ئاوی فورات لەلایەن توركیاوە شەڕی ئاوە دژ بە گەلانی باكووری سوریا و ڕونیكردووەتەوە، كە شارەكانی كۆبانێ، ڕەقە، دێرەزوور، تەبقا، سڕین، كەرامە و حەسەكە ئاوی خواردنەوەیان لە ڕووباری فوراتەوە دابین دەكرێت و گرتنەوەی ئاوی ئەم ڕووبارە لەلایەن توركیاوە ژیانی نزیك بە پێنج ملیۆن كەس لە باكوور و خۆرهەڵاتی سوریای ڕووبەڕووی كارەساتێكی مرۆیی كردووەتەوە و هاوكات بووەتە مەترسییەكی گەورەش لەسەر كشتوكاڵ و ژینگەی ناوچەكە.
خەڵك وتەبێژی هاوپەیمانی نێودەوڵەتی دژ بە داعش ڕایدەگەیەنێت: پشتیوانی هەوڵەكانی حكومەتی عیراق دەكات بۆ لێكۆڵینەوە و دادپەروەری و ڕەچاوكردنی بەرژەوەندی گشتی. واین مارۆتۆ وتەبێژی هاوپەیمانی نێودەوڵەتی دژ بە داعش لە تویتێكدا لە هەژماری تایبەتی خۆی لە تۆڕی كۆمەڵایەتی تویتەر رایگەیاند: پەسەندكردنی یاسای ژنانی ڕزگاربووی ئێزدی لەلایەن ئەنجومەنی نوێنەرانی عیراقەوە، هەنگاوێكی گرنگە بۆ قەرەبووكردنەوەی ئێزدییەكان و هەموو ئەو پێكهاتانەی زیانیان پێگەیشتووە. واین مارۆتۆ ئەوەشی خستووەتەڕوو، هاوپەیمانی نێودەوڵەتی پشتیوانی هەوڵەكانی حكومەتی عیراق دەكات بۆ لێكۆڵینەوە و دادپەروەری و ڕەچاوكردنی بەرژەوەندی گشتی سەرجەم گەلانی عیراق.
خەڵك بەڕێوەبەرایەتی پۆلیسی پارێزگای نەینەوا دەستگیركردنی 4 تیرۆریستی داعشی ڕاگەیاند. بەڕێوەبەرایەتی پۆلیسی پارێزگای نەینەوا لە ڕاگەیەنراوێكدا ڕایگەیاند، هێزەكانیان بە پشت بەستن بەو زانیارییانەی لە هەواڵگری سەربازی سوپای عیراقەوە بە دەستیان گەیشتووە ، توانیویانە 4 تیرۆریستی داعش لە ناوچەكانی باشووری موسڵ دەستگیر بكەن. بەڕێوەبەرایەتی پۆلیسی پارێزگای نەینەوا ئەوەشی خستەڕوو، ئەو تیرۆریستانە پێشتر لە یەكەی دروستكردنی تەقەمەنی سەر بە گرووپی تیرۆریستی داعش كاریان كردووە و دوای ئازادكردنی شاری موسڵیش، وەك شانەی نوستوو لە ناو شارەكە كاریان بۆ پاشماوەكانی ئەو گرووپە تیرۆریستییە كردووە. بەڕێوەبەرایەتی پۆلیسی پارێزگای نەینەوا ئاشكراشی كردووە: بەپێی ماددەكانی یاسای ڕووبەڕووبوونەوەی تیرۆر، ئەو تیرۆریستانە ڕەوانەی لایەنی پەیوەندیدار كراون بۆ ئەنجامدانی لێكۆڵینەوە لەگەڵیاندا.
خەڵك وەزارەتی نەوتی عیراق بڕی نەوتی هەناردەكراو و داهاتەكەی لە مانگی ڕابردوو ئاشكراكرد. وەزارەتی نەوتی عیراقلە ڕاگەیەنراوێكدا ئاشكرایكرد، لە مانگی شوباتی ڕابردوو بڕی 82 ملیۆن و 877 هەزار و 758 بەرمیل نەوت هەناردەی بازاڕەكانی جیهان كراون. لە ڕاگەیەنراوەكەدا ئاماژە بەوەشدراوە، كۆی داهاتی نەوتی فرۆشراو گەیشتووەتە 5 ملیار و 26 هەزار و 807 دۆلار و ئەمەش بە بەراورد بە مانگی پێشووتر ڕووی لە بەرزبوونەوە كردووە. وەزارەتی نەوتی عیراق ئوەشی خستووەتەڕوو، بەرزبوونەوەی نرخی نەوت لە بازاڕی جیهانیدا وایكردووە هەر بەرمیلێك نەوت بە بڕی 60 دۆلار و33 سەنت بفرۆشرێت. لای خۆشیەوە، ئیحسان عەبدولجەبار وەزیری نەوتی عیراق ئاشكرایكردووە، لەساڵی 2024ەوە سووتاندنی گاز لەگەڵ دەرهێنانی نەوت لە عیراق ڕادەگیرێت و ئەو گازە دەدرێتە وێستگەكانی بەرهەمهێنانی وزەی كارەبا.
خەڵك سەرۆكی حكومەتی هەرێمی كوردستان ڕایدەگەیەنێت: خۆشحاڵم بە گەیشتنی یەكەم كاروانی ڤاكسینی دژ بە ڤایرۆسی كۆرۆنا بۆ هەرێمی كوردستان، كە لە لایەن وڵاتی چینەوە بەخشراوە. مەسرور بارزانی سەرۆكی حكومەتی هەرێم لە پەیامێكدا بەبۆنەی گەیشتنی یەكەم كاروانی ڤاكسینی كۆرۆنا بۆ هەرێم لە وڵاتی چینەوە، دەڵێت:"حكومەتی هەرێمی كوردستان، بە هەماهەنگی لەگەڵ حكومەتی فیدڕاڵ، كار دەكات بۆ بەدەستهێنانی ڤاكسین و دڵنیابوون لە دابینكردنی بەشی هەرێم لەو بڕە ڤاكسینەی بە حكومەتی فیدراڵ دەدرێت". دەقی پەیامی سەرۆكی حكومەتی هەرێم: خۆشحاڵم بە گەیشتنی یەكەم كاروانی ڤاكسینی دژ بە ڤایرۆسی كۆڕۆنا (COVID-19 ) بۆ هەرێمی كوردستان، كە لە لایەن وڵاتی چینەوە بەخشراوە. سوپاسی كۆماری چین دەكەین بۆ ئەم هاوكارییە مرۆییە، كە هەنگاوێكی گرنگە بۆ هەوڵەكانی بەرەنگاربوونەوەمان دژ بە ڤایرۆسەكە و پاراستننی پزیشكان و كارمەندانی هێڵی پێشەوە. پاش پەسەندكردنی پلانی دابەشكردن، ڤاكسینەكان بۆ سەنتەرەكانی دیاریكراو لە هەموو پارێزگاكان، دابین دەكرێت تاكو بدرێ بەو گروپانەی لە هێڵی پێشەوەن و مەترسییان لەسەرە. حكومەتی هەرێمی كوردستان، بە هەماهەنگی لەگەڵ حكومەتی فیدڕاڵ، كار دەكات بۆ بەدەستهێنانی ڤاكسین و دڵنیابون لە دابینكردنی بەشی هەرێم لەو بڕە ڤاكسینەی بە حكومەتی فیدراڵ دەدرێت، ئێمە لەگەڵ كۆمپانیا پێشەنگەكانی بەرهەمهێنانی ڤاكسین، ڕاستەوخۆ لە پەیوەندیداین بۆ بەدەستهێنانی ڤاكسینی زیاتر بۆ هەرێمی كوردستان. من بەجیددی كار لە سەر ئەم بابەتە دەكەم و بەدواداچون دەكەم بۆ دڵنیابون لەوەی، هەر كوردستانییەك بە زوترین كات ڤاكسینی پێ بگات. بێگومان ئەمە كارێكی ئاسان نابێت، بەڵام دەبێت ڤاكسین بۆ زیاتر لە 6 ملیۆن هاوڵاتی هەرێم دابین بكەین، حكومەتی هەرێمی كوردستان ، ئێستا كار لە سەر ئەنجامدانی بەرنامەیەكی كوتانی گشتگیر بۆ دانیشتوانی هەرێم دەكات، كە تیمی تەندروستی و كارمەندانی هێڵی پێشەوەی بەرەنگاربونەوەی كۆرۆنا و كارمەندانی دەزگا ئەمنییەكان و كەسانی بەتەمەن و ئەوانەی مەترسیی توشبونیان هەیە دەگرێتەوە. پاشان كوتانی زۆرترین ڕێژەی هاوڵاتیان بەپێی تەمەن و ڕێنماییە دیاریكراوەكان دەست پێ دەكات . هیوادارین دوای ئەم قۆناغە، بتوانین بگەڕێینەوە سەر ژیان و گوزەرانی خۆمان و دۆخی ئابوریش گەشە بكاتەوە. من دڵنیام دەتوانین باردۆخەكە ئاسایی بكەینەوە، بەڵام بێگومان حكومەتی هەرێمی كوردستان ناتوانێت بە تەنیا ئەمە بكات، بۆیە دەبێت هاوڵاتییان بەگشتی، هاوكار و یارمەتیدەر بن و ڕۆڵی خۆیان لە پێناو بەرژەوەندی گشتیدا بگێڕن . ئەمەش لە ڕێگەی پابەندبوون بە ڕێنماییەكانی تەندروستی و ڕێكارەكانی خۆپارێزی كە لە پێناو پاراستنی كۆمەڵگەیە بە گشتی.
خەڵك- بەپێی نوێترین ئاماری تایبەت بە پەتای كۆرۆنا، ژمارەی تووشبوان لە جیهاندا بۆ 114 ملیۆن و 994 هەزار و 666 تووشبوو بەرزبۆوە. هەروەها ژمارەی ئەوانەی بەهۆی پەتاكەوە گیانیانلەدەستدا، بۆ دوو ملیۆن و 550 هەزار و 287 كەس بەرزبۆوە، ژمارەی ئەوانەش كە نەخۆشییەكەیان پەڕاندووە و چاكبوونەتەوە، گەیشتە 90 ملیۆن و 711 هەزار و 173 كەس. لەو دەمەی بۆ یەكەمجار لە مانگی كانوونی یەكەمی 2019وە پەتاكە لە چینەوە دەركەوت، تووشبوون بە ڤایرۆسی كۆرۆنا لە زیاتر لە 210 وڵات و ناوچەی جیاجیای جیهاندا بڵاوبۆتەوە. بۆ یەكەمجار ڤایرۆسی كۆرۆنا لە مانگی كانوونی یەكەمی 2019 لە شاری وۆهانی هەرێمی هۆبی چینەوە سەریهەڵدا و دواتر بە جیهاندا بڵاوبۆوە، لە مانگی ئاداری 2020، ڕێكخراوی تەندروستی جیهانی، نەخۆشییەكەی وەك پەتایەكی جیهانی پۆلێن كرد.
خەڵك- وەزارەتی پەروەردەی حكومەتی هەرێمی كوردستان ساڵنامەی خوێندن و تاقیكردنەوەكانی پۆلەكانی بنەڕەتی و 9 و 12ی بڵاوكردەوە و بەپێی ساڵنامەكە، چەند ڕۆژێكی كەم پشوو بۆ خوێندكاران دیاری كراوە و ڕاستەوخۆ وەرزەكانی خوێندن بەدوای یەكدا دێن و ئەوەش كاردانەوە و ناڕەزایی مامۆستایانی لە تۆڕە كۆمەڵایەتییەكان لێ‌ كەوتۆتەوە و بریكاری وەزارەتی پەروەردەش دەڵێت: "پێشتر مامۆستایان ڕازی نەبوون و لەبەر داخوازی ئەوان دیسان ساڵنامەكەمان گۆڕیوە". دوو وەرزی خوێندن بەدوای یەكدا بەڕێوەبەرایەتی گشتی ئەزموونەكانی وەزارەتی پەروەردەی هەرێم لە گشتاندنێكدا ساڵنامەی تاقیكردنەوەكانی ساڵی خوێندنی (2020 – 2021)ی تایبەت بە خوێندنگە حكومی و ناحكومییەكانی بڵاوكردۆتەوە بۆ پۆلەكانی (1 و 2)ی بنەڕەتی و (3 بۆ 11)ی بنەڕەتی و 9ی بنەڕەتی و 12ی ئامادەیی. وەك لە ساڵنامەكەدا دەردەكەوێت ڕاستەوخۆ دەوای پڕۆسەی خوێندنی وەرزی یەكەم تاقیكردنەوەكان دەستپێدەكەن و دواتر چەند ڕۆژێكی كەم پشوو دەبێت و ڕاستەوخۆ وەرزی دووەم دەستپێدەكات و دواتر تاقیكردنەوەكانی وەرزی دووەم و تاقیكردنەوە نیشتمانی و وزارییەكان. مامۆستایان ناڕەزایی دەردەبڕن مامۆستا تاڤگە لە نووسینێكدا لە هەژماری خۆی لە فەیسبووك وەك ناڕەزاییەك دەربارەی ئەو بڕیارانە ئاماژەی بەوەكردووە، "فەردەیەک لۆکە تا بیشێلیت زیاتر دەگرێ وادەزانن مێشکی خویندکار فەردە لۆکەیە ھیچ پشوو تێدانەبێ بە تایبەتی خوێندکارانی پۆلی ١٢ تاقیکردنەوە و وانە بەدوای یەكدا". دەشڵێت: "تاقیکردنەوە بێ پشووی مێشک لەڕووی زانستیەوە بڕیارێکی نا تەندروستە و مەرج نیە مەنھەجی زۆر خوێندکاری باش ڵێ دەرچێ، ڕادەی وەرگرتنی مێشک مەحدودە بۆ ھەموو ئاستەکان". هەروەها، مامۆستا ڕاستگۆ لە هەژماری خۆی لە فەیسبووك نووسیویەتی، "بەبۆچونی بەندە، ساڵێکی خوێندن بفەوتێ باشترە لە هەڵپڕوکاندن! خراپترین بڕیارە، بەمەش داهاتووی پەروەردە و زانستمان زیاتر دادەڕوخێت". هاوكات، مامۆستا شنۆ ئاماژەی بەوەكردووە، "وەڵا من تا ئێستا دوو بابەتم نەخوێندووە و هەر بەو شێوەیەش ئەڕۆم پەلە ناکەم". لای خۆشیەوە، مامۆستا سیروان نووسیویەتی: "وەڵاهی چۆن دەرسم خوێندووە هەربەو شێوازەی خۆم بەردەوامەبم و زۆربەلامەوە ئاساییە 10 پرسیار 60 دەرەجەی لەسەردانێم، من باش تێنەگەشتم ئێوە جوانترسەرنج بدەن بزانن مەبەسەتی وەزارەت چیە؟". وەزارەتی پەروەردە: لەسەر داوای مامۆستایان گۆڕانكاریمان كردووە د. سەیوان عەلی، بریكاری وەزارەتی پەروەردەی هەرێم و بەڕێوەبەری گشتی ئەزموونەكان بە وەكالەت بۆ (خەڵك) ڕایگەیاند، ئەو بڕیارانەی دراون دوای ئەوەبوو، كە لە ماوەی ڕابردوودا چەند بڕیارێك بڵاوكرانەوە و مامۆستایان گلەییان هەبوو لێی، بۆیە لەبەر خاتری ئەوان ئێمە گۆڕانكاریمان تێدا كرد و بڕیاری نوێمان دەركرد. ئاماژەی بەوەشكرد، هەرچەندە شێوازی ناڕەزاییەكان و داواكارییەكان تا ئێستا بە ئێمە نەگەیشتوون، كە مامۆستایان مافی خۆیانە داواكاری و گلەییان هەبێت، بەڵام بە هەر شێوازێك بڕیارەكان دەربكەین بەشێكی خەڵك هەیە ناڕازی بێت. وتیشی، "ئەو كاتەی لەبەردەست ماوە تاوەكو مامۆستایان و خوێندكاران بێزار نەبن كردومانە بە یەك وەرز تاوەكو مانگی 6، كە ساڵانی ڕابردووش لەم كاتەدا هەر یەك وەرز بووە و پشووەكانیشمان لابردوو تاوەكو مامۆستایان و خوێندكاران لەسەرخۆ وانەكان بخوێنن و فریا بكەون". جەختیشی كردەوە، وەرزی دووەم لە مانگی 9 دەستپێدەكات و بەجۆرێك دانراوە تاوەكو (یونسكۆ) پێی ڕازی بێت تا وەرزی دووەم تەواو ببێت و پڕۆگرامەكان بخوێنرێن و هیچ دەرەچەیەكی تریش نییە، چونكە دۆخەكە نائاساییە بەهۆی ڤایرۆسی كۆرۆنا و قەیرانی داراییەوە.
خەڵك- بەڕێوەبەرایەتی پەروەردەی ڕۆژئاوای سلێمانی ئاشكرای دەكات، سبەینێ‌ مووچەی مامۆستایانی وانەبێژ دابەش دەكرێت و هاوكات كاتی دابەشكردنەكەشی دیاری كردووە. بەڕێوەبەرایەتی پەروەردەی ڕۆژئاوای سلێمانی لە ڕاگەیەنراوێكدا ئاماژەی بەوەكردووە، ھەموو مامۆستایانی وانەبێژی سنووری پەروەردەكەمان ئاگادار دەكەینەوە، کە سبەی چوار شەممە ڕێکەوتی ٢٠٢١/٣/٣ سەردانی دیوانی پەروەدە بکەن بە مەبەستی وەرگرتنی کرێی وانەبێژی مانگی ١٠ ی ٢٠٢٠. ڕاشیگەیاندووە، مامۆستایانی باخچە و ئامادەییەکان کاتژمێر ٩ بۆ ١١ سەردانمان بکەن و مامۆستایانی قوتابخانە بنەڕەتییەکان کاتژمێر ١١ بۆ ١ سەردانمان بکەن. جەختیشی كردۆتەوە، مامۆستایان لەكاتی سەردانیان بۆ بەڕێوەبەرایەتی پابەندبن بە کات و خۆپارێزییەوە.
خەڵك- سەرۆكی حكومەتی هەرێمی كوردستان ڕایدەگەیەنێت، ئەو هێرشەی كرایە سەر هەولێر "تیرۆریستی" بوو، ئامانج لێی تێكدانی ئاسایشی هەرێم بوو، ئاماژەی بە لەناونەچوونی ڕێكخراوی داعش كرد كە "هێشتا هەڕەشەكانی لەسەر كوردستان و عیراق و تەواوی جیهان ماوە". مەسرور بارزانی، سەرۆكی حكومەتی هەرێمی كوردستان لە دیمانەیەكی لەگەڵ (فرانس 24) ڕایگەیاند:"هەرێمی كوردستان هیچ لایەنێك تۆمەتبار ناكات بەو هێرشەی كرایە سەر هەولێر لە كۆتایا مانگی ڕابردوو، ئەنجامی لێكۆڵینەوەكانش بەمنزیكانە ڕادەگەیەنرێت و تاوانباران دەدرێنە دادگا". لەلایەكی ترەوە، بارزانی وتی:"داعش وێڕای تێكشكاندنی، تائێستاش هەڕەشەیە بۆسەر كوردستان و عیراق و تەواوی جیهان، ڕێكخراوە توانی كەسانی نوێ‌ بخاتە نێو ڕیزەكانی و لە هێرشەكانیدا هێزە ئەمنییەكان و مەدەنییەكان لە چەند ناوچەیەكی عیراقدا بكاتە ئامانج". لەبارەی ململانێی نێوان توركیا و پارتی كرێكارانی كوردستانیش، مەسرور بارزانی ڕایگەیاند:"ئەنقەرە بۆ چەند ساڵێكە كێشەكانی لەگەڵ پارتی كرێكاران هەناردەی عیراق كردووە، بەردەوامبوونی شەڕ لەنێوان هەردوولادا نابێتە مایەی چارەسەر".

یەكەم سەیرانی دوای كۆرۆنا كارەساتی هاتووچۆی نایەوە

یەكەم سەیرانی دوای كۆرۆنا كارەساتی هاتووچۆی نایەوە

ئەحمەد سیوەیلی

شوبات 13, 2021

خەڵك- دوای ساڵێك لە سەرهەڵدانی ڤایرۆسی كۆرۆنا و تێپەڕینی…

كۆنفڕانسی گەشتیاری بەڕێوەدەچێت

کوردستان

كۆنفڕانسی گەشتیاری بەڕێوەدەچێت

كانونی دووه‌م 25, 2021

سەبارەت بە كەرتی گەشتیاری و دانانی یاسایەكی تایبەت…

ئەمەل جەلال: نابێت توندوتیژی بەرامبەر گەشتیاران بكرێـت

چاوپێکەوتن

ئەمەل جەلال: نابێت توندوتیژی بەرامبەر گەشتیاران بكرێـت

هەرێم بەهادین

كانونی دووه‌م 18, 2021

خەڵك – ئارام سەردار سەرۆكی دەستەی گەشت و گوزاری هەرێم…

لە ڕۆژێكدا نزیكەی 11 هەزار گەشتیاری عەرەب هاتونەتە هەولێر

لە ڕۆژێكدا نزیكەی 11 هەزار گەشتیاری عەرەب هاتونەتە هەولێر

ئەحمەد سیوەیلی

كانونی دووه‌م 6, 2021

خەڵك- بەشی هەواڵ پارێزگای هەولێر ئاشكرای دەكات، كە لە 24…