پاپاى ڤاتیكان سەرلەنوێ باسی عیراق دەكات
خەڵك- پاپای ڤاتیكان جارێكی تر باسی عیراق دەكات و دەڵێت،…
زیاترتاگ: ڤاتیكان
سیستانی ناوەڕۆكی كۆبوونەوەی لەگەڵ پاپا بڵاوكردەوە
خەڵك- نووسینگەی مەرجەعی باڵای شیعەكانی عیراق وردەكاری…
زیاترسەردێر
-
خەڵك- بەڕێوەبەرایەتی پۆلیسی گەرمیان ئاشكرای دەكات، كە باوكێك بەهەڵە بە ئۆتۆمبێل لە منداڵەكەی خۆی داوە و پاش گەیاندنی بەنەخۆشخانە گیانی لەدەستدا. مقدەمی مافپەروەر، عەلی جەمال قدووری، وتەبێژی پۆلیسی گەرمیان لە ڕاگەیەنراوێكدا ئاماژەی بەوەكردووە، بەیانی ئەمڕۆ یەك شەممە لەگەڕەكی شەهیدانی شارۆچكەی كەلارەوە تەرمی منداڵێكی (3) ساڵان هێنرایە بەشی فریاكەوتنی شەهید هەژار، كەبەهۆی شێلان بەئۆتۆمبێل گیانی لەدەستدابوو . ڕاشیگەیاند، بەوتەی باوكی، منداڵەكەی ناوی (لاهور ئاری فەیزولا )یە و تەمەنی 3 ساڵە، بەیانی ئەمڕۆ بە ئۆتۆمبێلەكەی، كە جۆری جێب لاریدۆیە لەلای ماڵی خۆیان بەهەڵە شێلاویەتی و بەهۆیەوە گیانی لەدەستداوە. ئاشكراشی كرد، لەئێستادا بەمەبەستی توێكاری تەرمەكەی ڕەوانەی پزیشكی دادوەری شارۆچكەی كەلار كراوە.
-
خانمە هونەرمەند هانی موجتەهیدی نوێترین بەرهەمی خۆی بەناوی تەنیایی بڵاوکردەوە. بەرهەمە نوێکەی هانی لە تێكستی ئەحمەد محەمەدە، كاری میكس و ماستەرینگی لەلایەن كۆنستانتن كارستنس بۆ كراوە، لە دەرهێنانی سەید محەمەدییە. هانی لە دایک بوی شاری سنەی ڕۆژهەڵاتی کوردستانە، زیاتر لە 20 ساڵە سەرقاڵی کاری هونەریە، یەکەم ئەلبومی لە ساڵی 2009 بڵاوکردەوە بە ناوی ساندرێلا، بە ستایلی ئەلتەرناتیڤ کاردەکات، چەندین بەرهەمی هونەری هەیە.
-
خەڵك- كۆمەڵگای دەروازەی نێودەوڵەتی پەروێزخان ئاشكرای دەكات، لە سبەینێوە هاتووچۆی گەشتیاری بەڕووی هاووڵاتیاندا دەكرێتەوە. كۆمەڵگای دەروازەی نێودەوڵەتی پەروێزخان لە ڕاگەیەنراوێكدا ئاماژەی بەوەكردووە، دوای ئەوەی بەهۆی مەترسی بڵاوبوونەوە و تەشەنە سەندنی ڤایرۆسی كۆرۆنای گۆڕاو، كۆماری ئیسلامی ئێران لە ٢٠٢١/٢/٢٠ دەروازە سنورییەكانی لەگەڵ عێراق بەڕووی گەشتیاراندا داخست، بەبڕیاری ئەو وڵاتە سبەینێ هاتووچۆی گەشتیاری دەستپێدەكاتەوە. ڕاشیگەیاندووە، بەپێی بڕیارەكەی كۆماری ئیسلامی ئێران، سنورداركردنی هاتووچۆی گەشتیاری لەسنوورە هاوبەشەكانی ئێران لەگەڵ عێراق تا (٤/٢٠/ ٢٠٢١) بە داخراوی دەمێنێتەوە، بەڵام ئەو كەسانەی (مۆڵەتی ئیقامەی كارپێكراو، ڤیزای خوێندن، ڤیزای نەخۆشی و وەبەرهێنان و بازرگانی، ڤیزای كار و مۆری چوونەدرەوە و پۆلیسی كۆچبەران و پاسپۆرتیان هەیە)، دەتوانن بچنە مەرزەكان و گەشتی ئێران بكەن. ئاشكراشی كردووە، ئەو كەسانەی ئەو مەرجانە دەیانگرێتەوە، دەتوانن لەسبەینێ دوو شەممە ٢٠٢١/٤/١٢ەوه لەڕێگەی دەروازەی نێودەوڵەتی پەروێزخانەوە گەشت بۆ وڵاتی ئێران بكەن.
-
یەکیک لەو بابەتانەی لە پزیشکی دادوەری مامەڵەی لەگەل دەکەین حالاتی لەبارچوون بەس ئەگەر تاوان و جیابوونەوەو سکاڵای لەسەر بیت ئینجا دەبیتە حالەتی پزیشکی دادوەری. ئەو حالەتەی باسی دەکەم یەکیکە لە سەدەها حالەت رۆژانە روودەدات . دوو هاوسەر هاتبونە سەر حالەتی لیک جیابوونەوە پرسیارمان کرد بۆ جیا دەبنەوە؟ ئافرەتەکە لە وەڵام گوتی من زگم هەبوو زانیم پێمان بەخێو ناکریت بەدزی لەبارم برد لە عیادەکی بچوکی تاریکی پەنا کۆڵانان..ئیستاش میردەکەم زانی دەیەوی لیم جیابیتەوە لەسەر ئەوە بۆیە دادوەر ناردوومی تاکو دلنیا بێتەوە لەوەی لەبارچوونم هەیە.ئینجا باسی شێوازی لەبارچوونەکەی کرد کەچۆن بۆی کردووە کە بەداخەوە کارەساتە ئەوەی روودەدات. لەم بابەتە دەمەوێ ئەوە باس بکەم جگە لە کوشتنی روحێک ماڵیکیش تێک چوو لەسەر ئەو تاوانە..لە یاسای عیراقی لەباربردنی مندال بە تاوان هەژمار دەکریت و سزای لەسەرە بۆ هەردوو لا ئەوەی لەبارچوونەکە ئەنجام دەدات و ئەوی دەیەوێ مندالەکە بچووێنی. لە رووی زانستیەوە ئەو کاری لەباربردنی مندال زۆر زیانی هەیە لەسەر تەندروستی ئافرەتەکە و بە یەکیک لە هۆکارەکانی مردن دادەنریت بەتایبەتی ئەگەر وەک ئەوەی ئێستا روودەدات لە کۆلانان بکریت و بە ناتەندروستی. تکایە رێگری بکەن بە هەموو لایەک لەکاری نا یاسایی و تاوان .. لە جیاتی ئەوە هەول بدریت کار بکریت لەسەر چاککردنی یاسایی لەباربردن لە یاسای عیراقی نەک ئەو جۆرە کەسانە لە تاریکی کۆلانان وەک مافیا بازرگانی دەکەن بە گیانی مرۆڤ و بەشێوەیەکی دڕندانە..
-
خەڵك- ئارام سەردار یەكێتی مامۆستایانی كوردستان هەڵوێستی بەرامبەر پڕۆسەی خوێندن ڕادەگەیەنێت و ئاشكرای دەكات، كە وەزارەتی پەروەردە پێشنیاری كردووە خوێندن بكرێتە ئەلیكترۆنی و ئێمەش پشتیوانی دەكەین بە چەند مەرجێك. ئەحمەد گەرمیانی، سەرۆكی یەكێتی مامۆستایانی كوردستان لە كۆنگرەیەكی ڕۆژنامەوانیدا ئاماژەی بەوەكرد، ئەمڕۆ یەكێتی مامۆستتایان كۆبۆتەوە و تاوتوێی پڕۆسەی خوێندنی كردووە لەكاتێكدا، كە ڕۆژانە ئامارەكانی تووشبوون و مردن بە كۆرۆنا لە هەڵكشانە. وتیشی، "وەزارەتی پەروەردە پێشنیاری كردووە خوێندن بكرێت بە ئەلیكترۆنی بۆ ئەم قۆناغە و ئێمەش پشتیوانی ئەو پێشنیارە دەكەین بۆ لیژنەی باڵای ڕووبەڕووبوونەوەی كۆرۆنا بە چەند مەرجێك". سەبارەت بە مەرجەكان ئاشكراشی كرد، دەبێت خوێندنی ئەلیكترۆنی بۆ ماوەیەكی دیاری كراوبێت و ڕێگە نەدرێت خوێندنی ئەمساڵ بفەوتێت یان دوابخرێت، هەروەها دەسەڵات بدرێت بە بەڕێوەبەرایەتییە گشتییەكان بۆ ئەوەی ئەو كارەبایان نییە و ئەنتەرنێتیان نییە خوێندن بەردەوام بێت و پەیوەندی نێوان خوێندكار و مامۆستا بەردەوام بێت، كە لانی كەم هەفتانە ڕۆژێك یان چەند كاتژمێرێك ئەو پەیوەندییە هەبێت تاوەكو مامۆستا ئاگاداری ئەو وانانەبێت، كە بە ئەلیكترۆنی دەخوێنرێن. جەختیشی كردەوە، دەبێت پۆلەكانی (1 و 2 و 3)ی بنەڕەتی ڕەچاو بكرێن و بەرنامەیەكی بۆ دابنرێت هەروەها بۆ پشووی هاوینەیان و هەروەها دەبێت پەروەردە پلانی تۆكمەی هەبێت بۆ خوێندنی ئەلیكترۆنی نەك وەك ساڵی ڕابردوو، كە چەندین كێشەی هەبوو. ئەحمەد گەرمیانی وتیشی، "دەبێت تاقیكردنەوەكان لەناو ناوەندەكانی خوێندن بێت و بە ئەلیكترۆنی نەبێت" و جەختیشی كردەوە، دەبێت كێشەی مووچە چارەسەر بكرێت و دەبێت بە بێ لێبڕین بدرێت و حكومەتی هەرێم بڕیار لەسەر ئەوە بدات.
-
خەڵك- بزووتنەوەی گۆڕان وەرگرتنی پارە لە پارتی دیموكراتی كوردستان ڕەتدەكاتەوە و ڕایدەگەیەنێت، "ئەوە زانیارییەكی ناڕاست و بێ بنەمایە". وتەبێژی بزووتنەوەی گۆڕان لە بەیاننامەیەكدا ئاماژەی بەوەكردووە، "هەواڵی وەرگرتنی بودجە یاخود بڕە پارەیەك لە پارتی دیموكراتی كوردستان یان هەر حزبێكی سیاسی دیكە بۆ بزووتنەوەی گۆڕان زانیارییەكی ناڕاست و بێ بنەمایە". ئەمە لەكاتێكدایە، كە لەماوەی ڕابردوودا چەند جارێك بزووتنەوەی گۆڕان بەوە تۆمەتبار كراوە، كە مانگانە پارە لە پارتی وەردەگرێت و لەماوەی ڕابردووشدا لە یەكێتی وەرگرتووە. لەدواین نووسراوی فراكسیۆنی ئەو حزبە لە پەڕلەمانی عیراق، كە وەڵامی نووسراوێكی ڕێكخەری گشتی حزبەكەیان داوەتەوە ئاماژەیان بەوەكردووە، "بزووتنەوەكە مانگانە بڕی 250 هەزار دۆلار لە پارتی وەردەگرێت" و داوای ڕوونكردنەوەیان لەسەر ئەو پارەیە كردووە.
-
خەڵك- وەزارەتی ئەوقافی هەرێمیش ئاشكرای دەكات، ئێوارەی ئەمڕۆ لیژنەی بینینی مانگ لەسەرجەم پارێزگاكان كۆدەبێتەوە و بڕیار لەسەر یەكەم ڕۆژی ڕەمەزان دەدات. نەبەز ئیسماعیل، وتەبێژی وەزارەتی ئەوقافی هەرێم بۆ (خەڵك) ڕایگەیاند، ئەو خشتە و حساباتە فەلەكیانەی بڵاودەكرێنەوە لە هەرێم كاریان پێ ناكرێت بۆ دیاری كردنی مانگی كۆچی و ڕەمەزان و جەژن، بەڵكو لە هەرێم پشت بە بڕیاری لیژنەی بینینی مانگ دەبەسترێت، كە سەڵانە لەلایەن وەزارەتەوە پێكدەهێنرێت. وتیشی، "ئەمساڵیش وەزارەتی ئەوقاف لیژنەی بۆ بینینی مانگ پێكهێناوە و ئێوارەی ئەمڕۆ لیژنەی بالا و لیژنەی پارێزگاكان كۆدەبنەوە و چاودێری بینینی مانگ دەكەن و ئەگەر مانگ ببینرێ سبەینێ دەكرێتە یەكەم ڕۆژی مانگی پیرۆزی ڕەمەزان و ئەگەر مانگیش نەبینرا ئەوا سبەینێ دەبێتە تەواوكەری مانگی شەعبان و ڕۆژی سێ شەممە دەبێتە یەكەم ڕۆژی مانگی ڕەمەزانی ئەمساڵ. جەختیشی كردەوە، وەزارەتی ئەوقاف و لیژنەی بینینی مانگ و ئەنجوومەنی باڵای فەتوای هەرێم ڕێكاری پێویست دەگرنەبەر و بە هەماهەنگی لەگەڵ دیوانی وەقفی سوننەی عیراق بڕیار لە یەكەم ڕۆژی ڕەمەزانی پیرۆز دەدرێت.
-
خەڵک - وەرزش یانەی ڕیاڵ مەدرید لەیاریگای دیستیفیانۆی تایبەت بەخۆی پێشوازی لەیانەی بەرشەلۆنە کرد و توانی بە دوو گۆڵ بەرامبەر گۆڵێک یارییەکەی لێبباتەوە. لە یەکەمین هێرشدا یانەشاهانەییەکە لە ڕێگای کەریم بنزیمەوە توانی گۆڵی پێشکەوتن تۆمار بکات و جۆش بە یارییەکە بدات. یانەی ڕیاڵ مەدرید باشتر و بەهێزتر دەبینران و بەردەوم بوون لە کۆنترۆڵکردنی یاریگا و هێرشبردن، بەڵام ئەمە نەیدەکردە ئەوەی یانە کەتەلۆنییەکەش دەربەست بێ، بۆیە چەندجارێک هەوڵی تۆمارکردنی گۆڵیاندا، بەڵام کۆرتوا و ستونی گۆڵ هۆکار بوون کە یاریزانانی بەرشە نا ئومێد بن. یانەی ڕیاڵ مەدرید هەلی بۆ ڕەخسا گۆڵی دووەم تۆمار بکات بەلێدانێکی ڕاستەوخۆ کە لەلایەن تۆنی کروسەوە بۆ جاری دووەم گۆڵی یانەی بەرامبەریان هەژاند و ئەو تایمە بەو ئەنجامە کۆتایی هات . تایمی دووەم چاوەڕێی یاریەکی بەهێزتر دەکرا، راهێنەری بەرشە گۆڕانکاری ئەنجامدا و لەو تایمەدا یاریزان میگوێزە گۆڵێکی بۆ بەرشەلۆنە تۆمارکرد، بەڵام ئەو گۆڵە بەرشەی لەشکست رزگار نەکرد و مێرەنگی کلاسیکۆی بەسەرکەوتن کۆتایی پێ هێنا و بەکاتی پێشەنگی لا لیگای وەرگرت .
-
خەڵك پۆلیسی گەرمیان بڵاویكردەوە، باوكێك بە هەڵە بە ئۆتۆمبێلەكەی منداڵە سێ ساڵەكەی شێلاو گیانی لەدەستدا. مقدەمی مافپەروەر عەلی جەمال قدووری وتەبێژی پۆلیسی گەرمیان، رایگەیاند، بەیانی ئەمڕۆ یەكشەمە لەگەڕەكی شەهیدانی قەزای كەلارەوە تەرمی منداڵێكی سێ ساڵان هێنرایە بەشی فریاكەوتنی شەهید هەژار كەبەهۆی شێلان بەئۆتۆمبێل گیانی لەدەستدابوو" . بەوتەی باوكەكە ئەو منداڵە، ناوی (لاهور ئاری فەیزولا ) یە تەمەنی سێ ساڵە بەیانی ئەمڕۆ بە ئۆتۆمبێلەكەی كە جۆری جێب لاریدۆیە لەلای ماڵی خۆیان بەهەڵە شێلاویەتی و بەهۆیەوە گیانی لەدەستداوە. ئاماژەی بەوەشكردووە، لەئێستادا بەمەبەستی توێكاری تەرمەكەی ڕەوانەی پزیشكی دادوەری قەزای كەلار كراوە
-
خەڵك لەماوەی 24 كاتژمێری ڕابردوودا 1129 تووشبووی نوێی ڤایرۆسی كۆرۆنا لە هەرێم تۆمار كراوەو 11 كەسیش گیانیان لەدەستداوە. وەزارەتی تەندروستی حكەمەتی هەرێمی كوردستان ئاماری 24 كاتژمێری ڕابردووی بڵاوكردەوە و بەپێی ئامارەكە لەو ماوەیەدا 1129 توشبووی نوێ تۆماركراوەو 11 كەسیش گیانیان لەدەستداوە. لە ڕاگەیەندراوەكەدا ئەوەش هاتووە، 9 هەزار و 414 پشكنین ئەنجامدراوە و 360 كەسیش چاكبوونەتەوە. اگەیاندراوی (٢٤) كاتژمێری تایبەت بە نەخۆشی ڤایرۆسی كۆڕۆنای نوێ COVID19 ژمارە (٤١٠) ١. پشكنین: (٩٤١٤ پشكنینی نوێ) • (٣٠٧٨) هەولێر • (٢٥٨٢) سلێمانی • (٣٠٩٥) دهۆك • (١٨٩) هەڵەبجە • (٤٧٠) گەرمیان • (٠) ڕاپەڕین • ٢. تووشبوو: (١١٢٩ تووشبووی نوێ) • (٣٠٢) هەولێر • (٤٢٣) سلێمانی • (٣٣٣) دهۆك • (٢٣) هەڵەبجە • (٤٨) گەرمیان • (٠) ڕاپەڕین • ٣. چاكبوون: (٣٦٠ چاكبوون) • (٩٠) هەولێر • (٨٨) سلێمانی • (١٥٤) دهۆك • (١) هەڵەبجە • (٢٤) گەرمیان • (٣) ڕاپەڕین • ٤. مردن: (١١ مردن) • (٦) هەولێر • (١) سلێمانی • (٣) دهۆك • (٠) هەڵەبجە • (١) گەرمیان • (٠) ڕاپەڕین ئاماری گشتی: كەڕەنتین هاوڵاتی ٢١٨٧١ (٢١٨٧١ دەرچوو) پشكنین ١٤٨٤٦٨٧ (٥٢٦٦٧٦ هەولێر، ٣٢٩٤٨٠ سلێمانی، ٦٢٠٢٢٦ دهۆك، ٨٣٠٥ هەڵەبجە) تووشبوون ١٣٢٢٧٠ (٤٥١٠١ هەولێر، ٣٨٥٥٠ سلێمانی، ٤٥٤٣٣ دهۆك، ٣١٨٦ هەڵەبجە) چاكبوون ١١٣٩٥٩ (٣٩١٩٤ هەولێر، ٣١٨٨٣ سلێمانی، ٣٩٩٠١ دهۆك، ٢٩٨١ هەڵەبجە) لەژێر چارەسەر ١٤٥٢٥ (٤٨٦٤ هەولێر، ٤٨٩١ سلێمانی، ٤٧٠٩ دهۆك، ٦١ هەڵەبجە) مردن ٣٧٨٦ (١٠٤٣ هەولێر، ١٧٧٦ سلێمانی، ٨٢٣ دهۆك، ١٤٤ هەڵەبجە) بۆ زانیاری زیاتر سەردانی داشبۆردی حكومەتی هەرێمی كوردستان بكەن لەم لینكە (https://gov.krd/coronavirus/dashboard/). وێڕای دەستخۆشی بۆ پزیشكان و كارمەندانی تەندروستی و هەموو تیمەكانی پزیشكی كە لە ئەركدان، جەخت دەكەینەوە هاووڵاتیان پابەندبن بە ڕێنماییەكانی تەندروستی و دوركەوتنەوە لە شوێنی قەڵەبالغ و دانانی ماسك و دەستكێش، وە لەكاتی پێویستدا پەیوەندی بكەن بە هێڵی گەرمی ژمارە (١٢٢). وەزارەتی تەندروستی حكومەتی هەرێمی كوردستان ١١ی نیسان ٢٠٢١