ڤیزە کارتی ڤاکسین بۆ هاووڵاتیان دروست دەكرێت
سلێمانی – نزار جەزا سەنتەری ڤیزە کارتی ڤاکسین لەسەرەتای…
زیاترتاگ: ڤیزەی ڤاكسین
تەندروستی هەرێم: ڤیزەی ڤاكسین ئامادەیە
خەڵك وەزارەتی تەندروستی هەرێم دڵنیایی دەدات لە بەردەوامیی…
زیاترسەردێر
-
راچڵەکین- کەمێک لەمەوبەر لەگەڕەکی کازیوەی شاری سلێمانی بە نارنجۆک هێرش کرایە سەرماڵێک و بەگوێرەی زانیارییەکان دوو ژن بریندار بوون. بەپێی زانیارییەکان ئەو خانووە کە دەکەوێتە گەڕەکی کازیوەی شاری سلێمانی بەرامبەر کەناڵی ئاسمانی پەیام. هەر بە گوێرەی زانیارییەکان ماڵەکە بە دوو نارنجۆک کراوەتە ئامانج و دوو ئافرەت بریندار بوون هێزە ئەمنیەکان گەیشتونەتە شوێنی ڕووداوەکە.
-
خەڵك- لیۆنید سلۆتسكی سەرۆكی لیژنەی كاروباری دەرەوە لە ئەنجومەنی نوێنەرانی ڕوسیا (دۆما)، هۆشداریی دەدات لە خراپی ئاكامی چوونەناوەوەی هەریەك لە سوید و فنلەندا بۆ نێو هاوپەیمانی باكووری ئەتڵەسی (ناتۆ). سلۆتسكی لە نامەیەكی هەڕەشەئامێزدا هۆشداریدا لە "وازهێنان لە بێلایەنی وهەوڵدان بۆ بوون بە ئەندام لە هاوپەیمانی باكووری ئەتڵەسی كە لەلایەن سوید و فنلەنداوە بەپێی خواستی خۆیان گیراوەتەبەر، بەڵام دەبێت ئەو دوو وڵاتە ئاكامی خراپی ئەو بڕیارەیان پشتگوێ نەخەن كە كاریگەریی لەسەر پەیوەندییەكانیان لەگەڵ ڕوسیا و ئاسایشی ئەوروپایی دەبێت". بە وتەی سلۆتسكی"ئاسایشی ئەوروپا لەو دەمەی ناتۆ پەل بەرەو خۆرهەڵات دەهاوێت بەئاراستەی ڕوسیا، لە داڕمانی بەردەوامدایە". لەبارەی ڕازایبوونی توركیاش بۆ پشتیوانی لە سوید و فنلەندا بۆ چوونە نێو ناتۆ، سلۆتسكی ڕایگەیاند"سەبارەت بەو دڵنیابوونەی درایە توركیا بۆ ڕێگرینەكردنی لە هاتنەناوەوەی سوید و فنلەندا بۆ نێو ناتۆ، میخائیل گۆرباچۆڤ سەرۆكی سۆڤیەتیش لەكاتی خۆیدا دڵنیایی پێدرا كە هاوپەیمانی باكووری ئەتڵەسی فراوان نەبێت، بەڵام لە بەڵێنەكان پاشگەزبوونەوە".
-
خەڵك- سەرچاوەیەكی سیاسی ئاگادار، باس لە وردەكاریی كۆبوونەوەكانی ئێستای نێوان سەركردەكانی چوارچێوەی هەماهەنگی دەكات و دەڵێت، سێ ناو پێشنیازكراون بۆ سەرۆكایەتی حكومەت كە لەماوەی سێ ڕۆژی داهاتوو ئاشكرا دەكرێن. ئەمڕۆ چوار شەممە، سەرچاوەیەكی سیاسی ئاگادار بە میدیا عیراقییەكانی ڕاگەیاندووە"تائێستا چوارچێوەی هەماهەنگی شیعە بەشێوەیەكی فەرمی و ڕاستەقینە پرسی كاندیدكردنی كەسێتییەكانی بۆسەرۆكایەتی وەزیران بۆ قۆناغی داهاتوو باس نەكردووە، ئەو دەنگۆیانەی بڵاوبوونەوەتەوە لەم بارەیەوە، دوورن لە ڕاستییەوە". بە وتەی سەرچاوەكە كە نەیویستووە ناوی خۆی ئاشكرا بكات"ئەو ناوانەی بۆ سەرۆكایەتی وەزیران و بۆ ماوەی داهاتوو پێشنیازكراون لە گفتووگۆی نێوان هەندێك لە سەركردەكانی چوارچێوەی هەماهەنگی كە بەشێوەیەكی نافەرمی بووە، هەریەك لە (ئەسعەد عێدانی پارێزگاری بەسرە و قاسم ئەعرەجی ڕاوێكاری ئاسایشی نەتەوەیی،و محەمەد شیاع سودانی وەزیری كارو كاروباری كۆمەڵایەتی پێشوون)، هەر ناوێكی تر لە دەرەوەی ئەم ناوانە باسبكرێن، دوورە لە ڕاستییەوە". سەرچاوەكە دەڵێت"بەپێی ئەو پێوەرانەی لەلایەن سەركردەكانی چوارچێوەی هەماهەنگییەوە دادەنرێن، لە كۆبوونەوەكانی داهاتوودا هەڵبژاردنی سەرۆكی حكومەت یەكلایی دەكرێتەوە".
-
خەڵك- مەزهەر محەمەد ساڵح، ڕاوێژكاری دارایی سەرۆك وەزیران، وادەی ناردنی یاسای بودجەی گشتی ساڵی 2022 لەلایەن حكومەتەوە بۆ پەرلەمان ئاشكرا دەكات. ساڵح بە ئاژانسی فەرمی (العراقیە)ی ڕاگەیاندووە"گەر ڕەوشی یاسایی لەبار بێت و ڕێگە بۆ دەسەڵاتی ڕاپەڕندن خۆش ببێت بۆ تێپەڕاندنی یاساكان، ئەوا دەكرێت بودجەی ساڵی 2022 پێشكەش بكرێت و دواتر پرۆژە یاسای بودجەی 2023 لە مانگی تشرینی یەكەمی داهاتوو ڕەوانە بكرێت، بە مەرجێك یەكەم پەسەند بكرێت، بەر لە كۆتایی ساڵی دارایی لە كۆتایی كانوونی یەكەمی 2022". بە وتەی ڕاوێژكاری دارایی سەرۆك وەزیرانی عیراق"لەتشرینی یەكەمی داهاتوو، پرۆژە یاسای بودجەی ساڵی 2022 بۆ ساڵی 2023، لەلایەن حكومەتەوە بۆ پەرلەمان پێشكەش دەكرێت، بەپێی یاسای ئیدارەی دارایی فیدراڵ ژمارە 9ی ساڵی 2019ی هەمواركراو".
-
خەڵك- دوابەدوای ڕاگەیاندنی بینینی مانگی (زولحیجە) لەلایەن سعودیەوە و دیاری كردنی جەژنی قوربان، هەریەكە لە دیوانی وەقفی سوننی عێراق و وەزارەتی ئەوقافی هەرێم جەژنی قوربانیان دیاری كرد، بەڵام سیستانی ڕۆژی دواتر دەكات بە جەژن. نەبەز ئیسماعیل، وتەبێژی وەزارەتی ئەوقافی هەرێم بۆ (خەڵك) ڕایگەیاند، ڕۆژی (٨ )ی تەمموز وەستانی حاجیانە لەکێوی عەرەفە و ڕۆژی ( ٩) تەمموز یەکەمین ڕۆژی جەژنی قوربانی پیرۆزە. لای خۆشیەوە، دیوانی وەقفی سونی لە عێراق ڕایگەیاند، سبەی پێنج شەممە یەکەم ڕۆژی مانگی (زولحیجە)یە و ڕۆژی هەینی داهاتوو عەرەفەیه و ڕۆژی شەممە 2022/07/09 یەکەم ڕۆژی جەژنی قوربانی پیرۆزە. بەڵام ئایەتوڵا عەلی سیستانی، گەورە مەرجەعی شیعەكانی عێراق لە بەیاننامەیەكدا ڕایگەیاند، كە ئەم ئێوارەیە مانگ نەبینراوە و سبەینێ تەواوكەری مانگی كۆچی دەبێت و ڕۆژی هەینی یەكەم ڕۆژی مانگی (زولحیجە) دەبێت و بەوهۆیەوە ڕۆژی یەك شەممە 10ی تەمموز دەبێتە جەژنی قوربان. ئەمە لەكاتێكدایە، كە ئێوارەی ئەمڕۆ چوار شەممە، عەرەبستانی سعودیە لە بەیاننامەیەكدا ئاماژەی بەوەكردووە، ئێوارەی ئەمڕۆ هیلالیی مانگی (زولحیجە) بینراوە و بەهۆیەوە بڕیاردرا سبەینێ یەكەم ڕۆژی مانگی نوێی كۆچی بێت. ئاماژەی بەوەشكردووە، ڕۆژی هەینی 8ی تەمموز دەبێتە ڕۆژی ڕاوەستانی حاجییان لە عەرەفە و ڕۆژی دواتر شەممە 9ی تەمموز یەكەم ڕۆژی جەژنی قوربانی پیرۆز دەبێت.
-
خەڵك- قائیمقامی سەیدسادق بۆ پاراستنی باری ئەمنی و گیانی هاووڵاتیان چەند بڕیارێكی دەركرد. قائیمقامیەتی قەزای سەیدسادق لە ڕاگەیەنراوێكدا ئاماژەی بەوەكردووە، ئەمڕۆ چوار شەممە ٢٩ی ٦ی ٢٠٢٢، لە پێناو پاراستنی باری ئەمنی و سەرو ماڵی هاووڵاتیان و بەها كۆمەڵایەتیەكانی قەزاكەمان دوای ڕوودانی چەندان ڕووداوی ناخۆش و دڵتەزێن، دیاری ڕەفیق، قائمقامی قەزای سیدسادق بریاری دا بە هەندێك ڕێنمایی و قەدەغەكردنی چەند دیاریدەی تر. ڕاشیگەیاندووە، بۆ ئەو مەبەستە هەر خاوەن شوێنێك پابەند نەبیت بە توندی ڕووبەڕووی ڕێكاری یاسایی دەكەینەوە و مۆڵەتی كاركردنی لێ وەردەگرینەوە. جەختیشی كردۆتەوە، پێویستە دایكان و باوكان بە وردی چاودێری منداڵەكانیان بكەن و ڕێگەیان پێ نەدەن تا درەنگانێكی شەو لە بازار و كوچە و كۆڵانەكاندا بمێننەوە، تا نەبێتە هۆی ڕووداوی نەخوازرا و كێشە و گرفت بۆ خۆیان هاووڵاتیانی تر . دەقی بڕیارەكان: ١- داخستنی سەرجەم كافتریا و هۆڵەكانی بلیارد و گەیم سەنتەر و كافیەكان دوای كاتژمێر (١٢)ی شەو تا كاتژمێر (١٠) ی بەیانی . ٢- قەدەغەكردنی چوونە ژوورەوەی مێرد منداڵانی خوار (١٨) ساڵ بۆ ناو كافتریاكان هۆڵەكانی بلیارد و كافیەكان و مێرد منداڵی خوار (١٢) ساڵ بۆ گێم سەنتەرەكان . ٣- دەست بەسەردا گرتنی ( چەك ، چەقۆ ، بۆكس خنجەر و هاوتاكانی ) لە ناو كافتریا و هۆڵەكانی بلیارد ، لە ناو هەر شوێنێك دەستی بەسەردا بگیرێت شوێنەكەی دادەخرێت . ٤- دەست بەسەردا گرتنی ( ئۆتۆمبیلی جام ڕەش و ماتۆڕ سكیلی بێ سەرەتا ). ٥- قەدەغەكردنی لە بەركردنی پۆشاكی سەربازی لە لایەن ئەو هاووڵاتیانەی، كە لە هیج دام و دەزگایەكی ئەمنی كارمەند نین . ٦- قەدەغەكردنی هەموو جۆرە قومار كردنێك لە ناو هۆڵەكانی بلیارد و گەیم سەنتەرەكان . ٧- دەرچوونی شەوانەی مەفرەزەكان لە هێزە ئەمنیەكان بۆ چاودێری كردنی سەرجەم ئەو شوێنانە و ناوبازار و كوچەو كۆڵانەكانی بە مەبەستی بنبڕكردنی ئەو دیاریدانەی كە دەبنە هۆی بیزاركردنی هاووڵاتیان.
-
خەڵك-ئارام سەردار بڕیارە لەماوەی هەفتەی داهاتوودا، پاڵاوگەی لاناز بە بەرهەمی ڕۆژانەی دوو ملیۆن لیتر بەنزین بكەوێتە كار، سەرۆكی ئەنجوومەنی بەنزینخانەكانی هەولێر ڕایدەگەیەنێت، ئەگەر حكومەت پاڵپشتی بكات دەتوانێ بەنزین بەنرخی ٨٠٠ دینار بفرۆشێت و نرخی بەنزینیش هەرزان دەبێت. سیروان عەبدوڵا، سەرۆكی ئەنجوومەنی بەنزینخانەكانی هەولێر بە(خەڵك)ی ڕاگەیاند، لەهەولێر پاڵاوگەی لاناز كەیەكێكە لەگەورەترین پاڵاوگەكان و بەرهەمی ڕۆژانەی دەگاتە دوو ملیۆن لیتر بەنزین تەواو بووە، هەرچەندە بڕیاربوو لەم هەفتەیە بەنزین بخاتە بازاڕ، بەڵام هەندێ كاری تەكنیكی ماوە كاری لەسەر دەكەن و چاوەڕوان دەكرێت تا هەفتەی داهاتوو بەرهەمی پاڵاوگەكە بخرێتە بازاڕەوە. دەشڵێت: "ئەوەی ئێستا هەیە حكومەت بەنزینی ٦٩٠ دیناری بۆ پاس و تەكسی تەرخان كردوە و ٨٠٠ دیناریش بۆ هەموو جۆرەكانی تر دابین كراوە، بەشێكیش لەبەنزینخانەكان بەنزینی بازرگانی دەفرۆشن، كەڕۆژانە نرخی دەگۆڕێت". ئاشكراشی كرد، ئەو پاڵێوگەیە چاوەڕوان دەكرێت سەرەتا نزیكەی ملیۆنێك و ٥٠٠ هەزار لیتر بەرهەم بهێنێت تا ڕێژەكەی دەگاتە دوو ملیۆن لیتری ڕۆژانە. ئەوەشی خستەڕوو، پاڵاوگەكە هی كەرتی تایبەتە لەبەرئەوە نرخی بەنزینەكەی بەپێی نرخی نەوت لەجیهان زیاد و كەم دەكات، بەڵام ئەگەر حكومەت پاڵپشتی ئەو پاڵاوگەیە بكات دەتوانێ بەنزین بەنرخی ٨٠٠ دینار بۆ هەر لیترێك بفرۆشێت، لەهەمان كاتیشدا بەخستنە بازاڕی ئەو ڕێژە زۆرەی بەنزین كاریگەری لەسەر نرخی بەنزین بەگشتی دەبێت.
-
خەڵك- وتەبێژی بەڕێوەبەرایەتی ئاوی سلێمانی بۆ وەرزی هاوین دڵنیایی دەداتە هاووڵاتیان، كە "كێشەی ئاوی خواردنەوە نابێت" و ڕایدەگەیەنێت، جاروبار ئەگەر كێشە لە پڕۆژەكان و پەمپەكان دروست ببێت یان شكاوییەك هەبێت كەمێك پێدانی ئاو دوادەخات. ئامانج جەلال، وتەبێژی بەڕێوەبەرایەتی ئاوی سلێمانی بۆ (خەڵك) ڕایگەیاند، لە هاوینی ئەمساڵدا كێشەی بێ ئاوی ڕوونادات و ئاوی پێویستی خواردنەوە هەیە و كارمەندان لە كاركردنی بەردەوام و بێ وچاندان بۆ دابین كردنی ئاوی پاك بۆ هاووڵاتیان. ڕاشیگەیاند، ئەگەر شكاوییەك یان كێشەیەك لە پەمپ و پڕۆژەكان ڕووبدات ئەوە تاكو چاك دەكرێتەوە دابەشكردنی ئاو دوادەكەوێت، بەڵام كێشەی دابین كردنی ئاوی خواردنەوە نییە و خشتەی پێدانی ئاو بە گەڕەكەكان نەگۆڕاوە. جەختیشی كردەوە، ئەو گەڕەكانەی تۆڕی ئاویان نییە لەڕێگەی تەنكەرەوە ئاوی پاكیان بۆ دابین دەكرێت و پشكنین بۆ ئاوەكە دەكرێت. بەڕێوەبەرایەتی ئاوی سلێمانی لەڕێگەی پڕۆژەكانی ئاوی دوكان سلێمانی (هێڵی یەك و دوو) هەروەها پڕۆژەی ئاوی سەرچنارەوە ئاوی پاكی خواردنەوە بۆ شاری سلێمانی و دەورووبەری و پیرەمەگروون و ئەلایی و بازیان و تەكیە و چەمچەماڵ دابین دەكات.
-
خەڵك- عەرەبستانی سعودیە بڕیاریدا بەهۆی بینینی مانگەوە سبەینێ یەكەم ڕۆژی مانگی (زولحیجە)ی كۆچی بێت و ڕۆژی شەممە 9ی تەمموز بكرێتە یەكەم ڕۆژی جەژنی قوربان. عەرەبستانی سعودیە لە بەیاننامەیەكدا ئاماژەی بەوەكردووە، ئێوارەی ئەمڕۆ هیلالیی مانگی (زولحیجە) بینراوە و بەهۆیەوە بڕیاردرا سبەینێ یەكەم ڕۆژی مانگی نوێی كۆچی بێت. ئاماژەی بەوەشكردووە، ڕۆژی هەینی 8ی تەمموز دەبێتە ڕۆژی ڕاوەستانی حاجییان لە عەرەفە و ڕۆژی دواتر شەممە 9ی تەمموز یەكەم ڕۆژی جەژنی قوربانی پیرۆز دەبێت. هاوكات، دیوانی وەقفی سونی لە عێراق ڕایگەیاند، سبەی پێنج شەممە یەکەم ڕۆژی مانگی (زولحیجە)یە و ڕۆژی هەینی داهاتوو عەرەفەیه و ڕۆژی شەممە 2022/07/09 یەکەم ڕۆژی جەژنی قوربانی پیرۆزە. پێشتر، نەبەز ئیسماعیل، وتەبێژی وەزارەتی ئەوقافی هەرێم بۆ (خەڵك) ڕایگەیاند، تەنیا وڵاتی سعودیە جەژنی قوربان بۆ ھەموو جیھان دیاری دەكات، بۆئەمەش ئێوارەی ڕۆژی چوار شەممە ٢٩ ⁄ ٦ بریاری كۆتایی دەدات و مانگی (زولحیجە) دەست نیشان دەكات، ھەر ئەوكاتەش، وەستان لەكێوی عەرەفە و ڕۆژی جەژن دیاری دەكات.
-
خەڵك- ئەنجوومەنی وەزیران وەزارەت و لایەنە پەیوەندیدارەكانی ڕاسپارد پارێزگاری لە دامەزراوە نیشتیمانییەكانی هەرێمی كوردستان بكەن و هۆكاری پەسەند نەكردنی بودجەی هەرێم دەگەڕێنێتەوە بۆ نەبوونی یاسای بودجەی فیدڕاڵی و بڕیاریدا پەڕلەمان لەو ڕاپۆرتەی وەزارەتی دارایی ئاگادار بكرێتەوە. بەپێی ڕاگەیەنراوێكی حكومەتی هەرێمی كوردستان، ئەمڕۆ چوار شەممە 29 ی حوزەیرانی 2022، بە سەرپەرشتی مەسرور بارزانی، سەرۆكی ئەنجومەنی وەزیران و ئامادەبوونی قوباد تاڵەبانی، جێگری سەرۆكی ئەنجومەن، ئەنجومەنی وەزیرانی هەرێمی كوردستان كۆبووەوە. لە سەرەتای كۆبوونەوەكەدا، سەرۆك وەزیران بەناوی ئەنجومەنی وەزیرانەوە، پرسە و سەرەخۆشی لە بنەماڵە و كەسوكاری هەردوو شەهید، پرۆفیسۆر د. كاوان ئیسماعیل ڕاگری كولێجی یاسا لە زانكۆی سەلاحەددین و پرۆفیسۆری یاریدەدەر د.ئیدریس حەمە خان مامۆستا لە كۆلیجی ئەندازیاری زانكۆی سەلاحەددین كرد و ئاماژەی بەوەدا، كە وەزارەتی ناوخۆ و دەزگا ئەمنییەكانی ڕاسپاردووە ڕێكاری پێویست وەربگرن لە بەرامبەر ئەم تاوانە و لە هەمانكاتدا ڕاشسپێردراون بە كۆكردنەوەی چەكی بێ مۆڵەت، هەروەها پێویستە دادگاكانیش پەلە بكەن لە ڕێكارە یاسایی و قەزائییەكان بەرامبەر تاوانباران و بەسزا گەیاندنیان، تا تاوانباران ببنە پەند بۆ ئەوانەی بیر لە تاوانی لەم جۆرە دەكەنەوە. سەرۆكی ئەنجومەنی وەزیران، باسی لە بابەتی چەند بارەبوونەوەی هێرشە تیرۆریستیەكان بۆ سەر خەڵك و ژێرخانی ئابووریی هەرێمی كوردستان لە چەند مانگی ڕابردوودا كرد و وتی، "ئامانج لە ئەو هێرشانە زیان گەیاندنە بە سەرچاوەی دارایی و ئابووریی هەرێم و پەكخستنی پڕۆسەی وەبەرهێنانە لە هەرێم". ئەنجومەنی وەزیران، وەزارەت و لایەنە پەیوەندیدارەكانی ڕاسپارد، كە ئەركی خۆیان لە پارێزگاریكردن لە دامەزراوە نیشتیمانیەكانی هەرێم كە سەرچاوەی دابینكردنی مووچە و خەرجیە گشتیەكانی هەرێمە جێبەجێ بكەن . ڕاشیگەیاندووە، حكومەتی فیدڕاڵی، بە بێ هیچ پاساوێكی قانونی و دەستووریی، هەرێمی كوردستان بێ بەش دەكات لە شایستە داراییەكانی كە لە كۆی 26 مانگ، تا ئێستا تەنیا بۆ ماوەی 13مانگ بڕە پارەیەكی بە ناوی پێشینە كە تەنیا 200 ملیار دینارە ناردووە، لە كاتێكدا سەرجەم پابەندییە داراییەكانی هەرێمیان لە بەشە بودجەكەمان داشكاندوە. ئەنجومەنی وەزیران دووپاتیكردەوە، كە حكومەتی هەرێمی كوردستان، هەمیشە پابەندبووە بە دەستوور و ئامادەیە بۆ ڕێككەوتن لە گەڵ حكومەتی فیدراڵی و چارەسەركردنی كێشەكان لە سەر بنەمای دەستوور و شەفافانەش هەموو زانیاریەكانی سەبارەت بە داهات و خەرجیی و قەرز و میلاكی وەزیفیی، بە ژمارە خستووەتە بەردەم تیمی دیوانی چاودێری دارایی عێراق، بۆیە هیچ چارەسەرێك لە دەرەوەی دەستوور قبوڵكراو نییە. ئەنجومەنی وەزیران داوا لە حكومەتی فیدڕاڵیی و وەزارەتی نەوت دەكات، كە گوشاریی ناڕەوایان بۆ سەر وەبەرهێنەرانی نێودەوڵەتی بواری نەوت وگاز لە هەرێم ڕابگرن، كە دەبوو وەك دەوڵەتی فیدڕاڵیی، پشتیوانی پێشكەوتن و بووژاندنەوەی ئابووری هەرێم بن، نەك گوشاری ناڕەوا بكەن بۆ پەكخستنی ئەو بووژانەوەیە. هەروەها حكومەتی هەرێم بە هەموو شێوەیەك داكۆكی لە شایستە دارایی و مافە دەستوورییەكانی هەرێمی كوردستان دەكات و بۆ ئەم مەبەستەش، دەستەیەكی یاسایی سەرقاڵیی ئامادەكارییە. لای خۆشیەوە، جێگری سەرۆك وەزیران، باسی لەوە كرد، كە زانیاری تەواومان هەیە لەسەر ئەو لایەنەی هێرشەكانی كردووەتە سەر كێڵگەی غازیی كۆرمۆر و لێكۆڵینەوەی وردیش كراوە بۆ ئەوەی ڕێكاریان بەرامبەر وەربگیرێت. وتیشی: ھێرشە‌كان كراونە‌تە سەر پڕۆژەی فراوانكردنی كێڵگەی كۆرمۆر نەك ئەو بەشەی كە ئێستا غاز بەرهەم دەهێنێت بۆ دابینكردنی پێویستی هاووڵاتییان. ئەنجومەنی وەزیران، لە كاتێكدا جەختی لە گرنگیی هەماهەنگیكردن لە گەڵ كەناڵەكانی ڕاگەیاندن و پێدانی زانیاری كردەوە، داواشیكرد دەزگاكانی ڕاگەیاندنی كوردستان، لە ڕووماڵكردنی ڕووداوەكاندا، بەرپرسیارانە و پیشەییانە ڕەفتار بكەن و لە چوارچێوەی ڕێنمایی و ستانداردەكانی ڕۆژنامەوانیی كار بكەن و نەبنە سەكۆیەك بۆ بڵاوكردنەوەی ترس و دڵەڕاوكێ و…